無左朱古力脆筒 ...

呢排天氣先暖返d., 今日諗住食 m記朱古力脆筒 ...
點知無左..原來.....

請問是否全線無晒了?

係幾時開始 無ga?

我覺得幾可惜, 雖然整的過程, "意外率"好高, 無都正常...

我見到有d職員整好個雪糕之後將chocolate林上面
亦見過成個浸落去

... 係咪因為後者做法容易失手?

哎呀, 我好鍾意食朱古力脆筒架, 唯有捱新地了, 貴成倍

原帖由 2ac 於 2008-3-3 10:57 PM 發表
我見到有d職員整好個雪糕之後將chocolate林上面
亦見過成個浸落去

... 係咪因為後者做法容易失手?

哎呀, 我好鍾意食朱古力脆筒架, 唯有捱新地了, 貴成倍 ...

其實只要係員工斟雪糕無偷工減料，
同埋卷得夠直，
成個浸落去成功率都好高。

講起朱古力脆筒，好想講下我的一次經歷

係好耐之前朱古力脆筒同埋新地都係賣緊 $5 ge 時候
我有一次貪得意去食脆筒，個職員整左 2 次都失敗（浸）
第 1 次失敗：成個雪糕跌落朱古力漿裏面
第 2 次失敗：浸完朱古力成個雪糕跌左落地

之後出動埋經理幫手，點知都係失敗，又係成個雪糕跌左落地

最後浪費左 3 杯雪糕，搞左 5 分鐘
個經理同我講：sorry 整唔到，要唔要食朱古力新地
咁我就是但食左個朱古力新地

食緊個新地時，feel 到 D 雪糕好似融融地
唔知係唔係雪糕唔夠凍搞到失敗左 la

原帖由 GA5505．六小孩 於 2008-3-4 12:51 AM 發表
食緊個新地時，feel 到 D 雪糕好似融融地
唔知係唔係雪糕唔夠凍搞到失敗左 la

新地果d朱古力醬係熱熱地的，
所以整融d雪糕都唔出奇。
除咗d雪糕唔夠凍外，
仲有可以係整脆筒果d朱古力醬放晌室溫太耐/用得太多次，
導致d朱古力變咗質。

原帖由 2ac 於 2008-3-3 22:57 發表

我見到有d職員整好個雪糕之後將chocolate林上面
亦見過成個浸落去

... 係咪因為後者做法容易失手?

我買朱古力脆筒0個陣係見到職員就咁將
D朱古力漿淋雪糕度，不過呢個方法就搞
到我「呢咁 hea」，因為D 朱古力漿不斷
流落我隻手度......

其實我覺得後來變左$3.5都幾抵食, 所以我都間唔中買
冇左真係可惜, 而話整得唔成功可能d雪糕本身唔夠凍啦
我有次響荃灣買, d雪糕好凍, 睇見職員本身整左個雪糕
都非常直, 可見雪糕好凍, 個頂真係尖果隻, 跟手浸埋落
朱古力漿, 出黎效果真係同官方相差唔多, 整得好靚, 買
咁多次最好睇就係果次啦

原帖由 dennislokawai 於 2008-3-3 23:24 發表
其實只要係員工斟雪糕無偷工減料，
同埋卷得夠直，
成個浸落去成功率都好高。

無錯...只要成個過程冇「出錯」
理論上都唔會失敗

p.s.小弟都試過食一支斜咗成廿幾二十度嘅朱古力脆筒

原帖由 JX9097 於 2008-3-5 19:20 發表


無錯...只要成個過程冇「出錯」
理論上都唔會失敗

p.s.小弟都試過食一支斜咗成廿幾二十度嘅朱古力脆筒

呢隻筒都要睇下職員手勢, 我阿妹做過M記
佢話試過整都唔成功, 同埋覺得好難整, 所以佢都好怕有人叫
脆筒, 有人叫的話佢實會叫其他人幫手, 佢仲話好多後生既職員
都唔肯面對脆筒 當然呢d只係人既問題啦

原帖由 葵盛東居民AMN36 於 2008-3-5 09:38 PM 發表
呢隻筒都要睇下職員手勢, 我阿妹做過M記
佢話試過整都唔成功, 同埋覺得好難整, 所以佢都好怕有人叫
脆筒, 有人叫的話佢實會叫其他人幫手, 佢仲話好多後生既職員
都唔肯面對脆筒 當然呢d只係人既問題啦 ...

隻脆筒一出時我都晌麥記做，
的確好蝦人整，
正如我之前提及到，
除咗員工因素 (偷工減料、斟得差、貪快)外，
用料本身 (如雪糕夠唔夠凍、朱古力醬有無雜質等)都好決定個脆筒成唔成功。
不過講真，
當時好多員工真係好憎/怕整脆筒。

P.S. 果陣仲有挑戰59，通常整親脆筒都係挑戰失敗的~~~