我們一起努力步向成立巴士博物館吧(第二編)

我們一起努力步向成立巴士博物館吧(第二編)
香港政府投放在博物館的資源確實不少，但係使用率就相當低
香港醫學博物館/香港懲教博物館/香港文化博物館/香港鐵路博物館
上 民俗文物館/三棟屋博物館/屏山鄧族文物館/香港電影資料館
香港藝術館/茶具博物館/羅屋民俗館/李鄭屋漢墓博物館
香港海防博物館/香港科學館/香港太空館/香港視覺藝術館
香港文物探知館/孫中山紀念館
葛量洪號滅火輪展覽館
使用率低的原因是什麼？
宣傳？
開放時間?
沒有商業合作空間?
公務員制度/非技術性的開放展覽館場地工作應否外判?
沒有停泊旅遊巴空間?
我的個人意見如果政府真的批出一幅近郊工業邨的工業地(如果大家肯受委屈屯門環保園適合重型車輛行駛可以考慮之列)作巴士博物館用途，可以考慮「海洋公園」的管理模式營運，大家不須嚇壞我無意辦一個巴士公園出來，因為肯定「胎死腹中」或「摺硬」。
成立一個由專業人仕/民間組織/政府官員策劃的「委員會」注入商業管理方式如:多用途博物館建築設計:
這一筆錢必須政府承擔假設博物館失敗也有靈活性轉換性，我建議大家可以去將軍澳工業邨「惠康」凍倉睇睇，這一種建築物改建靈活性大又起得快，保留一定的空曠地方平日可以出租給商業用途如汽車拍攝推廣
人力資源商業化:
「海洋公園」唔會放公眾假期
交通配套方面:
由於多數近郊加上每年總是有一些健康的專利巴士退役「委員會」可以向有關當局相討有關修例事宜。
[img]http://www.hkitalk.net/HKiTalk2/[/img]

減低風險盡量外判:
零售紀念品/食品唔應該直接參與但可批出有關專利和分脹
招攬博物館之友:
九巴之友/消防大使/少年警訊/交通安全隊 這些都是值參考的組織，他們當值時由於不需穿着制服也是最理想的「輔助便衣警衛員」
大家睇完上述資料對於成立巴士博物館有任何回應本人都十分歡迎，希望你的回覆會成為本帖目錄中的其中一個「最佳回覆」啦

敢問樓主你貼呢篇文出黎既意思係咩呢?

雖然外國都有起巴士博物館呢樣野，但呢個方法套用起香港唔係咁可行

況且本身香港已經地少人多，無咩地方可以起你所謂既巴士博物館

同埋呢d野要用錢起同維修架，唔通納稅人會同你咁放錢落去起咩....

我勸樓主都唔好諗埋d不切實際既野啦...




[ 本帖最後由 VOLVO‧MV6593 於 2008-3-4 21:56 編輯 ]

朋友, 你要明白, "只要有夢想, 凡事可成真" 在合適的環境, 條件和資源配合下才有希望達成,
不是在這裡空有一大堆 "理論和資料", 在 B2 版寫到被鎖, 繼續寫到這版說項就可以博得掌聲和支持....

如果閣下有錢;有地;有面;有心;有力.... 大可以自行成立 "巴士博物館" - 買舊巴士, 請人, 整車, 保養, 展出..... 收入場費, 自負盈虧, 無需政府支持!

係, 香港轉變得很快, 不過 "保留集體回憶".... 等情感不可以無限擴大...

閣下保留了不少舊剪報, 相信也有留意:
約八年前, 新巴的關先生曾公開表示, 希望政府能開設 "巴士博物館", 更先行保留了多部前中巴九巴.... 但為何開不成?  請您先問問關生.
(據說 Daimler A - 4212 全車被翻新, 本來是作捐贈之用... , 現在批車的下場如何, 我也不想多說... )

您知不知道, 一部巴士的日常維修及停車開支要多少? (已經不計牌費, 燕梳等要出牌營運的成本).
鐵路博物館如果不是康文署管理, 九鐵 (現在港鐵) 支持, 可能一早已支持不住.

講真, 曾幾何時, 我也想過:
如果我有錢, 足夠買起中巴, 就會買起柴廠, 希望現在僅存的中巴可以 "歸家及安老"... 樓上展出已整好的巴士, 地下車坑維修巴士.... 是個活的, working museum..... 哈哈!!   

ＯＫ, 講完, 發完夢了;  
朋友, 請您也醒醒吧!

[ 本帖最後由 DD2113 於 2008-3-5 00:27 編輯 ]

其實樓主不如透徹地了解下外國既巴士博物館既營運狀況,特別係營運經費,開支等)才考慮下香港得吾得,又或者比較下香港鐵路博物館,(其實係邊個比經費?)

我只知道買車易容,但養車難,,其實買部舊巴士有幾貴, 呢度有大把版友都買得起一,兩部啦,  我只知道假如真係成立左, 只靠入場費應該都不足以為持日常開支......
(就算我係巴士迷,最多都一年去幾次都算多了...)
請恕小弟無知, 我只知   "NO MONEY ,NO TALK"
所以樓主真係想的話,應該找個大水喉先,
但樓主肯這麼落力,,我同我D巴迷朋友都會感謝你, 加油!!!!!

原帖由 VOLVO‧MV6593 於 2008-3-4 21:49 發表
敢問樓主你貼呢篇文出黎既意思係咩呢?

雖然外國都有起巴士博物館呢樣野，但呢個方法套用起香港唔係咁可行

況且本身香港已經地少人多，無咩地方可以起你所謂既巴士博物館

同埋呢d野要用錢起同維修架，唔通納稅人會同你咁 ...

我又覺得，人地貼呢篇文出黎，你又使唔使踩到咁行，唱到咁淡呢？

地少人多？市區就係，一個有獨立思維能力既人應該有批判性思考，唔係
小學社會話香港地少人多，就等如香港一定地少人多架喎!

用錢係問題，可能對你係大問題，我又覺得閣下唔需要硬搬你自己把尺度人地，
唔俾人地一千幾百億未開頭？

人冇夢想，同條鹹魚有咩分別呀？

頭先我語氣重左d，係度講聲唔好意思...

但諗深一屠，起巴士博物館唔係話無可能
但係現實當中，可能有d困難

困難包括：資金預算，搵土地等等

但起好之後，你要諗下營運經費，開支預算等，仲要為d巴士定期進行保養
做之前應該諗下自己能唔能夠負擔得起

我建議樓主做之前不妨參考下外國既經驗先再諗啦

但我都要讚賞樓主對巴士既熱誠...

[ 本帖最後由 VOLVO‧MV6593 於 2008-3-4 23:55 編輯 ]

生有限，活無限，要一部巴士永久生存在世上是沒有可能。
可是，要活在我們心中，卻是一件不難的事。

現時要在香港做實體的巴士博物館是難，但軟件性的博物館也許可以成事，建議樓主可用其它的方法做博物館。例如剪報方面，像樓主這麼早就起步的是很少有，只要繼續保存下去，就是一間博物館的分區了。
一間博物館不求精，但求博，樓主不仿，去做另類的主題，例如錄引擎聲，拍片等，務求令舊巴士的資料出現，隨時活在人們心目中，那才是最佳的博物館。
(當然影相就不需要了，因已經有好多人做。)

經過大家的討論，我都係死心啦！
但我還會發放新/舊報紙及十年前舊相，確實我都覺得有點「走火入魔」
但係真的有一個大家群策群力又有公信力的網上巴士記錄/資料館就好囉