機場巴士服務改動(涉及N30, A11, R11)

原帖由 2A_DL13 於 2007-10-15 08:29 發表


948都唔停皇后街。不過曾經聽人講過就算948停都冇用，
因為根本上唔到客。

948有4班回程,只有最後一班才爆返青衣.
930放工時段都唔係班班爆.

原帖由 kiwai 於 2007-10-14 10:31 發表


呢班車經唔經東涌?
定係一離開機場就直接上高速公路?

離開GTC, 再經一號停車場, 富豪酒店先上公路...這"暗盤"班次其實一直都有, 現在只是把他"正名"而已...好多時N30由東涌開到GTC 個站已經可以無晒位坐, 又無位放行李. 加開這"特別班次"是不無道理的.

原帖由 2154 於 2007-10-15 01:29 發表


不如調返轉講, 點解條條經過該站既西隧線都停, 係930唔停呢?
不難估計係因為同紅小有關

好難想像運輸署會為紅小利益而唔俾巴士加站。

我反而認為係運輸署認為太多路線停該站「有危險」，故唔批準全
部西隧路線停該站。

不過OT一句
皇后街去荃灣，我覺得十有九個都會搭紅小啦..
就算老運批930停那站都好啦...
起碼班次一定密過930...
價錢又唔係差太遠...

原帖由 2A_DL13 於 2007-10-15 08:29 發表


948都唔停皇后街。不過曾經聽人講過就算948停都冇用，
因為根本上唔到客。

呢句說話係我講既
其實唔好話上客
繁時你響皇后街個站
你想搵個位企都唔易
因為果度個站繁時淨係俾返「大西北」既客排隊都唔夠企

原帖由 FBI2 於 2007-10-15 08:40 發表


948有4班回程,只有最後一班才爆返青衣.
930放工時段都唔係班班爆.

其實佢自從改左開車時間之後
佢好多時都係爆新巴既班次
佢好多時果兩班車
尤其係新巴第二班車(即係全線第三班車)
好多時都好遲先黎到
(試過遲成三個幾字先至上環)
之後冇耐就會黎九巴既班次
以我響某一日所見
我見過頭班948同第二班948
竟然相差都冇一個字就相繼響皇后街駛過
其中頭車(新巴)係頂閘
第二班車(九巴)則我仲見到車頭仲有窗口位
以前我亦試過Miss左第二班車
結果隔成半個鐘都見唔到第三班車出現
於是有一排我一怒之下走左去搭地鐵
往日我試過戇居到行左去匯豐總行等車
搭第三班車都已經質滿哂成架車
(以前當我見到第二班車o岩o岩走左
我索性走番轉頭去搭地鐵)

至於尾車(九巴)
佢爆唔爆都好視乎佢係咪遲黎
我以前都見過佢爆
但亦試過d 位多到你訓哂兩個位都得

原帖由 GD1570 於 2007-10-15 20:27 發表
不過OT一句
皇后街去荃灣，我覺得十有九個都會搭紅小啦..
就算老運批930停那站都好啦...
起碼班次一定密過930...
價錢又唔係差太遠...

非繁時就係
但如果下晝過左六點
當你見到修打蘭果邊好似打仗咁
去旺角去觀塘同荃灣既人龍仲亂過皇后街巴士站果邊
(三線既客夾埋閒閒地冇七八十個都有六七十個啦
早排果度仲要撞正整渠...)
真係見到架930行過
都好想跪求個司機停俾你上
六點前果度係小巴等客
但之後就等三四個字都冇小巴黎
d 車根本黎唔切

另外老實講句
果度批埋930或者其他唔停果度既西隧線
停埋果度都唔係一件好事
果度可以俾巴士泊既位都唔係好多架
如果果度撞正幾架車同時埋站
咁就唔止塞位由干諾道西轉入皇后街既路口
仲會分分鐘塞埋後面干諾道中
如果個司機唔生性停響黃格
仲會打橫塞埋德輔道西轉出黎既車添

一直以黎都覺得呢個站既位置好有問題
批線停站亦好有問題
佢幾乎條條大西北既線都停
但去新界西南既就一條都冇
搞到呢班客響皇后街果頭
搭巴士就至少要行到去上環先得
都唔知點解有關方面唔曉得善用西隧做轉乘點
(一直覺得城巴以永吉街做轉乘點都幾不智)

家陣我都慶幸自己唔再響果頭返工...