巴士司機單手駕駛有否違反任何巴士公司司機守則?

今日搭城巴77號線, 遇上一個名叫何偉x的司機, 佢令我完全回味中巴時代搭巴士的感覺。

在興東上車無耐, 位司機已經用超卓的技術咁將架巴士舞龍咁舞, 坐在巴士上層不斷
有左搖右擺的情況, 繼而是不斷大力踩迫停車的情況, 每到埋站或燈位要停車, 本人
都被剎車力而致上身有點向前傾, 坐到去炮台山而經有點悶悶的感覺。

位司機的匆忙除了在踩迫上反映出來, 在北角更因一架的士行得有點慢而不斷響按
催趕, 匆忙的程度有中巴司機趕收工時的影子。

在香港仔隧道內, 本人乘搭的巴士緊隨前面的72號線, 車距約是半架巴士距離,
搭到去香隧收費亭時我就往下層走, 此時巴士改用靠右的自助收費亭而超前那部72號。

不過最令我驚訝的係, 在落到樓下, 直到我在香港仔下車, 位司機有約五成行車時間係
有一隻手如下圖擺放, 我覺得咁樣係不安全駕駛, 但係就唔知咁算唔算違反巴士公司
的司機守則呢?

咁請問咩先叫安全駕駛??
乜野叫做"我覺得咁樣係不安全駕駛"??
你又有冇駕駛經驗??

p.s.:單手渣車係普遍到極既事,
而且副軑依然係控制範圍,
根本唔構成乜野危險,
仲有,對職業司機言而,
長時間雙手握軑會令雙臂疲勞,
咁做可以俾機會對手輪流休息.
如果咁叫不安全駕駛,
咁十個職業司機,九個都會食牛肉乾食到釘晒牌.
仲有,依家渣巴士搵食艱難,你仲將D雞毛蒜皮之事小事化大,
而大家都知到依個版咩人都會上黎睇,
你係咪想搞到人地全家渣兜先安落?

原帖由 ADS131 於 2008-3-15 23:09 發表
咁請問咩先叫安全駕駛??
乜野叫做"我覺得咁樣係不安全駕駛"??
你又有冇駕駛經驗??

p.s.:單手渣車係普遍到極既事,
而且副軑依然係控制範圍,
根本唔構成乜野危險,
仲有,對職業司機言而,
長時間雙手握軑會令雙臂疲勞,
...

首先聲明, 我係有車牌, 但係因為我唔係一位職業司機, 駕駛經驗唔係十分多。
我個人的駕駛時,  雖然唔會雙手放在十點同兩點位, 但係為防突發性事件雙手
都會放近軑盤。

個人覺得有一隻手離開軑盤, 萬一遇上跣軑或者要閃避物體, 一隻手未能足夠安全地
控制。

到你提到我所述的事情, 要是司機所做的巴士公司覺得無問題的, 又點會炒人呢?
如果有問題的, 都唔去提出指正, 係唔係等到有人發生意外先去指出那人駕駛有問題呢?

如果冇記錯，呢位師兄個老No好好記個播"15?5?"？！
對嗎？！

P.S.："?" = 都係同一個數字。

咁根據香港法例，除0左棍波車外，應該係唔可以單手駕駛

原帖由 nwfb23 於 2008-3-16 00:02 發表
咁根據香港法例，除0左棍波車外，應該係唔可以單手駕駛

可否告知那條例話除棍波車外不可單手楂車?
楂自動波車一樣需要左手去控制波檔,只不過
無棍波車要成日轉波

我睇唔係法例的問題, 而係駕駛態度的問題

好多學車的站友都知道
d 師傅實同你講兩樣野:
雙手放軚盤, 轉線/彎要打燈
又會話.. 你拎左牌之後呢兩樣野會好多時唔記得
但你考牌呢兩樣都冇做就一定肥緊

至於實戰經驗
好似我咁, 我都慣兩隻手放晌軚盤度
我只係見 d 司機一邊開車, 一邊食煙時
先至會用一隻手開車喎..

而且轉彎時, 軚盤本身的扭力也需要兩隻手去作為支持之用
單手.. 個人心理上覺得真係唔安全

另外我亦不同意有人指 "長時間雙手握軑會令雙臂疲勞"
你諗番學車時係點學?
捉實條軑, 但又唔係捉到緊一緊
所以, 手板部份的姿勢, 係應要做到長時間握而不會感到疲倦

原帖由 cky 於 2008-3-16 00:47 發表

而且轉彎時, 軚盤本身的扭力也需要兩隻手去作為支持之用
單手.. 個人心理上覺得真係唔安全

除非能拍得司機用單手扭軚轉彎，否則我覺特單憑這張相片
不能斷定司機是否真的會用單手扭軚轉彎....