14/2蘋果日報：搭巴士最忌…

原帖由 AVW56 於 2008-2-17 09:05 發表
睇返九巴的乘客守則, 有一句:
巴士未停定，請勿上落。

呢句說話的意思係只要巴士未停定, 都唔好上車落車
唔係話唔好上落樓梯喎....

似乎你曲解左呢句說話的意思

原帖由 AVW56 於 2008-2-15 18:16 發表



呢一度我唔同意

邊個話坐上層打算於下站落車的乘客, 一定要預先到下層?
根本, 巴士公司一直都呼籲,
叫d乘客盡量唔好係行車期間走動, 上落樓梯等
以免發生意外


我覺得你提及個位直情係模範乘客添
車停定先行落 ...

首先, 請唔好曲解我意思, 我無叫人預先到下層.

我只係話一些乘客等架巴士停定才動身, 我覺得咁係會阻慢巴士的行程.

要是你坐上層車尾, 等得架巴士停定才起身的話, 除非你要下車的車站係
有眾多人士上落, 唔係的話, 九成情況架巴士開出你都未落到下層. 所以我
覺得在安全情況下在埋站前上層乘客應該移近樓梯位, 而下層乘客亦應準備動
身。

至於你所說的『巴士公司一直都呼籲, 叫d乘客盡量唔好係行車期間走動, 上落樓梯等』,
我的讀解係唔好在巴士車廂內奔走, 唔係叫人唔好在巴士上行走, 巴士行車時唔好上落樓梯
呢個我都很贊同的.
我的睇法可能同其他人不同, 歡迎其他人說說佢的見解.

我覺得係架車行緊公路突然想「開大」

原帖由 AVW56 於 2008-2-17 09:05 發表
點解而家講到 "預先落定下層" 是乘客的責任?

睇返九巴的乘客守則, 有一句:
巴士未停定，請勿上落。

仲有, 咩趁燈位預先落樓? 簡直係謬論
巴士公司一直都唔鼓勵乘客咁做

如果我真係趁佢停燈時落定樓
但行到一半, 架 ...

扶手電梯左行右企呢樣野, 我記得我小學時公民教育
有教到, 雖然扶手電梯上走動都有一定危險性, 不過香港人就係習慣左, 都唔覺
得有咩大問題, 如果繁忙時間你搭地鐵, 響中環站 / 香港站呢d多人流站內
既扶手電梯, 都會見到左行右企呢個情況, 除非有人企響左邊, 不過大多數
會見到企響左邊果個人前面係冇人的, 因為前面d人都行晒, 後面果d想行都
行唔到, 我相信你企響左邊, 後面一定用唔滿意既目光望住你

總結, 我同意你話扶手電梯要企定, 因為行都有風險, 不過你諗返香港人習慣
急促的生活節奏, 正如上面所講你企響左邊後面多數會唔滿意, 你可以堅持
你果套, 你最多企右邊, 讓人地繼續自己的行程, 因為人地都係慣左急促
如果你堅持企響左邊, 人地可能會話你: 你都唔係香港人黎既

原帖由 AVW56 於 2008-2-17 09:05 發表
點解而家講到 "預先落定下層" 是乘客的責任?

睇返九巴的乘客守則, 有一句:
巴士未停定，請勿上落。

仲有, 咩趁燈位預先落樓? 簡直係謬論
巴士公司一直都唔鼓勵乘客咁做

如果我真係趁佢停燈時落定樓
但行到一半, 架 ...

你copy少左個"車"字
請勿上落同請勿上落車個意思相差十萬百千里
我唔知係唔小心copy漏定係特登copy漏,如果係特登,都幾誤導下

我就見唔到巴士公司個守則有話咩唔鼓勵乘客提早落樓落車,我淨係睇到呢句:
如 非 落 車 ， 請 勿 在 車 廂 內 走 動 。
如果因為落車而提早落樓,絕對符合因為落車而在車廂內走動呢個原則

另外由
在 車 廂 內 走 動 或 站 立 時 請 緊 握 扶 手 ， 有 座 位 時 請 坐 下 。 如 座 位 設 有 安 全 帶 ， 請 將 安 全 帶 扣 上 。
呢條守則,可以睇到巴士公司唔會唔鼓勵人地架車郁緊果陣行,
因為巴士公司都知如果要下下停定先行,係會嚴重影響車務運作,正如司機按章工作一樣,
巴士公司只係鼓勵人地行果陣緊握扶手

除非提早落車會導致要响上層或者樓梯站立,
咁就違反左
請 勿 在 雙 層 巴 士 上 層 及 梯 級 站 立             。
一條,
否則,我見唔到巴士公司有任何唔比人提早落樓落車既意思

如果有人响行車時緊握扶手行走都可以出意外,
大可以向巴士公司索償,但觀乎呢啲意外一年都冇十單(5單都唔知有冇)
某啲版友既杞人憂天理論實在唔成立
究竟邊個响度發表緊謬論?看倌自有分曉。

ps:就算係運輸署有關巴士安全個廣告,
都只係話
1.上車緊握扶手
2.拎住大型物件唔好上樓上
3.有安全帶就最好扣
4.照顧同行長者及小朋友

[ 本帖最後由 gn3509 於 2008-2-17 14:03 編輯 ]

原帖由 葵盛東居民AMN36 於 2008-2-17 12:24 PM 發表
扶手電梯左行右企呢樣野, 我記得我小學時公民教育
有教到, 雖然扶手電梯上走動都有一定危險性, 不過香港人就係習慣左, 都唔覺
得有咩大問題, 如果繁忙時間你搭地鐵, 響中環站 / 香港站呢d多人流站內
既扶手電梯, 都 ...

以前扶手電梯速度慢, 左行右企都無問題,
但而家扶手電梯加速到接近規定上限,
行電梯問題就大左, 所以而家先教育市民要企定定

原帖由 cktse 於 2008-2-17 15:06 發表


以前扶手電梯速度慢, 左行右企都無問題,
但而家扶手電梯加速到接近規定上限,
行電梯問題就大左, 所以而家先教育市民要企定定

我都忘記左呢樣野了, 可能好耐冇見過慢既扶手電梯
上面我都講左同意扶手電梯係要企定, 不過相信繁忙時間果d上班
一族仍有大部分嫌企響度慢, 都會照行