求教: 怎樣應付這種人?

我有個朋友, 佢自己堅拒信教, 但佢屋企人(包括佢家姐同爸媽)都信基督教, 去同一教會, 但係好奇怪,
佢爸媽每星期日都去教會, 但我朋友家姐就開頭有去, 但之後永遠都籍詞無去, 而係屋企度, 襯住佢阿
爸媽出左去既時候, 以執屋之名, 丟去朋友家姐自己認為無用既野(包括我朋友同爸媽既收藏), 問都唔
問就丟左去.

重有既係, 我朋友個家姐好自我中心, 永遠都係要佢屋企人依照佢既生活方式, 呢排更變本加厲, 自己
想早睡, 就強迫我朋友同爸媽都要陪佢早睡, 又呼呼喝喝, 早上我朋友上班, 次次都係食完早餐趕出門口
返工咁上下, 佢家姐就走入洗手間洗頭, 一洗就半小時.

我朋友阿爸阿媽每次都就晒佢家姐, 可能係因為佢家姐帶佢地返教會. 但我朋友唔信教, 所以對住個野蠻
家姐就覺得好苦惱.

其實可以教我朋友點應付佢家姐? Thanks.

[ 本帖最後由 peterkwan 於 2007-9-30 12:49 編輯 ]

同自己屋企人，唔可以話邊個對付邊個．咁做只有傷感情．

如果佢家姐性格上有問題，連父母都冇佢符，目前只有就下佢，
減少衝突．亦避免令父母難做．

而長遠計，叫你朋友努力搵錢，自己搬出去住吧．

呢d似係性格問題，但亦唔排除佢家姐有情緒病。
唔係講笑，香港好多人有情緒病都唔知。
就下佢係治標方法，治本還是要了解佢家姐問題所在。

原帖由 HK104 於 2007-10-1 01:46 發表
呢d似係性格問題，但亦唔排除佢家姐有情緒病。
唔係講笑，香港好多人有情緒病都唔知。
就下佢係治標方法，治本還是要了解佢家姐問題所在。

申報：我是基督徒。
還有的是，要她自己明白個問題所在。她是基督徒而言，她應清楚不能停止聚會的。
想問一問樓主是否基督徒？

原帖由 KE7782 於 2007-10-1 23:10 發表


申報：我是基督徒。
還有的是，要她自己明白個問題所在。她是基督徒而言，她應清楚不能停止聚會的。
想問一問樓主是否基督徒？

我不是基督徒.

照我來說, 樓主的朋友的問題看來不在信不信教的問題
是她自身的問題,是性格的問題, 假若是基督徒的話更應愛父母吧
有商有量才對吧

看錯請插