百佳中止索取膠袋徵費計劃 (最新消息)

原帖由 cong 於 2007-11-20 19:04 發表


呢個只係係李生節省成本既藉口姐....你真係信佢咁環保? 如果目標都係減小膠袋,點解放棄依家用緊既鼓勵方式: 唔用膠袋每滿 $25 扣 1 角呢?

若果你既邏輯成立的話，呢個世界上無人係真環保，因為環保根本係等於減省成本，你減少開燈，自然會慳電費，減少膠袋，自然會節省印膠袋既成本。我唔認為百佳減少發放膠袋，同佢到底係真環保定係假環保有任何關係。

我覺得，講黎講去批評百佳今次做法係唔環保既人，佢地自己先係唔環保果個。

[ 本帖最後由 ahbong 於 2007-11-21 01:35 編輯 ]

其實B&Q都有用呢招, 但人地就係擺明車馬收你
PNS收就話捐出去,但有冇話捐去邊呢?
唔通係....長江生命科技?

原帖由 cong 於 2007-11-21 11:14 AM 發表


好簡單，百佳減省成本唔會同你分享，仲想你捐兩毫；惠康做緊唔用膠袋每滿 $25 扣 1 角．．．佢地講出黎既目的一樣，但係背後既動機就明顯有分別喇 ...

如果話你要膠袋一定要俾$0.20/個就話啫，
依家只係唔主動派同鼓勵你捐錢，
你有需要既都仲可以問佢攞同唔捐錢。
好老實講，
如果唔係硬性收費，
我諗本來要膠袋既人大部份都唔會因為唔主動派而唔要膠袋，
而且佢地都未必真係肯捐出$0.20囉...

[ 本帖最後由 dennislokawai 於 2007-11-21 13:03 編輯 ]

同一種節省成本的藉口，亦反映在香港全線7-11便利店，不再提供多種免費樽裝醬料，供食客取用。
事緣於今年3月，某中學生將「吃點心時剩下的醬油，倒回醬油樽」的短片上載到互聯網，經媒體報導後，
7-11便利店的母公司—牛奶國際，決定向全線便利店停止提供免費樽裝醬料。食客只能向收銀員索取少量的袋裝醬料。

此舉表面上是避免有人模仿，損害便利店食客的健康；但有人懷疑是便利店母公司減省提供醬料成本，以利業務發展。

原帖由 cong 於 2007-11-21 11:14 發表


好簡單，百佳減省成本唔會同你分享，仲想你捐兩毫；惠康做緊唔用膠袋每滿 $25 扣 1 角．．．佢地講出黎既目的一樣，但係背後既動機就明顯有分別喇 ...

我真係唔明，點解百佳減省左成本就要同你分享？唔通佢開少兩支燈，又要減價，你估佢係公營機構嗎？

況且百佳係想你捐兩亳，唔係迫你捐兩亳，你欠環保意識，百佳唔派膠袋俾你，你仲要懷疑佢背後既目的係要賺多你幾個仙。但事實係，你買完野依然可以攞埋佢個新膠袋，都仲可以唔捐錢就走人。

另外，百佳新印製的可分解膠袋，成本比現時沿用的膠袋貴 10%-20%。若果全部顧客都繼續問百佳攞膠袋，百佳既成本係會上升。

從今日起, 我會帶備惠康或者吉之島膠袋去百佳購物.

因為咁樣收錢, 似乎不太合理, 又唔知佢捐去邊.

[ 本帖最後由 gordon 於 2007-11-21 15:54 編輯 ]

老實講,我覺得百佳唔派膠袋係好事!
因為次次行返屋企中途多數已經爛左!
無論裝輕或者重都會好容易爛!
試過收銀員一裝完入膠袋就已經爛左!
所以我次次去百佳買野都多數自己帶袋去裝!

昨日行過百佳見多左人自備購物袋。香港人，要出動收錢一招才肯自備購物袋，不為也，非不能也。