93K全程要90分鐘...?

琴晚搭到93K某E蛇熱狗, 由旺角火車站開, 沿途交通正常, 並無塞車,
可是該司傅非常安全駕駛, 全程不爬頭, 市區開30, 公路開50(全程GPS測速, 並無超過50公里)
每逢紅綠燈前必定收油, 甚至停下等紅燈
經過巴士站必慢駕甚至停下, 一些遠見無人等車, 無人落車的站都一樣照做
在寶琳北路將其安全駕駛態度發揮得淋漓盡致,
前方無車情況下, 竟然以25公里緩慢行駛, 並在了無人煙的車站停下等候

當車到達太子道時, 已經有乘客怨聲載道, 話架巴士係鳥龜,
到觀塘時,有乘客說每一部巴士都過自己部車人頭, 好無癮
忍不住要落車...

寶達斜已經被後車超豪爬頭, 該段時間班次應該為15分鐘一班, 之後的行程亦不再見該超豪...
在觀塘地鐵站見到部95M, 竟然可以在康盛過我地頭, 可見該車的慢駛程度

19:35我在旺角上車, 21:05先到達新都城, 這是正常嗎?

[ 本帖最後由 s3n354 於 2007-12-1 12:19 編輯 ]

我應該知道你講乜水
我坐過佢手車
全程可以啱啱74分鐘
唔多唔少

不過碌足90分鐘又真係離譜得濟
除非塞車塞到阿媽唔認得
否則一單粒半鐘係應該冇乜可能發生

之前都坐過, 19:2x o係紅磡上車, 又係成個鐘先番到將軍澳

93K本身車程已經夠慢..如果咁樣玩..真係好難做..

個司機係咪姓陳，編號 700xx?

佢不嬲都碌車，如果你有搭車既時間資料同埋俾後車爬頭既
紀錄的話應該足夠去投訴了。



[ 本帖最後由 fokck 於 2007-12-1 15:10 編輯 ]

原帖由 fokck 於 2007-12-1 15:09 發表

個司機係咪姓陳，編號 700xx?

佢不嬲都碌車，如果你有搭車既時間資料同埋俾後車爬頭既
紀錄的話應該足夠去投訴了。

我覺得投訴佢碌車都係無咩用

離題少少，早兩日係長沙灣等 40 返藍田，等車已經等左 20 分鐘有多

跟住黎架 HR 牌 AV，上車了，坐左係導航位，全程一波，最多都係試過二波低轉，車速從未超過 40

果晚係夜晚 10 點幾，交通極為暢順，但都可以坐左 60 分鐘先到藍田

仲要俾後車 ATR 過埋，架 ATR 成架車得一個人

一於打去投訴啦 !

最憎d 司機碌車

上兩個月打過去 KMB 投訴

兩星期後佢有職員回覆

原帖由 fokck 於 2007-12-1 15:09 發表

個司機係咪姓陳，編號 700xx?

佢不嬲都碌車，如果你有搭車既時間資料同埋俾後車爬頭既
紀錄的話應該足夠去投訴了。

佢收工狼死得很...

我都坐過佢渣98A，可以超過100分鐘