第一城88R之觀察

前幾天坐88R上班,發現88R的乘客量在不斷委縮.

本人其實十年來也是坐88R上班及上學.早在十年前,也是差不多在7:45AM左右等車,但當時是人等車,人龍是由站頭一直向後,繞過以前的報紙檔;巴士亦是有幾架排著隊等上客,兩三分鐘,客滿即開,十分好生意.

直至馬鐵啟用,再到現在成為港鐵一部分,情況已大不如前.現在於同一時間,只有一架88R泊在站頭,不用車駁車;人龍亦明顯比以前短,有車來一定可以清咗條人龍;而現時亦沒有幾多班是客滿,通常都是夠時間才開.

其實也難怪,港鐵由第一城站去中環都係$12.5,確實搶去了不少生意.不過可幸的,是無論平日或假日,非繁時的客量也算穩定.

長此下去,恐怕88R也會成為62R的翻版(雖然情況比62R好一點).其實88R吸引乘客的原因,在於它的舒適(有位坐),方便(30MINS到灣仔)及定時開出.希望它不會成為第一城居民的集體回憶吧.

所以我對2008的"其中一個願望" ,係繼續有88R坐.

我只係想城巴派d車齡低少少o既車o黎行d非專利線
唔係因為貪佢d新車舒適(我根本唔會坐呢d線)
係頂唔順佢d舊車噴出黎o既黑煙廢氣

以我所知，平日夜晚海港中心返第一城個站
好多時都有幾十人排隊。

不過兩鐵合併之後無再喺嗰度搭 938P (又講錯... 係 NR38)，
所以唔知現時情況如何。

總之只要喺嗰個站搭 NR88 嘅人仲係多過 NR38，
城巴頂多減減班...

不過城巴就真係好應該考慮下幫非專利換新車...
無理由隔籬條 NR38 開歐四 MAN 你仲用緊十幾年車齡嘅利蘭，
仲好意思要第一城居民比海濱居民俾多 $5.8 (一程 90B 喇！)

原帖由 238X 於 2007-12-15 12:17 發表
以我所知，平日夜晚海港中心返第一城個站
好多時都有幾十人排隊。

不過兩鐵合併之後無再喺嗰度搭 938P (又講錯... 係 NR38)，
所以唔知現時情況如何。

總之只要喺嗰個站搭 NR88 嘅人仲係多過 NR38，
城巴頂多減減班...

...

運輸署會比佢轉d新車過非專利部先算

第一城出灣仔應該唔駛30 分鐘~~
行大老山o既話20 分鐘可以搞掂~~
行獅子山就唔知~~ 因為未試過~~

如果東區走廊唔塞車既話
搭88R去灣仔仲快過港鐵

但係東區走廊塞車既情況實在難以預計
尤其是係早上繁忙時間
有一半機會龍尾排到北角新廉署總部附近
甚至可以塞到太古城

雖然小弟未試過係早上繁時搭88R(被東區走廊車龍嚇怕)
以小弟搭682既經驗
估計由第一城到北角新廉署總部大約需時25分鐘

如果東區走廁塞車既話
由健康村搭M722到灣仔隨時要30分鐘(只係搭一個站)

小弟估計正常情況下(假設龍尾排到北角新廉署總部)
係早上繁時搭88R最少要預55分鐘才去到灣仔
加上貴過港鐵差唔多$6
令到早上繁時88R既吸引力大減

[ 本帖最後由 nelson72A 於 2007-12-15 16:16 編輯 ]

原帖由 nelson72A 於 2007-12-15 16:14 發表
如果東區走廊唔塞車既話
搭88R去灣仔仲快過港鐵

但係東區走廊塞車既情況實在難以預計
尤其是係早上繁忙時間
有一半機會龍尾排到北角新廉署總部附近
甚至可以塞到太古城

雖然小弟未試過係早上繁時搭88R(被東區走廊車龍嚇怕)
以小弟搭682既經驗
估計由第一城到北角新廉署總部大約需時25分鐘

如果東區走廊塞車既話
由健康村搭M722到灣仔隨時要30分鐘(只係搭一個站)

小弟估計正常情況下(假設龍尾排到北角新廉署總部)
係早上繁時搭88R最少要預55分鐘才去到灣仔
加上貴過港鐵差唔多$6
令到早上繁時88R既吸引力大減

又唔駛咁耐，88R第一城>灣仔唔塞車要20-25分鐘，平日普通塞車(慢慢行)就30分鐘左右，但塞得勁既話隨時車程double，去灣仔都要45分鐘。不過巴士好在一定有位坐，唔駛(big)、行黎得去，瞓下覺都得，學生仲有平價($9.3)~

傍晚回程就客量幾穩定，去到鷹君多數都打得爆。
==========================================
不過城巴就真係好應該考慮下幫非專利換新車...
>>作為乘客，我又唔係好覺得批車唔好。又靜，冷氣又足(好似入左雪櫃)，架架都有頭枕。條路少車既話仲有得跑下。


長此下去,恐怕88R也會成為62R的翻版(雖然情況比62R好一點).其實88R吸引乘客的原因,在於它的舒適(有位坐),方便(30MINS到灣仔)及定時開出.希望它不會成為第一城居民的集體回憶吧.

哈。。成為62R的翻版。。都有機會，遲D有沙中線客量會更差。摺就冇咁快既，最多變兩味線。

話時話，宜家第一城D線冇左60R，62R又變左兩味，D司機係咪少左？佢地會繼續做非專利線定係出去專利部？

88R未必會成為第一城居民的集體回憶，88R始終比港鐡直接及點到點。加上680又縮短到金鐘，點都對往來第一城-中環的乘客有一定吸引力!

第一城我見朝早都有人會搭680出香港
其實89R改左道之後客量好似無特別好左好多
都可能因為D人搭680/682(平掛)

但係88R少左人搭真係極其量係一個原因
就係太貴
快既線真係會大把人去坐
但有時貴得其他車太多就未免少左人搭
馬鐵轉東鐵轉荃灣線相信唔會咁多人會咁樣坐
$12.5平都唔係特別吸引到好多人
真係無位坐又要轉
不過88R都生意好返D就:減下價啦
但88R呢條非專利線之前竟然肯做回程八折就知道城巴係有心做88R來維持客量(唔算搶客既)

[ 本帖最後由 3AD110 於 2007-12-15 23:55 編輯 ]