無禮的司機

今日(13/3)，晚上八時左右，我搭36B在業成街下車，本來就咁打算行番去石籬。點知落車後，見到後面跟住架35A，我又累累地，是但啦上車。

點知上車後，司機話：「做乜o係度轉車呀？係轉車去打磚坪街啦，阻住晒。」我o個時好累，冇乜反應。當然我非常不滿o個位司機的服務態度啦。什麼態度？你開架巴士，我係乘客，邊度上車，邊度落車係我自由，又冇明文話呢個站唔俾上落客，你憑什麼罵我轉車位置不當？

如果你搭36B轉35A, 我會建議你響華員村或者打磚砰街轉
我覺得鍾山台同業成街轉車都有一定危險性, 如果天黑的話
你企鍾山台真係分分鐘睇你唔到, 華員村多線選擇, 又多數有
人落車, 響果度轉車比較好, 而業成街, 我次次都覺得埋完站出
站都有一定危險性.....
至於你呢個情況, 車長的確有點兒那個......你會否考慮投訴?

原帖由 葵盛東居民AMN36 於 2008-3-13 20:52 發表
如果你搭36B轉35A, 我會建議你響華員村或者打磚砰街轉
我覺得鍾山台同業成街轉車都有一定危險性, 如果天黑的話
你企鍾山台真係分分鐘睇你唔到, 華員村多線選擇, 又多數有
人落車, 響果度轉車比較好, 而業成街, 我次 ...

我冇打算投訴，佢都係打份工o者。撞正個司機心情唔好，我黑仔囉。
因為我本來就冇諗住要轉車，只係落車後，見到架35A跟住後面，懶得行，咪遞手囉。

不過無啦啦搭車都俾人罵，就覺得好唔抵喇。

原帖由 choikatinno 於 2008-3-13 21:44 發表


我冇打算投訴，佢都係打份工o者。撞正個司機心情唔好，我黑仔囉。
因為我本來就冇諗住要轉車，只係落車後，見到架35A跟住後面，懶得行，咪遞手囉。

不過無啦啦搭車都俾人罵，就覺得好唔抵喇。 ...

如果個個都有你既諗法, 做車長的確少好多壓力
咁只好話你今日唔好彩啦

其實可以兩睇啦，一來車長認為你點解會係這個站轉車，
提醒你可以在另一個站頭轉車，而兩架車亦可以縮短埋站時間。
(撇除有其他乘客上落車等因素啦....)

當然，車長未必知道你當時的情況, 所以誤會就係由此產生。

原帖由 Marlboro 於 2008-3-14 09:41 發表
其實可以兩睇啦，一來車長認為你點解會係這個站轉車，
提醒你可以在另一個站頭轉車，而兩架車亦可以縮短埋站時間。
(撇除有其他乘客上落車等因素啦....)

當然，車長未必知道你當時的情況, 所以誤會就係由此產生。 ...

淨係一句「阻住晒」就睇得出根本係個司機既態度問題啦。

誤乜野會呀？

原帖由 HY671 於 2008-3-14 10:58 發表


淨係一句「阻住晒」就睇得出根本係個司機既態度問題啦。

誤乜野會呀？

haha... 你又幾細心喎，睇到呢一句。其實個司機仲有 jip 我添囉，不過我冇打出來。
個司機o個刻係好唔想有人上車囉，明顯睇到。不過作為customer service的工作者，我覺得呢個司機要檢討下應該點樣對待顧客。你趕收工而對乘客亂發牢騷，絕對唔合理。

如果我係樓主，我都會體諒司機歸心似箭既心情，唔會投訴。

但係如果佢之後碌車既話，咁即係只係佢態度有問題，而唔係想快d收工，咁我就會port硬佢

佢鬧完樓主之後有冇玩碌車？

原帖由 choikatinno 於 2008-3-14 19:22 發表


haha... 你又幾細心喎，睇到呢一句。其實個司機仲有 jip 我添囉，不過我冇打出來。
個司機o個刻係好唔想有人上車囉，明顯睇到。不過作為customer service的工作者，我覺得呢個司機要檢討下應該點樣對待顧客。你趕收工而對 ...

如果佢係溫馨提示都可以算, 但睇得出佢當時講野語氣唔慌好, 唔投訴只係姑息佢. 你估今時今日仲係二三十年前, 巴士佬作為車長真係大晒呀?

原帖由 4056 於 2008-3-16 22:07 發表
如果我係樓主，我都會體諒司機歸心似箭既心情，唔會投訴。

但係如果佢之後碌車既話，咁即係只係佢態度有問題，而唔係想快d收工，咁我就會port硬佢

佢鬧完樓主之後有冇玩碌車？ ...

冇碌車，開得好快添o架，個司機真係趕收工嘛，都最後一單囉。