我的自家Stagecoach車隊！！！(二手巴士特輯)

原帖由 3AD110 於 2008-3-9 00:03 發表
全部都係樓主自己上油呀?
好勁呀

係呀，全部小弟逐架上油，有D冇產底就上油，大部份都係產底上油，咁好多車都油過幾次，最多果部係油過七次！
Anyway，謝謝哂你既讚賞！

謝謝哂咁多位版友既讚賞！

第二回.........
今次同大家介紹小弟Stagecoach既車隊一D改裝既巴士，當中包括有三部開頂巴士、一部短陣富豪、一部掛接平治、兩部駁陣天然氣猛獅、三部小改既富豪B10M等等........

翻新中的假泰坦開頂.....


跟住就係一部由10cm長既假富豪改短成8.5cm長，個車身用鋸，車廂用發熱線cut，車窗用透明膠片貼上，中間條痕麻麻地明顯，跌過一次落地，冇散到，第二次就散左喇，哈哈.........

掛接巴士，由兩部飛鏢整成，大家最感興趣應該係中間個風琴，我諗你地會失望，果塊係錫紙整成，錫紙入面係由兩條鐵線屈成兩個扣，互相扣住，未試過甩開，不過個風琴就真係脆弱D喇........

繼續，由一部Tomy Aero Star巴士駁陣而成既MAN NL263 天然氣版本，不過車頭係單門，中間車身用硬膠片接駁，車廂入面再有膠片痴實，車頂所謂既天然氣缸用雪條棍加膠片切成，主要係用黎作為車頂既接駁，節省好多功夫，車廂入面有扶手有新安裝既坐位，車窗都係透明膠片，界準尺寸之後，用白膠漿封番D空隙，乾左之後，既係透明，亦痴得實，只要唔好出力禁D窗，佢係唔會甩..........


最後係富豪B10M，包括係廂入面加左個廁所，車身就右邊加左隻中門，車尾改動最大，因為原裝車尾好樣衰，於是都係用膠片"填密"車尾，留窗，磨平D尾燈，換新既上去，咁整未必係好靚仔，但係小弟覺得絕對好過原裝車尾.....


下次介紹小弟自家既廣告巴士！！！
多謝觀看！

架長tomy令我諗起tomica long
如果tomy肯再出就好

第三回.........
今次同大家介紹小弟車隊入面既廣告巴士.........
小弟曾經貼過既車身廣告(全車身同非全車身)真係無數咁多，單係全車身廣告已經貼過近60多個，全部由小弟自家設計.........
貼全車身廣告分兩個模式，一個係全部剪貼，一個係半油半貼，所有圖案、廣告內容全部都係我港巴士無既，只有小弟車隊至有，廣告全部來自街邊既宣傳單張，通常我都係按幾個條件去選擇宣傳單張係咪適合貼上部咁細既巴士度......
第一，有冇靚女.....哈哈，好多時貼D廣告似賣個女明星多過似賣個產品.......
第二，size岩唔岩，通常只有太大先唔揀.......
第三，幻想個廣告貼左之後靚唔靚.......
D廣告通常我都冇話限定幾時落畫，有時有新廣告就換畫，有時悶悶地又落畫翻油部車，有時覺得個廣告做得麻麻地又落畫，有時覺得靚就保留，有D貼左幾年先換，有D直頭唔換..........
曾經貼過既產品包括.m&m, 國泰, 合味道, KFC, 麥當奴, 酒樓, 健康飲品, 按摩椅, 電腦............好多好多........全部用雙面膠紙、界刀同較剪搞掂......
另外，小弟每年亦會自行設計生肖廣告，係由龍年開始，不過龍年同猴年都落左畫，保留左雞、狗、豬同今年老鼠，生肖廣告全部都係油上去，隻動物就貼上去，雞年巴士隻雞來自"吉之島"、狗年巴士隻狗來自"7-11"、豬就來自"惠康"、鼠就來自"SOGO".........
咁小弟亦多次自己設計廣告送比朋友做生日，上面印住朋友個名，我D朋友好鐘意架.......
最陣容鼎盛既時期試過前幾年全車隊三十幾部巴士，二十幾架上左廣告....
所有廣告落畫之後唔貼廣告，就要產底再上油.....過得一排，又再貼過.......
咁而家比大家睇睇小弟近年一D劣作啦........
生肖廣告........
雞年


狗年



豬年

鼠年



阿森一族


北京奧運





其他產品及明星
見唔見林志玲???

小弟最愛.......黎姿

日本明治健康飲品

胸圍廣告

送比朋友做生日禮物既巴士(唔只咁少)





下一次，將會介紹埋餘下一D所粹既巴士，同埋工程車輛
多謝觀看！

你的車隊很靚, 又多自家野.
d廣告車都好靚woo,
遲d等我都share d俾大家睇先

[ 本帖最後由 lch 於 2008-3-12 01:51 編輯 ]

你上d色好靚呀....
好鍾意b10m個尾

原帖由 lch 於 2008-3-12 01:46 發表
你的車隊很靚, 又多自家野.
d廣告車都好靚woo,
遲d等我都share d俾大家睇先

呢位版友，快D post上黎啦，大家交流下，我都想參考下其他人既車隊！！！

原帖由 fv682 於 2008-3-12 13:55 發表
你上d色好靚呀....
好鍾意b10m個尾

謝謝你既讚賞！

最終回
尋日加盟小弟車隊既其中兩部新車.............另外仲有一部Tomica珍寶，一部Matchbox泰坦，同一部三叉戟.......


好！介紹埋餘下一D冇改裝既車輛..........
首先有服務車輛

天然氣運送車..........此車出售，請發短消息自行出價

運油車.......

零件運送車.....



訓練巴士.......

咁亦都部份巴士係完全冇改動過任何野既........

下面銀色巴士出售，請發短消息自行出價


另外亦有一D係小弟車隊以外既車輛.....
下面七幅相既車輛全部出售，請發短消息自行出價




(消防車........Hold)







(黃色巴士...Hold)






最後，多謝哂各版友既支持同回覆，同埋你地既評分，評分版友包括(不分先後)Seiko， nwfb1001 ，smal，365。FS2231 ，HY4099，今次係最後一回，希望你地都post你地隊車隊比大家睇下啦，多謝哂，多謝.........












多謝觀看

[ 本帖最後由 isws 於 2008-3-14 18:52 編輯 ]