原帖由 ASV66 於 2007-11-10 20:56 發表 
老友, COMFORT係搵食車黎架, 對用家而言, 一副已生產多年的引擎及波箱, 明知佢可靠, 耐用, 易整, 維修平就係佢地最需要既地方, 始終的士日行夜行, 最好唔好成日擺廠, 先至賺得最多錢; 而且的士引擎唔係講高性能, ...
- 果咁唔好彩炒大鑊, 幾多個袋都一樣死
炒大鑊的確有可能令車內的人致死，
但只不過是機會率的問題。
如果AirBags真的無用。安幾多個都會死的話
為何要發明，為何現時現時的車要安裝？
- 你俾部咁勁既車佢, 炒起上黎只會更甘
照以上這句的羅輯代入社會，
掃把佬、法拉利、波子該在香港道路上完全禁止。
比市民買今勁的車，只會炒更多大獲。
用舊的技術來造一架車而賣成21萬實在是有點過份。
正如你所說，商用車的確最重要是耐用。
但是否值得買一架21萬的舊款車？
小弟對車的認識不深,有錯請指教。
[ 本帖最後由 ckckck 於 2007-11-12 10:34 編輯 ] |
|
|
|
|
|
|
|
|
原帖由 Bristoll5g 於 2007-11-12 10:18 發表 
就是你見仁, 人見智, 先至大家討論下姐.
長文唔係問題, 問題係你既語氣唔係討論係教訓, 責備人囉
請問邊句語氣係教訓人同責備人? 唔通反問返人就叫教訓同責備人? 係就無野好講. 同埋你既然話長文唔係問題, 就唔好話人抛咁大段文. |
|
|
|
|
|
|
|
|
原帖由 111 於 2007-11-11 20:05 發表
係lor.....人地係話緊廿一萬買架乜都冇既車有D唔值......
仲有呢21萬裡面只有3.7%係稅.....相反你所謂同價既Camry/Picnic裡面至少有35%稅率(車價$150,000之後就65%)
架Comfort用料越簡單越好(=越輕).....力又 ...
正如先前所講, 的士, 小巴唔係經代理的銷售員賣車, 係全部批晒比拆家同分銷商, 中間好多都係佣金, 所以廿一萬入面, 佣金佔既部份係特別多, 又或者你會覺得35%稅同3.7%稅個分別的確好大, 但呢樣野一直都係車行的肥豬肉, 不論係的士, 小巴定貨車都係, 而且一直以來, 唔係淨係金豐先賣得咁貴, 以前有實力賣時, 車價都唔平得過金豐好多, 只係平約萬零蚊左右, 按3.7%稅率, 都係賣得好貴, 至於FALCON當年賣幾多錢就唔知啦! 不過如果你係站在一個供應者的角度時, 賺得最多錢先係佢地既目標, 有邊個唔想有平靚正的車用? 但車價呢樣野, 都唔係淨係睇設備既, 架車耐用性, 可靠性及維修方便性都係架車值唔值呢個價既因素, 正所謂貴買平用, COMFORT就係有呢個賣點, 如果佢易壞, 零件貴, 成日要擺廠, 就算賣十萬都唔使, 一樣係無人問津. 情況就好似點解實力一向設備都比金豐多, 如ABS, 四門電窗同空氣清新機等等, 又賣得平萬零蚊, 但點解表面上筍好多既車都少咁多人買, 班買家唔係傻嫁! |
|
|
|
|
|
|
|
|
原帖由 guia 於 2007-11-12 01:46 發表
airbag 宜家已經係好基本安全設備(人命關天), 你都可以話可有可無, 我真係冇話可說~
成日乜都驚壞要整, 為什麼皇冠唔叫豐田廠造架全手動(手波、手動窗/鏡、冇風油軑、葉片彈簧+硬軸避震)既齋車??
係以車論車, ...
AIRBAG可能對你來說會好基本, 但你不如去站頭問下班行家係咪好鍾意呢樣野先, 按照佢地在路上的時間及風險都比其他人高, 但的士呢行既人就係咁, 乜都係以成本做主導, 如果一單輕微碰撞而令佢地使萬銀裝返個氣袋, 即係成個月收入又無左一大半時, 佢地就未必會咁想有了, 除非換氣袋都可以好平, 或者個氣袋可以百份百保到人命時, 佢地就會要, 所以在佢地眼中, 的確係可有可無, 甚至係無好過有.
而且在一個經營者而言, 當然係驚架車多野壞要整, 一來整車要錢, 二來擺廠又無租收, 如果車主要供車既, 收少一日租已經有機會要貼錢供車, 唔驚就假. 部份業者的確係想連電窗, 風油軑都唔想要, 以前LS130開始有風油軑, 係有人專登拆走個風油泵, 現在亦有人要專登租手波 (取其較慳氣, 車租平), 不過自動波係業界在柴油車年代已爭取的設備, 但也要到石油氣時代才得到廠方落實加裝. 而事實上, 的士業商會, 工會亦不時與代理商提出意見, 甚至有到過日本廠方與他們開會作出提議設備上的改進, 所以現時COMFORT的規格, 也是的士業界最多人要求的規格, 過多的設備也未必他們想要的. 至於你所說的葉片彈簧及硬軸避震, 金豐及實力都是硬軸配圈彈簧, FALCON就是硬軸配葉片彈簧, 不過兩種彈簧的成本不會相差很多, 而且一般都不用更換, 要換的只是吸震筒, 所以就算豐田肯裝葉片彈簧都不會平得去邊. |
|
|
|
|
|
|
|
|
原帖由 Dolphin 於 2007-11-11 21:42 發表
Comfort 真係唔襟撞，有 d 意外如果部車硬淨 d , 有埋氣袋, 司機／乘客都可以執番條命．
至於馬力，真在太弱，離遠見佢地上斜就抽定頭實無錯．
COMFORT唔硬淨的地方主要係頭, 尾冚, 車門板及沙板部份, 這些部份一般都係可拆除更換; 但一些不能隨便換的地方如柱位, 底陣仍然頗堅固, 前晚在新田那宗嚴重意外, 那部COMFORT經過“倒樹蔥”式翻筋斗後的殘骸, 車廂部份變形情況並不算太嚴重, 三條柱位仍保持原狀, 車門仍可開啟, 只可惜該司機似是無扣安全帶才被抛出車外斷頭慘死.
我老友上年開的士都被人打橫撞去佢個車頭, 頭擔, 龍門架, 水箱等都遭撞毀, 初時其他人見狀以為架車一定無得救, 怎知位於引擎下面的兩條大陣只是輕微移位, 可見其底陣仍相當穩固, 最終只是將該部份拉正, 配新的水箱, 龍門架及車身, 四天後已可出廠營業. 不過, 如果車身其他部份都堅固一些的話, 給人的安全感係會好好多確是一個事實. |
|
|
|
|
|
|
|
|
原帖由 ASV66 於 2007-11-12 11:48 發表
AIRBAG可能對你來說會好基本, 但你不如去站頭問下班行家係咪好鍾意呢樣野先, 按照佢地在路上的時間及風險都比其他人高, 但的士呢行既人就係咁, 乜都係以成本做主導, 如果一單輕微碰撞而令佢地使萬銀裝返個氣袋, 即 ...
你都識講吸震筒要換啦, 葉片彈簧正常來講係唔洗換的, 又可以慳一筆
還有COMFORT 應該要用回鐵輪圈, 因為合金輪圈都係貴野
P.S.如果因為錢問題唔加氣袋, 撞車時少分保障, 你認為值得真的無話可說 |
|
|
|
|
|
|
|
|
原帖由 ckckck 於 2007-11-12 10:32 發表
- 果咁唔好彩炒大鑊, 幾多個袋都一樣死
炒大鑊的確有可能令車內的人致死，
但只不過是機會率的問題。
如果AirBags真的無用。安幾多個都會死的話
為何要發明，為何現時現時的車要安裝？
- 你俾部咁勁既車佢, 炒起上黎只 ...
因為香港營業車界利字行頭
所以有咁多崎型現象出現 |
|
|
|
|
|
|
|
|
原帖由 ckckck 於 2007-11-12 10:32 發表
- 果咁唔好彩炒大鑊, 幾多個袋都一樣死
炒大鑊的確有可能令車內的人致死，
但只不過是機會率的問題。
如果AirBags真的無用。安幾多個都會死的話
為何要發明，為何現時現時的車要安裝？
這個就是消費品 (私家車) 及生財工具 (商用車) 的分別, 買消費品當然設備越多越齊就越好, 生財工具就講求實際.
- 你俾部咁勁既車佢, 炒起上黎只會更甘
照以上這句的羅輯代入社會，
掃把佬、法拉利、波子該在香港道路上完全禁止。
比市民買今勁的車，只會炒更多大獲。
你同時都要比較一架的士及一架勁車每日在路上行走的時數, 我諗無乜邊架這些跑車會好似的士咁每日跑成廿幾個鐘囉! 而且買這些勁車的人, 點都會錫住黎用, 唔同的士咁用得咁粗, 尤其係租車果班.
用舊的技術來造一架車而賣成21萬實在是有點過份。
正如你所說，商用車的確最重要是耐用。
但是否值得買一架21萬的舊款車？
小弟對車的認識不深,有錯請指教。
舊技術一樣需要成本, 可靠耐用也有一個價值, 如果是舊技術但可靠性低, 廿一萬就十分過份; 相反, 有新技術, 但維修樣樣貴, 郁o的就擺街, 比你半價買入又點? 價格也是巿場調節而來的結果, 如果買家覺得貴, 依然可以有其他選擇, 別說實力是否停產的問題, FALCON如果在用家角度係抵用的話, 一樣可以賣個滿堂紅; ALPHARD HYBRID的士稅收都係3.7%, 但售價都同民用版 (65%稅) 差唔多, 唔會因為低稅而減價, 這是每一間進口商的商業決定.
莫講話的士, 就算巴士都睇到, CENTROLINER係好車, 好先進, 德國好多公司都用, 在港的車價與富豪也相差不遠, 但就是太先進, 也不太適合香港路面環境, 結果兩間巴士公司都唔再入. 相反SUPER OLYMPIAN感覺上設計好無誠意, 好行貨, 只係用B7LE前段加回由利蘭年代 (部份設計是由TITAN已存在) 延伸而來的尾段併湊而來的「新車」, 但價格可以拍得住CENTROLINER, 卻偏偏就賣到近八百部, 都係同一道理. |
|
|
|
|
|
|
|
|
原帖由 guia 於 2007-11-12 13:24 發表
你都識講吸震筒要換啦, 葉片彈簧正常來講係唔洗換的, 又可以慳一筆
還有COMFORT 應該要用回鐵輪圈, 因為合金輪圈都係貴野
P.S.如果因為錢問題唔加氣袋, 撞車時少分保障, 你認為值得真的無話可說 ...
葉片彈簧都有吸震筒, 一樣到期要換的.
氣袋值唔值得加係用家的取向, 當然可以列入附加設備係會更好, 如果商會, 工會覺得需要, 當然可以同代理要求列入標準設備, 但結果呢? 如果有要求, 代理都會賺多筆啦!
還有, COMFORT套合金鈴唔係好貴咋! 不過鋁輕o的, 對行車都有好處. |
|
|
|
|
|
|
|
|
建議皇冠車行要求總廠刪除以下COMFORT 不必要/易壞設備以降低營運成本
四前速自動箱
前煞車系統由通風碟式改為實心碟
懸掛系統改為全葉片彈簧+硬軸
風油軑
合金輪圈
車頭燈光線高低角度調校
後泊車警示器
防紫外光玻璃窗改回普通安全玻璃
LED尾燈
前置霧燈
冷氣
左邊後排自動門
前座電動車窗
電動調校門邊鏡
中央控制電動門鎖
錶板排檔顯示器
引擎轉數錶
電子行車哩數錶
電子跳字鐘
電子選台收音機連音響系統 |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
