自從合併後,港鐵職員態度真係....

即使係合併前（但即將合併），我在鑽石山站買合併紀念票（$50任搭），
那位中年男職員好似有點不屑咁，不斷強調「50文架喎，搭得一日架咋喎！」，
我理解可能係之前有好多人都唔清楚使用細則就話買，位職員要強調，無可厚非，
但個態度令我覺得好似我係傻仔咁......

而且可以預見港鐵的公關將會「秉承」地鐵作風，有乜事先用一大堆公關說話打圓場，
帶大家繞一大個圈再模稜兩可等你諗緊之際就講完。
我真係覺得大部分地鐵／由地鐵負責的港鐵事務，公關說話都只係得10%有用。

原帖由 JX7348 於 2008-2-15 02:57 發表
其實自從合併後,感覺上港鐵職員態度真係無以前咁好...

話說有一次響官塘客務中心入八仔,比張$50佢入八仔...點知我見個mon同我入左$100,
正諗住比番我至際,就發現入多左...跟住就好理直氣壯咁同我講...
'我幫你入左$ ...

10 分鐘先搞到 ? 唔會掛 ..

我琴日係荃灣客務中心入八仔,比張100$佢入,但其實我淨係想入50$ ..

之後佢幫我入左一百 ..我叫佢入返50 ..搞返做入50既過程唔洗兩秒 ..


但當然 ..合併左我都覺得態度真係差左 ..我記得未合併之前入完八仔 ..都最少會有句多謝晒

但依家都無lu

原帖由 HJ8032 於 2008-2-27 00:09 發表

但當然 ..合併左我都覺得態度真係差左 ..我記得未合併之前入完八仔 ..都最少會有句多謝晒

但依家都無lu

入八仔不嬲都唔會講多謝
就算去 7-11 增值
職員都唔會講多謝
最多叫你「睇番餘額」

又唔係做你生意點解要多謝你？
我反而會同職員講句唔該
仲有一樣野
港鐵員工唔係機器
服務態度絕對同顧客既態度有關係
我有禮貌行埋去叫佢做野
我唔相信佢會無禮貌對我
我亦完全唔相信十二月二日午夜後
原本彬彬有禮既員工忽然個個變晒無品既人

[ 本帖最後由 ahbong 於 2008-2-27 02:43 編輯 ]

如果您甘樣講我都無法啦

就當我遇得有禮之人多啦

原帖由 ahbong 於 2008-2-27 02:34 發表


入八仔不嬲都唔會講多謝
就算去 7-11 增值
職員都唔會講多謝
最多叫你「睇番餘額」

又唔係做你生意點解要多謝你？
我反而會同職員講句唔該
仲有一樣野
港鐵員工唔係機器
服務態度絕對同顧客既態度有關係
我有禮貌行 ...

睇返 d 銀行，最記得恒生，明明係入數出數，
又無水抽既，咪又係會講多謝前多謝後

入落銀行我都有息收返，
入落八仔我乜著數都無添啦

原帖由 ahbong 於 2008-2-27 02:34 AM 發表
港鐵員工唔係機器
服務態度絕對同顧客既態度有關係
我有禮貌行埋去叫佢做野
我唔相信佢會無禮貌對我
我亦完全唔相信十二月二日午夜後
原本彬彬有禮既員工忽然個個變晒無品既人

同意，唔同嘅員工梗有唔同嘅服務態度，
不會一夜間大改變，亦不能一慨而論。

今日我喺荔枝角站個客務中心增值張卡，喺排緊隊時
有個客問職員關於車資嘅問題(問由該站到另一站嘅車資)，
職員就好耐心咁攞本車費小冊子找出個客應付嘅車資，
答完之後仲俾埋本車費小冊子個客睇
(有些職員只會叫個客自己去望下塊告示板/攞車費小冊子自己睇)
之後到我增值張卡之後仲講多謝，自己都係第一次遇到
可見服務態度係因人而異，不能一慨而論。

原帖由 asv2 於 2008-2-27 16:58 發表

睇返 d 銀行，最記得恒生，明明係入數出數，
又無水抽既，咪又係會講多謝前多謝後

入落銀行我都有息收返，
入落八仔我乜著數都無添啦

其實無意同銀行職員比較
因為銀行不會為你的八達通增值
但其實你存錢入銀行
銀行當然賺緊你錢
所以講多謝亦有道理
不講多謝亦不一定沒禮貌

比較相同性質的例子
七仔職員同你增值而不會講多謝
麥當勞職員同你增值亦不會講多謝
我唔認同增值唔講多謝 = 態度差
今日買西鐵綫月票職員亦無講多謝
但態度一樣親切
我唔認為有問題

[ 本帖最後由 ahbong 於 2008-2-28 02:13 編輯 ]

我可以講番我上星期一係港鐵葵芳站既客務中心增值既case....

果日行到埋去, 同佢講增值$50....見佢咁岩數緊錢....佢無出聲..佢係見到我....我都打算佢數緊錢, 唔阻佢......點知佢數完一疊又一疊, 起碼數左3疊先拎我張$100同八仔去搞......佢搞完之後, 就掟番$50同張八仔俾我...都有拍下個mon.....叫我睇餘額.....不過成個流程, 佢無發左一粒聲....

唔通東、西、馬鐵果邊有靜音車廂.....前地鐵網絡有「靜音服務」?......呢個情況已經唔係第一次......

---------------------------------------------------------------------------------

反觀前九鐵....到而家大部分都係服務態度非常好...有咩問題都會解答到你...你埋去...佢會問「請問有咩幫到你?」...你走果時同你講「多謝哂!」...有時見你睇緊d資料果時, 佢會問下你有咩可以幫手......

前地鐵方面, 得一部分員工可以做到.......不過有大部份員工都做唔.....

不論係合併前同合併後..........到而家都唔見有咩大既改善......