我的廣深鐵路CRH1之旅+感受

本人於上年九月體驗了行走西安往返寶雞隸屬西安鐵路局的CRH2，加上之前坐過的廣深鐵路 CRH1，所以貼一些圖片和分享下我對CRH的感想。

之前同廣深鐵路的直達車次好有緣份，頭坐5次坐CRH1有4次是直達車，每次進貢$100人仔坐一等，
同埋唔知點解我坐親的車次，一等車廂每一列都基本上得15-25%上座率，不過二等位就仲係好爆。

CRH1個外型我其實都幾鐘意，但總覺得無左果種高速列車那個feel


廣深鐵路CRH1的搶錢票價，價格比恐怕是全國最高，名符其實的「喝血號」！


廣深鐵路CRH1的一等車廂


一等車廂的卡位


CRH1二等車廂


CRH1在廣深鐵路的最高速度


我對廣深鐵路CRH1之感：
我自己起碼坐過接近10次廣深鐵路CRH1，對比之前在外省坐過的CRH2。發覺CRH1在很多方面都比CRH2差，例如：
1.CRH1的座椅不能迴轉，有一半乘坐CRH1時難免要坐倒頭位。
2.廣深鐵路CRH1那些一等座位竟然連椅背角度都不能調校！
3.座椅又不太舒適，座椅坐落去好硬！不如叫「一等硬座」算了！

廣深鐵路，一等價錢，三等的服務。全國最喝血的和諧號非廣深鐵路莫屬。

廣州東往深圳路程只有139km，一等軟座直達竟然要成$100，平均$0.72/公里
以西安往寶雞的CRH2全程173km為例，一等軟座直達只要$60，平均$0.35/公里。
明顯地，廣深鐵路的票價比部份省外的動車組車次貴一倍以上，貴得離譜！

廣深鐵路和諧號，完全不和諧！

[ 本帖最後由 volvo_chan 於 2008-1-11 14:12 編輯 ]

廣深有列新到CRH1的椅子是可以轉的

一早話廣深根本係搶錢
偏偏成日都有d衛道之士走出離
話人地收幾多都o岩, 我地講幾多都錯
又講咩通勤鐵路果d term 出離, 真係想問班人有冇搭過廣深
廣深o既服務值唔值呢個價錢

一等比二等少好多人o既原因係
一等比二等貴, 而且買飛你唔講 1, 2 等佢會假設你係買 2 等飛
所以 1 等通常冇乜人買
而且對比起藍箭, 大家都係 1 等但係反而收貴o左


至於同 CRH2 比較, 兩款我都搭過
分別其實唔係太大, 但係唔知點解 CRH2 車廂有浸味好怪
同埋個電子顯示屏感覺上冇 CRH1 果款咁先進 ~

原帖由 ben2004 於 2008-1-10 22:51 發表
一早話廣深根本係搶錢
偏偏成日都有d衛道之士走出離
話人地收幾多都o岩, 我地講幾多都錯
又講咩通勤鐵路果d term 出離, 真係想問班人有冇搭過廣深
廣深o既服務值唔值呢個價錢

一等比二等少好多人o既原因係
一等比二 ...

唔好咁勞氣啦
好快T302同K586會拉落黎深圳/深圳西
到時咪可以唔坐和廣深囉
24蚊搞掂

原帖由 ben2004 於 2008-1-10 22:51 發表
........ 但係唔知點解 CRH2 車廂有浸味好怪..........................

因為CRH2的冷氣吸風口設計與原型E2一樣置在車底,
但日本新幹線的專用鐵路環境與 CRH"現時"行走的鐵路環境是兩回事.

所以CRH2的空調機吸進了在鐵道上油污,垃圾,屎尿等異味.

[ 本帖最後由 CMB 於 2008-1-10 23:59 編輯 ]

原帖由 kcrc 於 2008-1-10 23:14 發表

唔好咁勞氣啦
好快T302同K586會拉落黎深圳/深圳西
到時咪可以唔坐和廣深囉
24蚊搞掂

問題係廣深有飛都唔賣, 佢會叫你坐和諧號,我之前試過係東莞買N619, 結果搞一大輪先買到....
認同上面所講: 廣深係唔值得收禁貴.

如果坐非和諧號列車，可以到長途火車那邊買票會較好，那些票
便宜得多。在廣深那邊買票，簡直受罪。

有關 CRH1 其實每卡一等軟座都可以把椅背靠後，但同時你的座
椅會提升的，路口位是近右邊前方，差不多到椅底的位置有一個
鍵按的，窗口位則在窗邊座椅底中間位置。

至於廣深貴，我也有同感。

原帖由 tsoikc 於 2008-1-11 08:12 發表


問題係廣深有飛都唔賣, 佢會叫你坐和諧號,我之前試過係東莞買N619, 結果搞一大輪先買到....
認同上面所講: 廣深係唔值得收禁貴.

有幾個方法的
1. 你賴死話要買, 唔係就投訴, 佢通常會賣
2. 買站台票上車補
3. 行過少少去春風路個代售點, 比多5蚊買, 連隊都唔洗排, 29蚊就買到深圳去廣州的特快外局車

原帖由 kcrc 於 2008-1-11 15:31 發表
有幾個方法的
1. 你賴死話要買, 唔係就投訴, 佢通常會賣
2. 買站台票上車補
3. 行過少少去春風路個代售點, 比多5蚊買, 連隊都唔洗排, 29蚊就買到深圳去廣州的特快外局車 ...

當年好似有國內的火車迷試過在廣州東想買N619次往深圳, 售票處指沒有呢一班車, 但他最後亦能在自動售票機購得N619次的車票, 不過:
1. 車站人員故意不舉牌提示N619次乘客上車, 幾經艱苦才找到車停在一個冇乜人去的月台上.
2. 上車後, 車務員不斷威迫利誘他補票轉乘喝血號, 包括聲稱空調壞掉只能退回五元, 個火車迷賴死兼脫掉上衣「玩嘢」(放心, 該火車迷是男性), 終於個車務員死死氣響只有他一個乘客的情況下開冷氣及開車.

另外想問, CRH1的座椅是由那一間廠商製造的呢? 是國內廠商, 定係外國的? (個樣好似Grammar一款座椅)

仲有據知港鐵正與內地傾, 換掉廣州直通車的準高速列車, 如果成事, 唔知係會換邊一款車呢? 韶山八定CRH1?

[ 本帖最後由 gordon 於 2008-1-11 16:25 編輯 ]

轉嘅意思係咪好似悉尼D火車或者天星咁, D椅背可以移前移後, 我覺得呢個係最好設計