你會撐住嗎? (有關巴士直梯的一個安全討論)

今日黃昏搭102, 正踏了兩級上上層, 架九巴上完客開車, 在我前面高兩級有個阿叔
始乎無握緊扶手, 差點成個人"訓"落我處, 幸好最後佢捉番住條扶手柱。

假若大家身處我的位置時, 你會即刻縮埋一邊讓個阿叔成個向下跌, 還是用自己的
身軀同佢食左度力, 隨時兩敗俱傷呢?

其實本人覺得直梯真係好危險, 乘客很多忽略在樓梯上的安全, 如果今日個阿叔後來
捉唔緊個扶手, 而我又唔避的話, 就成成個人撞埋我處, 唔好睇少那些衝力, 我或會
唔夠你撐起個阿叔成個往後訓, 到時最傷的或會變成了自己。
但如果我避開左, 個阿叔又扶唔住的話, 佢分分鐘過唔到第日。

大家在上落直梯時有無遇上這種問題呢?

咁講似乎係呀叔自己疏忽 無做好主動安全

直梯危險同乘客忽略在樓梯上的安全 好似唔係因果關係喎
事實係, 政府同3間巴士公司已經拍晒廣告, 叫人緊握扶手
巴士上面都唔知有幾多張呢類o既poster提醒人
但都係有人唔鍾意扶, 巴士公司可以點?

成日都話直梯危險, 如果係曲梯, 又係唔去扶住, 睇下你跌唔跌?
都可以講埋, 有人試過係曲梯跌落黎死左

e+甘本就係d人唔緊握扶手, 到有事果時就賴架巴士係直梯, 所以先有d咁o既意外
完全係本末倒置
如果你話扶實你都跌, 咁就話巴士公司抵鬧jei
但如果連扶實都冇, 因為咁而死左, 唔好意思, 除左抵死2個字之外, 我俾唔到其他comment

曲梯有起事上來, 樓梯形狀不規則, 差錯腳機會更大。

唔理直梯曲梯，上落樓梯唔渣實扶手就乜梯都唔安全……

除非係小朋友、識既人、或者望落去還應付得來的女仔之外，
樓梯上遇著這類無緊握扶手既人，只要有足夠空間，一定係玩「閃避球」…
唔同佢擋，佢響你身邊跌落去既時候，你還可以考慮自身安全的情況下，用隻手扶扶佢。
同佢擋，去必代表佢唔會傷，但自己受傷既風險大增。
任何拯救別人的條件的大前提是，自身的安全必需先得到保障。

過去響直梯好少遇到依個問題，因為自己習慣響直梯既時候，
與行在前面的人保持兩三級樓梯既距離，一方面係保障自己的安全，
另一方面也是避免有偷窺/非禮的嫌疑 …曲梯反而習慣跟貼一點…

[ 本帖最後由 Mahoumatic 於 2008-1-19 16:16 編輯 ]

原帖由 dippy 於 2008-1-19 19:04 發表
我都試過有次撘AP@277X
架車起步+轉灣向左西一西
就差錯腳碌落樓梯
好左條樓梯係曲梯
跌左兩級就坐左係條梯度
淨係扭親隻腳
如果係直梯就......

你講的情況我亦曾試過.

我覺得曲梯的好處係如果捉唔住, 或可借力挨向車身,
但係直梯因為上落同巴士前進同一方向, 特別係上落期間
捉不緊係唔奇的 (試想捉得太緊又怎上落到), 萬一捉不緊
就隨即由高處撻到低處, 無咩可能挨向車身減低衝力.

原帖由 ATE24 於 2008-1-19 12:52 發表

唔理直梯曲梯，上落樓梯唔渣實扶手就乜梯都唔安全……

你o既講法我絕對同意. 不過兩三年前o既
一單意外導致有人死亡, 死者果時因咩情
況而發生呢? 我只記得佢落樓梯果陣出事.
果架車係 3ASV397 @ Rt.102.

總之各位上樓梯就上快o的啦, 尤其係當
架車行緊o既時候.

原帖由 Route_99 於 2008-1-19 00:32 發表
今日黃昏搭102, 正踏了兩級上上層, 架九巴上完客開車, 在我前面高兩級有個阿叔
始乎無握緊扶手, 差點成個人"訓"落我處, 幸好最後佢捉番住條扶手柱。

假若大家身處我的位置時, 你會即刻縮埋一邊讓個阿叔成個向下跌,  ...

如果真係避無可避, 打側身係咪無咁硬食呢?

同埋, 前面唔扶住碌落黎, 好似同直唔直梯無關係喎?