寶林路將加設一組交通燈...

唔知有冇人講過
今日搭 98A 返黎
見到馬遊塘村村口,翠林路同寶林路既一個十字路口好似將加設一組交通燈...
組燈而家比黑膠紙封住
暫時未用得....

如果真的話
咁又少左一段可以叫做快放一下既寶林路 雖然好短 同埋馬遊塘多數要停
同埋批 3asv 又要面對多一個斜路起步
多一組燈...
車程又多兩三分鐘.....

再加埋 將軍澳道果組工程....

相信d 93A 95M 98A 又再更易斷纜...

加燈係因為配合翠林路由落山改做上山…

我反而會覺得翠林路會唔會有Sensor，Sense到有車先轉燈
同埋車程增加幾多，其實都好睇支燈點樣放車
如果佢大部分時間都係放寶林路兩個方向，問題應該唔大

[ 本帖最後由 ~誰@359~ 於 2008-1-28 21:19 編輯 ]

95M/93A應該影響唔大
係98A D扒起步麻煩D姐...

以前康盛馬游塘落山果段有乜冬瓜豆腐
仲有條翠林路可以揀
而家?真係要保祐條路唔好有事
否則乜鬼車都塞死哂唔駛郁啦
真係唔明批准同建議果班人用乜諗野
同茅湖仔整個巴士坑一樣冇事搵事做

原帖由 ~誰@359~ 於 2008-1-28 21:13 發表
加燈係因為配合翠林路由落山改做上山…

我反而會覺得翠林路會唔會有Sensor，Sense到有車先轉燈
同埋車程增加幾多，其實都好睇支燈點樣放車
如果佢大部分時間都係放寶林路兩個方向，問題應該唔大 ...

以運吉班人既高智能智商
絕對唔會諗到響度整Sensor呢類高科技野

原帖由 superbus 於 2008-1-28 23:36 發表
以前康盛馬游塘落山果段有乜冬瓜豆腐
仲有條翠林路可以揀
而家?真係要保祐條路唔好有事
否則乜鬼車都塞死哂唔駛郁啦
真係唔明批准同建議果班人用乜諗野
同茅湖仔整個巴士坑一樣冇事搵事做 ...

翠林班居民唔想畀車撞死丫嘛…之前先有一兩單

原帖由 ~誰@359~ 於 2008-1-28 23:47 發表

翠林班居民唔想畀車撞死丫嘛…之前先有一兩單

即係由翠林巴總之後就一直all along單程上斜???
如果係咁樣, 變相多一條出九龍short cut....

原帖由 ~誰@359~ 於 2008-1-28 21:13 發表
加燈係因為配合翠林路由落山改做上山…

唔只燈柱, 翠林路都而加上 "黑布蒙頭" 的黃色路牌, 內容相信大概係 "前面交通管制"
其實11月 選舉前已知有關改路事宜.
個人意見: 實屬擾民

我反而會覺得翠林路會唔會有Sensor，Sense到有車先轉燈
同埋車程增加幾多，其實都好睇支燈點樣放車
如果佢大部分時間都係放寶林路兩個方向，問題應該唔大 ...

先唔講 SENSOR, 下行改上行對一眾校巴, 泥的客, 免費車客有幾大影響.
更大鑊既係, 下行改上行會令一眾寶琳北路上行客仔改行翠林路, 一條小小翠林路點樣負荷咁多車.
再者, 更多車行翠林路只會增加交通意外.  

仲要臨過年先黎整, 撞正曬 D 一年都唔渣 1 次車既拜年司機, 今次真系可以買定花生. . . .

原帖由 ~誰@359~ 於 2008-1-28 23:47 發表

翠林班居民唔想畀車撞死丫嘛…之前先有一兩單

不過我已經諗到過年幾日既生果報頭條;  


(以下為虛構新聞, 如有雷同, 實屬不幸)
拜年行上不歸路, 一家斷魂翠林路;

[本報訊] 一部日本家庭車懷疑行錯路, 昨日於將軍澳翠林路逆線行車 600 米後, 與一部的士猛速迎頭相撞. 兩部車嚴重損毀. 該段路面由於剛實施新交通管制, 由原本南行改為北行, 日本家庭車懷疑未熟悉新路面環境, 於寶琳北路左轉入翠林路而導致交通意外. 記者所見, 現場有豎立運輸處的交通管制路牌. . . . . .

實行數日, 意外頻頻...

為了居民, 苦了假日牌...

(下刪一系列生果報最興的相關新聞, 專家解構, 等等)

咁改法真係有弊無利 wo

寶林路既設計係 2 線上斜 ... 單線落斜

咁方便上斜時過車 ... 計埋翠林路即係 2 上 2 落

而家咁改法 ... 即係 3 上 1 落 ... 萬一有咩交通意外, 真係有上無落 lor

另外, 寶林路落斜(翠林)個盞綠燈會唔會放耐 d 呀

而家一次放得 4-5  架車

原帖由 smal 於 2008-1-29 00:45 發表


先唔講 SENSOR, 下行改上行對一眾校巴, 泥的客, 免費車客有幾大影響.
更大鑊既係, 下行改上行會令一眾寶琳北路上行客仔改行翠林路, 一條小小翠林路點樣負荷咁多車.
再者, 更多車行翠林路只會增加交通意外.  

如果你指既黃色牌係翠林商場同景明苑車場出口果兩個,唔駛估,
一個係澳頭村,一個係澳頭村+寶琳路

唔講其他野,唔知你係咪住康安林或者景明苑,住得呢幾座既一定感受過重型車50公里衝落黎果種壓迫感,凝住佢撞埋黎,事實上已經撞過幾獲,剷上行人路都已經幾次,如果你領教過,怕且到時你唔會講得咁輕鬆

回正題,我估呢支燈既放車法大約係寶琳路雙向:翠琳路:馬遊塘路 1:0.5:0.2,
對上行巴士影響應該大啲,下行就算想衝燈尾都易啲(並非支持咁做)

PS:咁樣整法,想出現未報完個站已經衝過馬游塘既機會又少左

[ 本帖最後由 gn3509 於 2008-1-29 02:34 編輯 ]