葵涌村選區某候選人交通改善建議

上星期收到某黨既單張..
睇完之後...唉...覺得有 d 「為建議而建議」

建議

1) 將 237A/38/37 往九龍方向
加停葵涌村巴士總站
- 38 我就覺得..如果非繁時經入去問題不大...
    但係繁時開特車總好過成班客一齊兜入去...
- 37 我直情覺得冇乜用
第一、37 去既地方同 33A 完全冇大分別
  一樣係去大角咀...咁兜埋入去仲乜？
    33A 已經服務到...再整多條直情有 D 搞笑...
    範圍又冇擴大到....只係為加線而加多條線
   (除非 37 去既地方唔係大角咀...去尖沙咀或者紅磡)
第二，33A 上車地點係葵涌村橋底，但係 37 加停葵涌村巴士總站既話
      咁乘客點揀？兩個地方差幾遠下，只係將客量完全分散，既不方便又運吉。

2) 呢個稍為有意思 d ..
將城巴 930 延長至銅鑼灣

歡迎討論

原帖由 JU2541 於 2007-10-25 18:10 發表
2) 呢個稍為有意思 d ..
將城巴 930 延長至銅鑼灣

如果係摩頓台既話可以考慮與76同坑

原帖由 HE7921 於 2007-10-25 19:19 發表
如果係摩頓台既話可以考慮與76同坑

運吉批唔批都係一大問題...

原帖由 JX9097 於 2007-10-25 23:11 發表


運吉批唔批都係一大問題...

城巴本身願不願意把930號延長至銅鑼灣也是一個問題。

930號以金鐘作為港島區的終點站，全程車費為$15.3；延長至銅鑼灣作為港島區的終點站，全程車費也將會同樣為$15.3(因為以天后作為港島區的終點站的948號，其全程車費亦為$15.3)。

相信930號延長至銅鑼灣後只會帶來有限的客量增長，甚至不會帶來客量增長(零增長)，因為可能只會有原來乘930號再轉乘其他路線往灣仔或銅鑼灣的乘客改為乘930號"一程車"直至灣仔或銅鑼灣才下車。930號延長至銅鑼灣後所帶來的客量增長不太樂觀，但所需要的車輛一定會多於現時的。

基於以上的因素，即使運輸署准許930號延長至銅鑼灣，本人相信城巴本身不會太願意把930號延長至銅鑼灣(除非強迫城巴就範)。

[ 本帖最後由 YC 於 2007-10-26 14:56 編輯 ]

原帖由 YC 於 2007-10-26 14:54 發表

城巴本身願不願意把930號延長至銅鑼灣也是一個問題。

930號以金鐘作為港島區的終點站，全程車費為$15.3；延長至銅鑼灣作為港島區的終點站，全程車費也將會同樣為$15.3(因為以天后作為港島區的終點站的948號，其全程車費亦 ...

但係...如果依家坐 930 轉車去鋼鑼灣...都要差唔多 17 元
呢個價真係比得上紅小囉....
我相信商廈唔會淨係得金鐘同中環掛...

你問乘客...一程車..好 d ..定轉車好 d？

根本 930 呢個收費係偏貴 ..

原帖由 JU2541 於 2007-10-26 18:45 發表

但係...如果依家坐 930 轉車去鋼鑼灣...都要差唔多 17 元
呢個價真係比得上紅小囉....
我相信商廈唔會淨係得金鐘同中環掛...

你問乘客...一程車..好 d ..定轉車好 d？

根本 930 呢個收費係偏貴 .. ...

930 我覺得佢比人收貴一級
我認為佢收 $ 12.80 就差唔多 ~

人地 962 / 967 / 969 去到 屯門, 元朗, 天水圍 都係 $ 18.20
人地除 967 之外仲要去到 CWB (比 930 貴 $ 2.90)

睇番荃灣入屯門都要 $ 6.90 ~
就算 962B 經 深井
234B 都要 $ 4.20 ~

原帖由 AVD1 於 2007-10-26 19:58 發表

930 我覺得佢比人收貴一級
我認為佢收 $ 12.80 就差唔多 ~

人地 962 / 967 / 969 去到 屯門, 元朗, 天水圍 都係 $ 18.20
人地除 967 之外仲要去到 CWB (比 930 貴 $ 2.90)

睇番荃灣入屯門都要 $ 6.90 ~
就算 962B ...

睇返個基準，隧巴一向係越短越貴。
我成日都話新界第一條隧巴線竟然係去香港仔嘅 170，
結果一開始就收貴咗。如果按跨區程度收費，就唔駛咁煩。

如果以 938P (sorry, 我指 NR38) 個收費做標準，
荃灣嘅過海線就算去到銅鑼灣， $15.3 嘅收費仍然偏高。
930 就不在話下。其實 $15.3 夠我搭車轉地鐵落到鰂魚涌
甚至柴灣。當然要一口價落到柴灣就離譜啲 (地鐵作祟)，
但銅鑼灣我諗合理吖...

反而大西北啲線就真係隔一區收多四蚊，
連海底隧道效應都幾乎被忽略：
M 線：$8.4~9.1
X 線：$12.5~$13
B/C 線：$16.5
過海：$20.7

原帖由 JU2541 於 2007-10-26 18:45 發表

但係...如果依家坐 930 轉車去鋼鑼灣...都要差唔多 17 元
呢個價真係比得上紅小囉....
我相信商廈唔會淨係得金鐘同中環掛...

你問乘客...一程車..好 d ..定轉車好 d？

根本 930 呢個收費係偏貴 .. ...

930號可以延長至銅鑼灣，對前往灣仔或銅鑼灣的乘客而言當然是好事，因為有關乘客可以"一程車"扺達灣仔或銅鑼灣，同時可以減少車費支出。經常作為交通工具乘搭者的本人，當然也樂意見到類似有利於乘客的措施得以實行。

不過有一點要明白的，就是有利於乘客的措施往往未必會得到推行，其中一個原因就是巴士公司的反對。就如本人於上文所述，930號延長後可能只會有原來乘930號再轉乘其他路線往灣仔或銅鑼灣的乘客改為乘930號"一程車"直至灣仔或銅鑼灣才下車，如此一來，930號延長至銅鑼灣後的客量沒有增長，可是所需車輛一定會現時的多，實在很難要城巴就範。

理論上，930號延長後可以爭奪原來乘搭紅色小巴或地鐵往來荃灣/葵涌至灣仔/銅鑼灣的乘客。不過人家小巴或地鐵的行車時間比起930號短很多，而其車費也不比930號的貴多少(甚至更便宜)，到底有多少原來乘搭紅色小巴或地鐵的乘客改乘930號也是一個疑問。

當然，本人也不排除有部分往來荃灣/葵涌至灣仔/銅鑼灣的乘客既不乘搭小巴，不乘搭地鐵也不乘搭930號巴士，故此本人於上文並不排除930號延長後有機會吸納新增客源的可能性(不包括原來乘930號再轉乘其他路線往灣仔或銅鑼灣的乘客)，但這些客源到底有多少是一個未知數。

總括而言，930號延長後會有多少新增客源及新增收入，是一個未知數，但延長後所需的額外車輛一定跑不了。基於這樣的因素，要城巴把930號延長似乎不是件易事。

如果閣下希望有關建議成事，不妨想辦法集合群眾力量再加上區議員(立法會議員更好)，這樣才有機會迫使城巴就範，爭取930號減價也一樣。身為荃灣居民又經常作為交通工具乘搭者的本人，定當支持有關建議。

[ 本帖最後由 YC 於 2007-10-27 12:04 編輯 ]

delete

[ 本帖最後由 YC 於 2007-10-27 12:04 編輯 ]

930延長到灣仔碼頭
37~38加葵涌村站！
本人對33a根本係無心再理會！