[裝修進行中] 觀塘站D出口

原帖由 TL 於 2008-2-16 17:26 發表
觀塘站近D出口的裝修工程隨昨晚 (15/2) 點點綠的搬遷正式
全面動工, 估計繁忙時間該處將會出現嚴重擠塞, 敬請行人提
早出門, 以免影響行程. 同時行人在路程中須保持忍讓態度! (一笑)

講番正經:
唔知D出口整好之後係咪好似A出口咁款呢, 係就真係唔得佢死喇!
亦唔知C出口果度咁闊落, 第時會唔會整多D舖位呢?
有冇板友有觀塘站裝修完成後既平面圖? 唔該晒!

小弟反而認為，A 出口果邊的情況反而有改善。
以往入站後，要刻意轉入少少才會進入車站範圍，永遠會造成嚴重樽頸情況。
現時，人流只須入站後直行，便可到客務中心。

[ 本帖最後由 dennis28a 於 2008-2-16 18:20 編輯 ]

原帖由 TL 於 2008-2-16 19:23 發表

噢......小弟持相反意見.

次次由A1或者A2出口入站, 行過晒商店之後全世界要一齊轉左先行得順,
一有人唔照住做要即刻停步, 相反方向客務中心條隊總係覺得阻住條路!

出入apm個位中間有條粗柱阻隔, 出入apm行人往往利用出閘機果邊進出,
所以我寧願行多兩步用走廊果邊出入站, 費時同人撞!

無錯，我都覺得個客務中心有一定的問題，為何索性不重建。
不過，現在至少將買飛既人流移走左，
反而人流實際上無以前咁塞。