新巴 E500 首日航後為車長帶來的麻煩事

原帖由 FN1967 於 2008-2-18 14:19 發表
請各位朋友影相還影相,唔好企响馬路中心上影...!
(我已經見過不少.....!有幾次真係差D發生意外......! )
會影響到巴士和其他道路使用者的安全......!

另外,司機位加鏡頭,,,,,!
現在D公司真係變態.....!
全世界都知巴士車長工作是壓力好大的行業,
D公司好應該幫車長減輕工作上的壓力.....
但相反不斷俾車長不同的壓力....!
遅早有一日車長們頂唔順發起大罷駛...!

1) 其實任何情況下拍攝任何情景/場景時都唔應該行出馬路
一來對其他道路使用者(不論其他行人、駕駛人士)構成危險
二來更可能觸犯法例 (唔好以為行出馬路影相無皇管)


2) 係人都知車長出晒名壓力大
尤其係現今所謂「乘客」做0既0野一0的都唔似「乘客」應做0既事時...

師傅載住百幾條人命(雙層巴士滿載時)0係條街度行
唔係你(乘客)開住自己架「錢七」、唔係你(乘客)控制住架巴士點行、更加唔係玩緊模擬駕駛
真係有咩"冬瓜豆腐"就全車人係咁先...

講老實0個句 車長都係人 乘客都係人
你嫌師傅呢樣0個樣0既 自己去廢車場執架車番0黎囉
到時咩都自己一腳踢 連車牌都要自己考、車要自己開
仲有咩唔滿意? (唔滿意唔係拉利/瑪莎/波子? 呢個就係個人"財力"問題 與人無尤)

師傅都唔係奉旨受氣 當你自己做0既係"服務性行業"0個陣
你先會理解到做車長/佢地0個行有幾多無謂0既怨屈氣要受
有人會駁話有時確實係佢地唔0岩 咁呢0的係值得投訴 無得講
但係而家0既人係事無大小都「投訴、投訴、投訴」
甚至係一件雞毛蒜皮0既事都要"發大佢0黎攪" 不過...通常都係「損人不利己」

而家想巴士車長罷工真係好難 因為巴士公司幾乎全部新車長都係合約制
攪完罷工 佢一個唔續約  一批師傅都唔知仲可以撈邊行...

原帖由 herman15hk 於 2008-2-18 11:23 發表

唔係話970司機玩牌咩？好似唔係巴迷要求

不過大把"正義之士"唔清楚來龍去脈就照抽巴迷水

車長都可以係巴迷...只不過佢個職業咁o岩係巴士司機...
小弟只係借今次件事提出玩牌後果可以好麻煩，並非有意針對所有 / 部份巴士迷。

其實巴士當時又唔係載緊客,
個司機做既野對行車安全又冇影響,
某公司既管理層真係矯枉過正,不近人情...

原帖由 ksmbh 於 2008-2-18 21:58 發表
其實巴士當時又唔係載緊客,
個司機做既野對行車安全又冇影響,
某公司既管理層真係矯枉過正,不近人情...

兩睇啦...路線牌係比乘客點架車目的地,
對巴迷黎講, 梗係知果度係112站頭, 但係唔熟路既人未必點果架係112

原帖由 ksmbh 於 2008-2-18 21:58 發表
其實巴士當時又唔係載緊客,
個司機做既野對行車安全又冇影響,
某公司既管理層真係矯枉過正,不近人情...

當公司越大，顧員數目越多，要求員工o既紀律性就越大，
邊間公司都係一樣，商業社會就係咁，唔係點管得好咁多人？

原帖由 FN1967 於 2008-2-18 14:19 發表
本人是車長!
請各位朋友影相還影相,唔好企响馬路中心上影...!
(我已經見過不少.....!有幾次真係差D發生意外......! )
會影響到巴士和其他道路使用者的安全......!

另外,司機位加鏡頭,,,,,!
現在D公司真係變態.....!
全世界都知巴士車長工作是壓力好大的行業,
D公司好應該幫車長減輕工作上的壓力.....
但相反不斷俾車長不同的壓力....!
遅早有一日車長們頂唔順發起大罷駛...!
...

司機位裝鏡頭心理上當然唔太好受,但當有任何事故發生,
呢個鏡頭對車長就係護身符,起碼有video做證據,好過以
前口同鼻坳,所以無需太擔心,基本上條片唔會囉出黎,除非
有需要時先囉去播,情形好似飛機都有黑盒錄低機師談話一樣

原帖由 tomchen 於 2008-2-18 23:04 發表


當公司越大，顧員數目越多，要求員工o既紀律性就越大，
邊間公司都係一樣，商業社會就係咁，唔係點管得好咁多人？

很奇怪，小弟有個係城記做既師兄話係站頭，非載客情況下"手禁"其他牌出來係冇做錯，而且可以知道電牌其他資料是否
正常地顯示出來，方便Port 車通知有關部門維修，同埋可以訓練正確地使用電牌控制器去顯示其他路線(例如入Code)


小弟咁講並唔係鼓勵巴迷去叫car佬去"手禁"其他牌來影相

影個司機有鬼用咩....!
不如影出面的車好過啦.....!
好多時出意外都係其他車(特別是細過巴士的車)突然cut線造成....!
假如放車頭的話,相信全港最少有三分一的車會被告''不小心駕駛''...!

至於玩電牌問題,
如果是車長們之間交流練習(有d車長未必識用),或者試牌的話應該無問題...!
但如果因為巴士迷為咗影相要求車長做的話就有問題.....!

原帖由 CPY 於 2008-2-19 17:14 發表
當日有份要求搞牌95、110和970的巴敗很明顯觸犯法例，
如果剛巧有警察在北角百福道總站的話，就算不坐監都要罰錢吧？
如果你是車長，不妨抽少少時間背起這條法例吧！

以上內容，有錯請指正！

不如你落去北角執勤,
見到有咁既情況就影低佢
跟手...報警
下屆良好市民獎你實有份

[ 本帖最後由 bjns 於 2008-2-19 17:38 編輯 ]