有關股票基金及基金一問

多謝HK104兄、HKICQ兄及各位版友之前的意見

近排聽到股票基金/基金的廣告，想問下各位
邊隻較好？最近有隻富蘭克林鄧普頓基金又諗唔得過？
小弟想了解一下，先謝！

原帖由 TL 於 2007-10-6 18:31 發表

睇到個標題其實唔係好想回, 但內文你問到呢隻「富蘭克林鄧普頓基金」我幾有興趣答下.
因為尋日放工搭巴士見到隔籬部巴士上呢個廣告, 係以新興市場小型公司作賣點, 我對呢隻
基金幾有興趣.

如有興趣, 可以上網搵返 ...

你可以去銀行或理財顧問了解下投資基金的須知和承受風險的能力. 同
時你可以參考有關網頁, 如學‧投資網站或Morningstar Asia等. 銀行或理
財顧問的意見只係參考, 最重要係自己做功課, 和唔識問到識.

[ 本帖最後由 modelcollector 於 2007-10-7 00:53 編輯 ]

原帖由 DC3938 於 2007-10-3 23:19 發表
多謝HK104兄、HKICQ兄及各位版友之前的意見

近排聽到股票基金/基金的廣告，想問下各位
邊隻較好？最近有隻富蘭克林鄧普頓基金又諗唔得過？
小弟想了解一下，先謝！ ...

富蘭克林鄧普頓(Franklin Templeton)係其中一間著名基金投資公司，佢有
好多唔同基金產品，你想知係邊隻？
你可以去佢個網頁睇睇先，佢有富蘭克林系列同鄧普頓系列，有成幾十隻唔
同基金。
網址 - http://chinese.franklintempleton.com.hk/hkchinesesite/home.jsp
不過如果去bank投資基金，佢地會解釋下每隻基金特性，當然自己要再思考
一下，因為唔同基金投資唔同市場、行業，每個行業同市場都有唔同情況同
風險。例如，如果你認為石油價格仍有上升空間，你可考慮有關石油類的，
反之當然唔好啦。但是講真，個人認為目前投票市場處於較高水平，是否合
適時間進入市（股票／投資基金）？

此外，還有不少著名基金公司，有列出公司的投資產品，可以去看看：
JF - http://www.jfam.com/
富達 - https://www.fidelity.com.hk/tc/
首域 - http://www.firststateasia.com/
荷銀 - http://www.aaam.com.hk/aaamcms/

都係一句，投資要量力而為，除左金錢之外，了解自己可承受的風險是很
重要，有些投資產品可以在短時間獲利很多，同樣這些產品也可在短時間
損失很大。基本上，銀行在客戶開投資戶口時會做一份評估，會涉及客戶
可承受的風險度，佢地會因應而作出建議。

多謝各位的意見，我會再了解多o的，有不明白的地方會再向你們請教

想順便問一問, 有D股票基金, 個名一樣, 但一個括住"現金", 另一個括住"單位",
其實有咩分別?

原帖由 JZ3968 於 2007-10-19 21:28 發表
想順便問一問, 有D股票基金, 個名一樣, 但一個括住"現金", 另一個括住"單位",
其實有咩分別?

有冇例子?

原帖由 JZ3968 於 2007-10-19 21:28 發表
想順便問一問, 有D股票基金, 個名一樣, 但一個括住"現金", 另一個括住"單位",
其實有咩分別?

現金分發型(distribution unit)指該基金會將購入股票既股息分發予單位持有人,
累積單位型(accumulation unit)則不會分發現金,所得既股息會留在基金成為資產
淨值(net asset value)既部份,反映在基金价格.

原帖由 TL 於 2007-11-5 20:17 發表
情況就好似某些股票, 上市公司公布派息時會俾股東響除淨日前選擇以現金結算
或者「以股代息」, 只不過你講緊既基金係開始投資前就要決定派息時收 cash
還是基金單位

在經濟日報B板每日會有香港認可基金/強積金既价格,當中有部份基金
係有(現金)及(累積)既標示,(現金)既種類价格會較低(尤其係債券基金)
估計係JZ3968所問既.
由于香港不設有增值/利息稅,因此大部份香港既股票基金都會任由股息去累積
(可以俾基金'加碼'買股)以減小運作成本.在有該稅既地區,法例會規定
基金要將出售股票所賺既錢(縱然基金整体係虧本)及股息'分發'俾單位持有者.
該等基金持有人可以選現金或基金單位(即'以股代息')所收既現金/基金單位則
須報稅,但每單位資產淨值係唔受單位所有人要獎金定係獎品所影響,
單位既价格會在分發當日作調低('除息')
香港既'累積'基金係指股息會留在基金成為資產淨值,單位持有人不會有額外單位
因而會引致單位价值增加,為确保公平因此部份基金有(現金)及(累積)既分別.
香港不作分發既基金係可能會派息既,主要係因為基金內既現金過剩
(大部份基金規定現金水平不能超過某個百份比,大多為10%)
早前睇過某基金既簡价指該基金上次派息係1997年.
盈富基金則因為係跟足恒生指數,而該指數係不含派息,因此必然係'現金分發'
就係該基金持有者每半年會收到既股息,並無'以股代息'既選擇.