[太陽報新聞] 港鐵標誌亂乘客暈陀陀

原帖由 fcfhkmelb 於 2008-1-11 13:54 發表



東西鐵線同原地鐵路線嘅性質都係所謂嘅通勤鐵路，
在同一網絡同一性質下用同一Logo其實冇問題，
只係港鐵未有好好教育市民/市民未肯接受改變

我相信混淆嘅絕大部分都係香港島/九龍人，
住新界嘅實知咩係東鐵線/西鐵線
...

本人居住新界西，所以有關問題對本人黎講根本唔係問題~!
咁係咪即係代表我既適應能力好好呢 ?

雖然居住新界既人多數會分得出現有港鐵路線，
但係唔代表所有居於香港既人都一定分到。
而且仲有外國遊客，唔清晰去區分d 路線一定會對佢地產生混亂。

香港好多野俾外國人既印像都係正面既，
冇理由因為部份人已經熟習左就唔理唔熟習果部份人嘛?
作為一間為共眾服務既公司，佢地提供既服務唔係應該以user friendly 為原則咩?

所以我覺得以依家既情況，港鐵絕對有需要教導/ 提供更清楚既指示俾市民，
而唔係要市民從錯誤中學習囉......

適者生存
眾所皆知的道理...

我認為不是港鐵公司的問題
而是普羅大眾的問題

九鐵電氣代已事十多廿年前的事..
那時我們就不應稱它為"火車"
(城際除外吧XD)

竟然眼下改變了
我們為何不接受、不改變呢...

時間巨輪一路向前
我們不是應隨著它而變遷嗎？

原帖由 fcfhkmelb 於 2008-1-11 21:01 發表

閣下大可要求港鐵將所有「東鐵線 East Rail Line」指示改成「火車 Train」，
咁咪對香港人非常清晣囉，
但外國遊客就睇到陀陀令喇

我意思係好似依家新界西咁，用"west rail line" 之餘，用番千九個車頭logo。
而唔係好似你所講咁要港鐵轉番做火車。如果變番做火車咁即係本末倒置。

既然港鐵都講明話會接納各方意見去改善問題，我只係提出一個比較可行既做法。
同埋我想講呢個只係我既建議，而唔係我個人要求。

如果用番一個市民熟識既列車logo 俾佢地區分每條線佢地都分唔到既話，
咁就真係佢地理解同認知能力好有問題。
但係既然一d 咁簡單既野而港鐵又可以做到既話，咁點解唔去做?

[ 本帖最後由 kachun28 於 2008-1-11 21:52 編輯 ]

原帖由 ChickenTong 於 2008-1-11 21:29 發表
有d野唔係話轉就轉到,
你搭小巴會叫大丸有落,
約人會講咩咩地鐵站等,
搭西鐵唔會話搭西鐵線,
明就得,只係好多指示牌仲有改善空間..

其實稱呼只係大家約定俗成罷了。
兩鐵合併之前，香港市民的共識就係九鐵係分「火車」，「馬鐵」，
「西鐵」同「輕鐵」，地鐵就係「地鐵」。 兩條線用同一個大堂甚至
同一個月台，要 specific 邊個月台，多數會話「旺角地鐵站荃灣方向
車頭」之類。

大家一向將九龍塘講成「九龍塘火車站」，「九龍塘地鐵站」。以香港
人的共識，如果要講東鐵線果邊的大堂，一句「九龍塘火車站新/舊大堂」
根本冇死，段估冇人會去左觀塘線果邊大堂吧。

至於旺角，而家仲有大把人講「旺角火車站」，相信都冇人會將「旺角
火車站/東鐵站」當成前地鐵 (荃灣/觀塘線) 的旺角站吧。

講「火車」「地鐵」咁多年，改唔改口根本對日常生活冇乜影響。反而
有遊客問路時就要小心處理…

就算是市民約定俗成
港鐵公司也要非常"官方"地製指示牌...

所以市民恕是多餘的
唔通要港鐵把指示牌改為"火車"嗎

只怕到時又有人說指示不正了...

原帖由 chickenbus 於 2008-1-11 11:15 發表
呢塊顯示板屬於新港城既，恆基咁耐都唔肯換，港鐵冇佢符架喎…
反而好多商場已經做左野，包括新城市換晒做「港鐵沙田站」，
而新都城亦開始將指示牌既「地鐵站」字樣遮去。

新世紀廣場老早改哂旺角東站lu

荃灣廣場亦在翻新商場時，更換所有「有九鐵標誌—西鐵荃灣西站」的指示牌。