日前旺角道撞唔到車頭既小意外（有板友車）

斷估都係埋線部 27 線超豪攝位，擦到出緊外線既 45 線短躉。


結果搞到有四條行車線既旺角道，得番一條線行車。

後邊位師傅連考牌最基本要注意既野都做唔到(留意兩邊車身會否太過接近物體)

後補：睇真d未必係後面位師傅唔岩(見我下面既reply)

[ 本帖最後由 fai 於 2007-11-8 15:55 編輯 ]

我一睇張圖...有個感覺係   部45扭右抽頭，但司機冇留意短躉尾誇長，左邊車尾「發」左埋部27度      如果係咁，都講得通...

如果真係如板友所言部27攝位冇留意兩邊有冇身件，咁就又再次印證九巴司機既技術同駕駛態度......     上次總站撞欄，加埋今次，27真係好黑仔...遇著咁多夢遊人

如果短躉抽頭,個尾會撞到架豬,
一日咁多trident埋站,
係馬路邊等車就勁危險.

架車抽頭,車頭點都離開左個站,
支點中軸點都移前左移出左,
個車尾無乜可能比本來停車果位更偏左.

原帖由 KV9033 於 2007-11-6 22:29 發表
如果短躉抽頭,個尾會撞到架豬,
一日咁多trident埋站,
係馬路邊等車就勁危險.

架車抽頭,車頭點都離開左個站,
支點中軸點都移前左移出左,
個車尾無乜可能比本來停車果位更偏左. ...

係完全有可能!!  假如當時架27同45距離係非常接近，而架27在45左邊，咁當架45抽出時若向右原地扭鈦或者在慢速下扭鈦扭得太快，咁左邊車尾就有機會「發」向左邊少少，就hi倒27既右邊車身。

平時巴士埋完站係極少數扭盡右鈦出站，就算係都唔會貼到路邊近一近，所以唔會因為咁而產生危險。但旺角人多車多就有呢個可能性。

好耐之前灣碼有單部外就係架960既ATR右扭時扭得太急，又冇留意trident尾誇長，跟住左邊車尾「發」左埋另一架架巴士度。

今次這事件，後來聽27車長說，45的車長撞到「我」後，45的車長竟說你為何撞我？
「我」本身是停在27站上客中，通常45會在中線上客的。

原帖由 KE7782 於 2007-11-7 11:44 發表
今次這事件，後來聽27車長說，45的車長撞到「我」後，45的車長竟說你為何撞我？
「我」本身是停在27站上客中，通常45會在中線上客的。

是否真的如我所推測，45中線上完客後扭盡右鈦，但冇留意左邊車尾「發」左響相反方向，剛巧有45「發」尾時，架27行埋線攝入去上客，「避無可避」既情況下被人com右邊面一巴？    可能之後45個司機唔知自己「發」尾，所以就話27個司機撞佢，其實係45個司機自己唔熟trident長尾誇特性...

睇真d又係喎，部27個前轆係直向前既，如果係27拗彎壓左落45個車
尾度，咁佢個頭轆應該係扭右。(假設出事後冇人郁o個盤軚)

我估最大可能性係部45之前已經打斜停左o係度(俾前面停燈既車阻)，
而部27就o係45後面攝埋去埋站，之後45前面既車行得佢自己當然跟
住行，但個軚o係停車前已經或者o係起步時扭o左去右邊，所以一郁
車o個尾就發左埋27度。

聽講以前中記既AL都會有類似問題，渣o個陣要特別小心。

不過即使係45發尾，27既師傅都唔係完全冇責任，佢o係只係岩岩夠
位既情況下實在唔應該強行攝入(就算冇撞都已經係太過接近其他物
體)

[ 本帖最後由 fai 於 2007-11-8 16:15 編輯 ]

我覺得架 27 係o係現場先過架 45.

有時渣車都要留意 D 大貨車轉彎會發尾﹐所以唔好同 D 大車平排就係咁。