大家會否原諒陳冠希？

咁點解陳冠希一開始要走.....

陳冠希出來承認"大部分"相係佢自己拍攝, 某程度上又再一次"傷害"了果位"天真"的女星...間接承認了D相是真的,不是某女星透過經理人公司報警表示d相是"移花接木",再一次使人想起該女星的虛偽

天真同好傻? 虛偽同謊話連篇就真 , 請問作為小朋友偶像的某女星, 妳如何再面對他們? 小朋友是不是要以妳說謊做榜樣?

我唔太認為陳生的道歉有咩用, 佢早兩星期就應該出來認啦, 件事就唔會攪到咁大, 不過總比某女星的"天真論"似樣的 - 最討厭的不是濫交, 而是虛偽

同一日,兩個記者會, 兩個新聞男主角, 一個承認(拍照), 一個唔認(賣國), 好強烈的對比~!

原帖由 epsilon 於 2008-2-23 13:22 發表
咁請問點解你覺得永久退出全世界所有娛樂圈就係有誠意既道歉？
ｏ係冇人提出過佢退出娛樂圈呢個概念之前，你覺得佢點樣做先叫有誠意？

如果佢從商／做慈善／加入名流／投身非政府組織．．．而又出現ｏ係大眾眼前，
係咪都唔夠誠意，佢要一世隱居先夠誠意？

咁不如答我點解會有"香港"係"娛樂事業" 前面?
斷估唔會話比我聽係撞彩卦.....

學你口吻一樣,
無人話佢從商／做慈善／加入名流／投身非政府組織係唔夠sincerity
我個focus point 係 加"香港" 係"娛樂事業" 前面既背後動機...
咁講真佢咁講 唔使咩從商／做慈善／加入名流／投身非政府組織,
淨係佢係Hollywood, 甚至大陸台灣開concert 出cd 都話唔到佢.....

唔爭在講埋:

原帖由 epsilon 於 2008-2-23 13:15 發表


就他人身世、體形、外貌而作出嚴厲批評，係歧視，
就他人為人處事既態度而作出嚴厲批評，係有的放矢，
呢個分別你明白嗎？

唔通一個sorry 就係有為人處事既態度?
我只覺得呢d concept 真係同Gillian 所講一樣: "很天真很傻"....

[ 本帖最後由 teddybus 於 2008-2-23 16:19 編輯 ]

其實我真係好想問句
佢地應該點做
至可以消各人對佢地既心頭之恨
係咪要用埋「武士道精神」先得呢？

今日我睇過報紙
話廣管局同電視台唔接受有關對阿嬌出鏡既投訴
竟然會有人話點都要投訴到底
仲揚言話要拉banner去電視台

人地上「勁歌」你嘈就算喇
但人地做慈善節目都要嘈？
人地呼籲你地捐錢o者
點解係要將「壞形象」、「虛偽」擺埋出黎呢？
你最多見到佢咪唔睇唔捐錢囉
使唔使咁都投訴先？

真係恕我得罪講句
果d 人究竟想點先？
有個就想重頭黎過
另一個就直頭要歸隱
咁仲想佢地點先？

夠喇...都批評左佢地成個月喇
係要咒罵既乜都夠皮啦
就算係要罵佢地教壞細路
我覺得唔係要鬧佢地囉
你係鬧係咪要鬧登佢地d 相
同埋用佢地d 相黎大造文章果班傳媒丫
一個除左斷人米路之外
仲分分鐘搞到人地連命都冇
另一個就響人地個傷口度灑咋鹽
登人地d 相不特止
仲要大造文章
佢地既行為我覺得同發相果班人一樣咁可惡囉

其實上面某d板友既view同我既睇法都係差唔多

我唔會話原唔原諒edc
因為由此至終我唔係呢件事受害者
而小弟我根本冇資格去做法官
話佢既行為值唔值得原唔原諒

只可以講既係
我好appreciate佢呢個press con
姑勿論edc有冇heart去apologize都好
但起碼內容上,或者成個press con既components
俾我既感覺係有誠意去為呢件事作出交代+承擔

相比起edc,另外一個受害人既press con就好明顯係極冇誠意之作
天真同傻呢d帶大家遊花園既說話
俾人個感覺係冇誠意...
用呢d字眼俾我個感覺係好輕浮
令我覺得佢影呢d相完全唔係出於佢自願咁
即係佢有意將個責任推番落edc度(可能出於商業既考慮掛)

總之睇完edc既press con,就更加覺得果位女受害者果然係"偽人"
毫無勇氣去承擔
講完

[ 本帖最後由 AL_29 於 2008-2-23 21:29 編輯 ]

就番另一位「受害人」響記者會既表現
事實上... 又係似乎輕鬆得滯
話哂呢件事都唔惹少
分分鐘係影響佢既事業
所以佢既態度嚴肅番d 會比較好
佢講自己「天真」唔緊要
但係佢既態度
卻俾人覺得冇乜誠意承擔責任
(呢個都係睇番佢果日既表現黎作評論)

不過呢...佢出黎講總好過唔出黎
至少佢出黎講野確係要d 勇氣
你估呢d 係馨香野咩
佢肯走出黎面對大家都算係咁啦

原唔原諒的問題
不如先問下俾佢搞完的女士肯唔肯先

我地呢 D 局外人, 根本都扯不上任何關係
還談甚麼原不原諒

原帖由 teddybus 於 2008-2-23 16:13 發表
咁不如答我點解會有"香港"係"娛樂事業" 前面?
斷估唔會話比我聽係撞彩卦.....

學你口吻一樣,
無人話佢從商／做慈善／加入名流／投身非政府組織係唔夠sincerity
我個focus point 係 加"香港" 係"娛樂事業" 前面既背後動機...
咁講真佢咁講 唔使咩從商／做慈善／加入名流／投身非政府組織,
淨係佢係Hollywood, 甚至大陸台灣開concert 出cd 都話唔到佢.....

我係問緊你點解佢留ｏ係香港以外既娛樂圈就係冇誠意，可惜你就遊花園。
佢對香港以外既娛樂圈有乜野損害，令佢唔退出唔得？
假設佢真係退出全世界既娛樂圈，點解你就覺得係有誠意同負責任？背後一定有個原因，唔係隨口講下，我幾想知道。
我提出從商／做慈善／加入名流／投身非政府組織．．．係想理解一下你對佢退出全球娛樂圈之後，
一旦參與有曝光機會既其他行業時有乜野感受，因為我覺得你要佢退出全球娛樂圈係想佢ｏ係你眼前消失？

原帖由 teddybus 於 2008-2-23 16:13 發表
唔通一個sorry 就係有為人處事既態度?
我只覺得呢d concept 真係同Gillian 所講一樣: "很天真很傻"....

你搞錯左啦，陳冠希同鍾欣桐兩個人都出黎表示歉意，呢部份打和，
但分別在於一個敢於面對責任，另一個冇誠意兼虛偽，呢一部份就係鍾欣桐為人處事態度差既証明，請你搞清楚。

原帖由 cky 於 2008-2-24 02:04 發表
原唔原諒的問題
不如先問下俾佢搞完的女士肯唔肯先

我地呢 D 局外人, 根本都扯不上任何關係
還談甚麼原不原諒

我一直覺得部份香港人會唔會太自我中心了一點？
如果人地拍不雅照片影響到你, 道歉係應該,
大眾亦有權去決定原唔原諒人。

但如果對大家乜野影響都無,
究竟有咩理據容許大家去定一個人罪？

正如隔離屋老公偷情, 人地公開道歉,
大家要道德公審一回事, 但原唔原諒人應該係人地老婆決定。
家陣竟然係陳、李、張、黃、何師奶話原諒/唔原諒人,
會唔會有點兒本末倒置？

原帖由 北角---九龍城 於 2008-2-23 15:28 發表
咁點解陳冠希一開始要走.....

我諗果陣時真係好多人要搵佢
但搵佢既目的
亦未必淨係要佢搞清楚呢件事咁簡單
所以佢最初既情況
佢一出黎就分分鐘對佢生命受到威脅
你估佢真係唔驚既咩...
所以佢一開始就遠走他方
其實都可以話係「逃亡」

就算要佢出黎講野
至少都要做好保護自己既準備丫...

(註：我並唔係為Edison辯護
我講既野只係人之常情)