家陣d 巴士司機係咪無懼俾人投訴既呢？

最近我有親戚搭兩次車都搭到一肚氣
1. 我一個唔熟青衣既親戚
有一日搭41去青衣村
架車去到長安巴士總站果陣佢問個司機到未
點知個司機竟然咁話：
你唔識字架？
態度極為惡劣
跟住我親戚火起話投訴佢
但佢都冇就個問題而作出回應

2. 另一班親戚有一日搭6號熱狗
由尖沙咀落旺角
不過佢地唔係太識落車
所以佢地去到大概響碧街果個站
人地落車佢地猶豫左一陣
結果佢地響個落車門關左果陣先決定要求司機落車
但個司機冇理佢地
本來佢地都算架喇
話哂佢地的確係遲左講
(不過只係遲左少少)
點知個司機仲唔開車
原來佢見到一個阿婆想上車
所以開前門俾佢上
跟住我親戚問佢點解佢俾阿婆上車
但就唔俾佢地落車
但個司機亦冇啋佢地
跟住另一個親戚火起就大大聲講低個司機名同號碼連同車牌
但個司機仲係當佢地冇到
結果班親戚落車之後就即刻打去九巴投訴

其實家陣d 司機係咪真係唔驚俾人投訴呢？
定係根本係投訴左都冇用呢？

班車長會不會想,好又鬧,唔好又鬧,不如唔好理
41個車長又真是不應該咁的態度

41 果個CASE,有時都會有D 車長會係咁

6 號果個CASE 好正常,其他人都落哂車,個司機都準備開車走...不過咁岩又有人追車/想上車,所以司機先會比佢上車
但有一點值得商榷既就係,如果你想係司機比追車果個人上車果陣同時想落車,就要睇下你有冇按多一次落車鐘/好禮貌地同司機講想落車.
觀乎樓主既CASE,似乎係冇按多一次落車鐘/好禮貌地同司機講想落車.

點解咁like投訴ga!! 自己真係咁岩？

姑勿論誰是誰非，我成日覺得，要投訴之前，先客觀地問問自己有無做錯，問問自己點對人，問問自己有無野要改善先，同埋先站在別人的角度想想

仲有見你所述，你都係聽親戚講，唔係親身經歷，你只係聽一面之詞，你唔知真正發生左d咩，導致司機會咁做咁講，
何況，衰d咁講，你親戚為向你表達不滿，唔知道有多少佢自己做錯左的野/真相被掩飾或被扭曲，所以你咁憑呢兩個case就下結論咁話d車長，是否有欠公平呢？


case 1：
首先我唔知你親戚點問個車長，或之前問左個車長幾多次，正常來說個車長好少會咁燥
何況我成日覺得，唔識路的，有責任事先看下地圖/路線圖，而唔係上左車，奉祀其他人會教你答你
而且，唔識字架!!!! 依家巴士有報站顯示，又有路線圖，既然已經有咁好的服務，有責任自己睇清楚

都係那句，自己做足d，自己又唔洗煩，又唔洗煩其他人


case 2：
呢個case，無得講，你親戚唔岩在先，佢俾你落車係人情，唔俾係道理
而且佢等埋個婆婆上車，係另一件事，不能混為一談
何況我覺得，落唔到車，咪下個站落lor，而且係旺角，落遲一個站都行得返轉頭；
唔知點解，若果我遲左落唔到車，我係唔會叫車長再開門俾自己，我會覺得麻煩到人家，還要成架車的人等我一個，我會覺得自己好過份

原帖由 pstommy 於 2007-12-3 23:34 發表
點解咁like投訴ga!! 自己真係咁岩？

姑勿論誰是誰非，我成日覺得，要投訴之前，先客觀地問問自己有無做錯，問問自己點對人，問問自己有無野要改善先，同埋先站在別人的角度想想

仲有見你所述，你都係聽親戚講，唔係親身經歷，你只係聽 ...

case1之中，我又唔認同有報站同路線圖係真係咁好服務，好到唔駛問人!!  君不見報站成日按過龍/遲左報？同埋路線圖真係咁清楚解答倒一切疑難？？   我個人認為，把口生係自己度，除左用眼睇之餘，開下聲問清楚人絕對冇錯。假如case1個車長真係一遇倒乘客就咁既語氣，100%係佢唔岩。

case2之中，如果車長真係執正來做，咁佢就應該前後門都唔開，因為佢架車係處於「離站狀態」，佢先至唔會開。如果佢開畀個阿婆上，真係非「離站狀態」，咁就應該開返晒前後門畀人落車。  case2中，如果佢係離左站，佢根本唔應該開畀阿婆上車。相反，如果係未離站，佢就應該開返畀人落車。  假如樓主親戚所講全屬事實，的而且確係司機唔岩，投訴得冇錯。

不過有樣野認同，就係樓主親戚係搵樓主發洩，唔排除會加鹽加醋。


case2中，我諗起另一單case。假如冇左個阿婆上車，咁司機又駛唔駛咁不近人情，唔開返門畀樓主d親戚？如果係趕時間ge，平時又玩碌車，拎乘客d時間來玩？講不公平，淨係駕駛態度呢點都好唔公平。   假如搭緊架頂晒閘既車，你企係車頭第一位，咁如果有個站要落車，而且得你一個落，我諗司機一定會開前門畀你落掛？我唔信有司機會堅持跟規舉要你行去後門落，咁可能會撞倒好多人引致不便，不埋會浪費時間。按實際情況畀人情係好正常，如果個個都執到正跟死規舉，呢個世界會有好多不便。

[ 本帖最後由 4056 於 2007-12-3 23:58 編輯 ]

原帖由 pstommy 於 2007-12-3 23:34 發表
點解咁like投訴ga!! 自己真係咁岩？

姑勿論誰是誰非，我成日覺得，要投訴之前，先客觀地問問自己有無做錯，問問自己點對人，問問自己有無野要改善先，同埋先站在別人的角度想想

仲有見你所述，你都係聽親戚講，唔係親身經歷，你只係聽 ...

唔評論第二個case, 只想講下第一個case

做巴士車長唔係淨係駕駛住架巴士開門俾客上落車咁簡單, 遇到乘客問路, 識答又好唔識答又好, 都要禮貌d, 一來這是個人修養問題, 二來你著住套制服, 冇禮貌串返個乘客唔識字呢d, 衰d講句人地打去你公司投訴你你冇得怨, 事實上你的態度真係有問題.

九巴果d報站, 坦白講, 作用有幾大, 可信性有幾高, 大家都心中有數, 只係聊勝於無而已

你開頭講得都有道理, 我都好唔鍾意d人郁d就投訴, 而且樓主同我地都冇辦法知道當時情況實際係點, 但如果該位司機真係好似樓主親戚所講咁ge態度, 呢d車長係絕對唔能夠姑息, 更加唔應該搵藉口同佢辯護 (e.g. 車長工作壓力大, 無謂打爛人飯碗, etc.)

當然本人希望呢d真係閣下經過理性思考之後得出的客觀意見, 而唔係一d刻意用來替個車長辯護的藉口

試過有一次架車上完客，司機望緊鏡出站
有個客問路，個司機都有答，不過就細聲0的，同埋拎0左個頭，所以比較難聽到
個客就話聽唔到，咁個司機就大聲0的答佢，但俾個客話佢無禮貌
爭0的就要打上熱線投訴

誰是誰非？

原帖由 nwfb23 於 2007-12-4 00:34 發表
試過有一次架車上完客，司機望緊鏡出站
有個客問路，個司機都有答，不過就細聲0的，同埋拎0左個頭，所以比較難聽到
個客就話聽唔到，咁個司機就大聲0的答佢，但俾個客話佢無禮貌
爭0的就要打上熱線投訴

誰是誰非？ ...

樓主單case同你呢單case  點拉上關係？  你呢單唔駛講都知係客係惡人，冇野好講

但樓主單case完全唔同......

可能日日都有唔知幾多客無理取鬧打上熱線投訴，有如其他版友所言，
投訴果個人一定會自己創作、加入很多主觀感覺、虛購的"事實"﹐
咁大間公司如果真係每次有人打去投訴就對司機作出處分的話，
首先會用去公司部份資源(或者係浪費)，二來影響員工士氣。

如果以前投訴風氣冇咁勁，公司收到投訴可能真係會比較認真處理。
而家d人係唔係都投訴，講真，對於普普通通o既日常投訴，有幾多真係會好認真咁處理？
呢個都係香港人濫用投訴機制下o既結果… 得到的只有官方的標準答案。

司機方面，如果真係咁驚乘客投訴，我個人估計一定會於工作時受極大壓力，
使服務水準更差、或更會影響駕駛。
而且，除非真係有好充足o既客觀證據，單憑個客口講o既投訴都冇乜說服力啦…
投訴都唔會有乜結果~

原帖由 brian 於 2007-12-4 01:20 發表
可能日日都有唔知幾多客無理取鬧打上熱線投訴，有如其他版友所言，
投訴果個人一定會自己創作、加入很多主觀感覺、虛購的"事實"﹐
咁大間公司如果真係每次有人打去投訴就對司機作出處分的話，
首先會用去公司部份資源(或者係 ...

我反而咁睇, 收到投訴, 公司訓話下點都會有, 尤其係呢d著重服務質素的所謂大機構

可能回覆乘客時會比較官腔, 但實際背後有冇作出任何形式的懲罰 (包括最輕微的訓話) , 或者點樣懲罰有關車長或者員工, 你我甚至個投訴者都唔會知

司機方面, 當然點都要打醒十二分精神, 乘客無理取鬧你作為司機控制唔到, 但要記住自己千萬唔好"撩起火頭"先, 難聽d講句, 當為自己飯碗著想, 無謂俾位人地入. 人地夾硬搵位入, 你都無可奈何, 但必須保持克制. 係難做, 係壓力大, 係無奈, 但呢d就係從事服務性行業必須要面對的問題.