在深圳坐公交車的所見所聞

在深圳已經進駐了兩年，入鄉隨俗，出門當然要坐公共交通工具，公交
車必然是首選，一來地鐵要行十幾分鐘或坐公交車轉車，二來公交車有
風景睇，不用在車廂內你眼望我眼。

起初在深圳坐公交車，師傅的技術與行為簡直令我一個在香港長大的人
嘖嘖稱奇，下面的情況，你們又可曾遇見嗎？

1. 行車中途打手機，無論係巴士集團又或者是其他公司的師傅都會做的
事情。單手操控一部公交，包括轉擋、開關車門、轉線都是右手控制，
左手只是拿手機的，利害！

2.隨意改路，遇上前面塞車，師傅們都會想辦法自行改路令自己不會進入
塞車地帶，往往不理其他乘客的感受，喜歡行那裡就那裡，乘客變相要行
多了路，因為部車再不會到你想到的地方。

3.行車中途倒車，這個簡直是絕世神功，見前面塞車上了交匯處，竟然倒
車出番大路改用其他路段，可幸到現在只是在103上試過一次。

4.隨意更改行車時間，明明2330有車開，竟然因為只有兩個客而取消，真
係咁都得，曾經試過跟那些師傅吵大鑊，十幾個客衝上車唔願走，結果侷
住要開。

5.小偷，有一次坐362，開車後見有兩條友四維換位，一睇就知有料到。終於
有飯開，有個香港人被看中了，睇住個賊由皇崗路開始，到個客去到福民新
村落車都拿不到個銀包，是第一次見人打荷包。

6.公交變貨車，好多時候好多人都會用公交來搬家，搬單車，搬家電，搬生財
工具，搬動物，你想不到的都會有。

7.飛車搶線，幾乎日日都會睇到的情況，兩部公交各不相讓，鬥足一條大直路，
去到燈口就你插我時我趙你，睇見都好好笑。

不過有一樣事情，都是值得一讚，讓坐的主動性很強，一見你老人或大肚，都
會主動讓個位給你。

8. 繞過紅燈位：前面路口係紅燈，司機就右轉入道，然後轉左做U-TURN，然後回到路口右轉返回原有行車路線。

9. 司機準時收工：行車中途賣你豬仔，乘客唯有車過車，原本有座位變無座位，皆因司機要收工。

說讓坐, 國內的年輕一代比香港強得多

我相信呢D情況係香港都出現過，只係唔知幾多十年前啫

坐坐下車兜去油站入油你試過未？我o係385試過，個
油站仲要係特登兜路去，唔係指定路線沿途(福強路油
站)

另外空波滑行都係常見現象，比如坐26過左聯合廣場，
俾住油上完入彩田路立交橋，過左條橋最高點後，司機
就會立刻空波等部車自己溜到高級技校。

在網上看過有篇笑話，話366既師傅可以由布吉關俾油衝
行部車，然後空波慣性溜到去橫崗，唔知係咪真有其事？

http://jt.sz.bendibao.com/news/2007117/52558.htm

[ 本帖最後由 fai 於 2008-1-19 13:24 編輯 ]

有没有可能呀？
计算得最接近，布吉关到横岗六约有６．５公里以上！
说过３６６，近期龙岗深惠路有一个新秀就是８７０了。

我引段野既原文係話366師傅由布吉關踩油加速到榮超花園後
就冇再俾油，讓部車以慣性滑行到橫崗。榮超花園到橫崗又有
多遠？

講清楚點，原文冇講空波，空波只係我自己推測，不過事實上
空波滑行會比入波滑行得更遠。不過這只是個笑話，係咪真有
其事都冇人知，拿上來求證下係咪有可能做到只係想有點趣味
話題罷了。

原帖由 barking 於 2008-1-19 14:03 發表
有没有可能呀？
计算得最接近，布吉关到横岗六约有６．５公里以上！
说过３６６，近期龙岗深惠路有一个新秀就是８７０了。

[ 本帖最後由 fai 於 2008-1-25 17:31 編輯 ]

我計算的(6.5公里)正是由榮超花園開始計....
因為榮超花園對出有個落橋位, 衝車當然由落橋位開始計