提提你：港鐵與專線小巴之轉乘優惠修訂

原帖由 fcfhkmelb 於 2008-2-11 11:37 發表



成個新界東嘅人都受惠於兩鐵合併，
唔通要新界西受惠先至叫做真正受惠??
大西北人係咪霸度成咁??

自從兩鐵合併，
新界東去深水埗區、觀塘區、黃大仙區、油尖旺區、港島區都平左成截，
真真正正好多人用到個減幅 ...

點解你會講到新界東同新界西係敵人? 其實只係講緊優惠 (關連到實際支出), 而呢D優惠向來在新界西有提供而已. 新界西有優惠唔代表新界東會冇優惠. 相反如果新界西的優惠可以撤銷而毫無反對的話, 下一個目標會是誰? 我都明白你可能因合併慳到好多, 但之後日子仲好長, 之後係咪依然係咁邊個可以保證 (東鐵仍然有本地/過境呢一項, 提出來只是時間問題)?

原帖由 JA5674 於 2008-2-10 22:30 發表


我第一個唔搭啦.......好多時候我都要搭87K轉西鐵...而家都係69M算.....

如果取消埋其他..........唔駛講....巴士

真係巴閉
如果你要去楊屋道、葵盛圍、葵福路
我又想知你搭 69M 點去

西鐵去荃灣西 15 分鐘
轉埋 87K 去到楊屋道
都係 25-30 分鐘之內可以落車
未計等第一程車既時間（西鐵 3-6 分鐘，69M要8-15 分鐘）
我估搭 69M 的話
25 分鐘只夠在大欖隧道轉上第二程巴士
轉 251M/263M？睇睇個班次先啦
唔好彩送車尾就真係自求多福喇

買張月票付費轉乘 87K
一個月廿四程要 $439.2
69M 一個月廿四程要 $436,8
仲要轉乘 251M/263M 呢類 15 分鐘以上才有一班既路線
巴士咁既優質服務
憑佢平幾果少少簡直就係無械可擊啦

我自己就覺得
今次西鐵睇準了九巴既優質服務去取消轉乘
根本對西鐵的競爭力無甚影響

[ 本帖最後由 ahbong 於 2008-2-12 00:40 編輯 ]

原帖由 ahbong 於 2008-2-12 00:21 發表


真係巴閉
如果你要去楊屋道、葵盛圍、葵福路
我又想知你搭 69M 點去

西鐵去荃灣西 15 分鐘
轉埋 87K 去到楊屋道
都係 25-30 分鐘之內可以落車
未計等第一程車既時間（西鐵 3-6 分鐘，69M要8-15 分鐘）
我估搭 69M 的話
...

楊屋道呢個位置無可否認, 九巴既服務十分「優質」.....

葵盛圍都可以繼續選擇搭87K/ 89B其他車轉港鐵.....

不過葵福路可以係葵涌運動場搭265M/269M...都唔係太遠姐....

你講得都有道理, 始終部份地區比較上係唔方便既..

原帖由 fcfhkmelb 於 2008-2-11 11:37 發表



成個新界東嘅人都受惠於兩鐵合併，
唔通要新界西受惠先至叫做真正受惠??
大西北人係咪霸度成咁??

自從兩鐵合併，
新界東去深水埗區、觀塘區、黃大仙區、油尖旺區、港島區都平左成截，
真真正正好多人用到個減幅 ...

算啦，無謂同D(新界)西人爭論咁多

如果話十幾年前，屯公only既年代，我同意大西北既情況真係好差好值得同情，但係自從位於西邊既新機場啟用後，成個香港既發展，就向晒西邊傾斜，當中新界西更加係最大得益者，相比以往屯公only時代，大西北既交通簡直可用革命來形容。

但縱觀多個討論區，最多聲氣既，偏偏又係呢班(新界)西人，一係呢，就話自己D野點衰點差點唔好，但就唔唸下自己所得既，已經比新界東既好不知多少(eg:西鐵的輕鐵K巴接駁、表面好貴，但實際抵到爛既98x系西隧巴士)；一係呢，就係咁話自己有幾大幾大「需求」，所以有幾大幾大既理由要新界東D人就佢，但完全逃避新界東既需求更大既事實(eg:尖東站問題)。

除左話呢D係人心不足蛇吞象，身在福中不知福同野蠻之外，我冇野講。

79K係歷史遺留落黎既問題，唔應該削減優惠。
當年九鐵轉K15免費到旺角西一帶，合併後已經無左701，
而家連79K少少優惠都減實在對旺角西一帶居民不公。

(利益申報:小弟係旺角西居民)

原帖由 mckhgc 於 2008-2-18 19:36 發表


算啦，無謂同D(新界)西人爭論咁多

如果話十幾年前，屯公only既年代，我同意大西北既情況真係好差好值得同情，但係自從位於西邊既新機場啟用後，成個香港既發展，就向晒西邊傾斜，當中新界西更加係最大得益者，相比以往屯公only時 ...

冇野講? 講完至話自己冇野講

老實講, 上天都算公平的. 新界西近年似乎得到一些甜頭, 但別忘記新界東多年來亦有特別照顧, 如廿多年前就有電器化火車, 快速公路, 比巴士車費仲要平一級的鐵路車費, 鐵路班次頻密, 仲直達旺角, 紅隧口, 羅湖/落馬洲關口. 呢D亦係新界東以前大幅膨脹的原因.

但到今時今日, 新界東發展空間變少, 重點轉向新界西, 不過仍有唔好處, 如車費高 (968 VS 373A 上水遠幾公里只差 $0.7, 270A VS 279X 差 $0.2 但佐敦同青衣比, 270A 又可以同 68X 比 .......), 一些班次疏 (點解? 因為人未夠多!), 轉車次數多. 你睇新界西巴士直出好快, 區內轉乘又免費, 咁就好著數? 都係你睇我好, 我睇你好, 大家亦冇利益衝突, 說話何必講得咁難聽?

原帖由 h2o 於 2008-2-19 00:14 發表


冇野講? 講完至話自己冇野講

老實講, 上天都算公平的. 新界西近年似乎得到一些甜頭, 但別忘記新界東多年來亦有特別照顧, 如廿多年前就有電器化火車, 快速公路, 比巴士車費仲要平一級的鐵路車費, 鐵路班次頻密 ...

問題係邊個區既人先argue 佢個區唔夠另一方位既交通方便先?
你都識講大家各有各好啦.....

因本文懷疑出現違規文章，現鎖上以作調查。
所有板友在鎖文期間請勿改文，否則可能會被取消貼文權。

admin54