天水圍改名添瑞圍

原帖由 cruisesnet 於 2008-2-17 23:03 發表
全線港鐵路線圖又要換過....

巴士路線圖,熱線電話錄音,巴士站牌...
全部都要換過哂

原帖由 JX9097 於 2008-2-18 01:40 發表

巴士路線圖,熱線電話錄音,巴士站牌...
全部都要換過哂

點只......

仲有政府部門 / 公司信紙、大廈門牌、水 / 電 /
煤氣 / 電話費單、路牌等全部都要換哂。

真係多此一舉！

原帖由 DM17 於 2008-2-18 01:16 發表
乜原來o黎真架?

衰d講句
你改個幾好意頭既名都好,
入面班友咪一樣日日坐定定等拎綜援?

與其哂錢做埋哂d不設實際既野
不如改善下入面班友既公民質素仲好啦 ...

未必，報章話只係好大機會改名添瑞圍，雖然我覺得好大機會
會被元朗區議會通過，但只係大機會，唔一定的。

其實大家有冇諗過, 點解改 "添瑞圍" , 而唔改其他名?

用廣東話黎講, 大家會發覺
"添瑞圍" 3字, 比"天水圍" 難讀,
既不順口, 音調亦無咁好聽

發叔係操客家話的
如果呢度有板友識得客家話
你地會發覺, "天水圍" 與 "添瑞圍"
只有 "天"字 與 "添"字 讀音有很少很少的差異
"水" 同 "瑞" 係客家話中,  讀出黎直情係一樣音的

我諗大家而家明白, 點解要改成 "添瑞圍" 呢個又老土又唔順口的名字啦


小弟是天南居民, 本人是投下反對票的
改名, 就能解決天北的種種問題?
改名, 勞民傷財, 無實際作用
仲有, 要改名, 唔該一人一票問過天水圍新市鎮內30萬居民先

點解而家一個鄉下佬, 話改名就改名?
而家搞到好似發叔一個人玩晒咁

發叔, 天水圍唔係屯門呀, 唔係比你咁玩架
不如改 "天水圍" 做 " 旺發圍" 呀笨
夠晒旺啦, 旺劉皇發呀嘛......

原帖由 kmb~mcw1 於 2008-2-18 17:22 發表
我覺得一旦天水圍改名的話
有好多野要改，例如屋名
例如
天耀--->添耀
天恆--->添恆

改名之餘仲要個屋名不好聽。

不如縮小天水圍區範圍
再擴大洪水橋/屏山範圍
可以不駛坳改名問題

建議天水圍拆成三個區
例如:
天水圍南改為洪水橋/屏山區，原因是天水圍南接近洪水橋/屏山區
天水圍北改為濕地區，原因是天水圍北較接近濕地公園
天水圍中維持不變(即是仍然叫「天水圍」)

其實, 從來無人話過, 改分區名要改埋屋邨名的......
當然, 亦有改埋屋邨名的可能性

仲有, 現時天水圍是沒有中區的
只有南區與北區, 以天華路為界

原帖由 AVW56 於 2008-2-18 17:10 發表
其實大家有冇諗過, 點解改 "添瑞圍" , 而唔改其他名?

用廣東話黎講, 大家會發覺
"添瑞圍" 3字, 比"天水圍" 難讀,
既不順口, 音調亦無咁好聽

發叔係操客家話的
如果呢度有板友識得客家話
你地會發覺, "天水圍" 與  ...

改叫金錢圍仲好

真係佩服呢一班食飽冇乜痾既人
實施呢項高智能既舉動,只會令香港貽笑大方

除左多餘都唔知講咩好；

一日唔搞好新移民同埋區內問題，
就算改名叫做銅鑼灣情況都係一樣。

我自己認為係多此一舉的, 以為改一改名就可以解決到問題, 那未
免太過天真了, 現在需要的係解決區內問題.  區內問題並唔係隨隨
便便禁改一個名就可以, 而係需要政府從政策係唔同方面著手. 認
同gakei兄所講, 要發生總會發生, 唔會因為改左個名就唔會發生,
個人認為天水圍的問題最好的解決方案是政府從政策方面著手, 唔
好比一些人日日只係坐係度白吃白喝好過.

另一方面, 如果改名, 禁全港同天水圍有關的東西都要改, eg 港鐵路線圖,
路牌, 網頁等等. 這樣改名, 勞民傷財之餘, 可以話沒有什麼成效可言, 實在
是浪費人力物力時間. 與其浪費時間係呢一方面, 不如諗下有什麼實際的方面
去幫佢地好過.

如果到時真係改名, 恐怕各大機構, 政府部門的工作量增加; 因為要將地址改成
添瑞圍, 而且呢個名真係比天水圍難聽好多.

(以上是個人意見, 如有得罪, 還望各位師兄師姐見諒. )