隧道繳費一問

小弟在街上聽到有人講佢個friend係某日行經某條隧道時，係收費亭停前咗少少。停定後跟住佢倒後少少番俾錢，收費員截住佢部車，佢個friend聽到收費員同控制室對話。停咗一陣，收費員就同佢收番錢，亦冇工作人員問佢野，俾錢後放佢個friend走。

咁樣佢個friend會唔會有事?

會唔會被隧道公司再罰/扣分?

謝謝解答!

應該唔會掛~~~佢當時已經比返錢.... 如果仲有手尾跟, 隧道職員應該會同返司機講聲.......

會唔會佢係停前到衝過o左地面個sensor呢?

控制室知道o左, 就同個收費員傾番乜事

應該唔會.  早前發生過冇Autotoll 的車輛因誤入自動收費道, 在收費停前急停而引發的車禍後,

有報導指如因此情況, 或冇現金俾, 可以過左先, 並向隧道公司職員表示, 隧道公司會稍後發信叫車主俾番而已.

原帖由 DD2113 於 2008-3-22 23:31 發表
應該唔會.  早前發生過冇Autotoll 的車輛因誤入自動收費道, 在收費停前急停而引發的車禍後,

有報導指如因此情況, 或冇現金俾, 可以過左先, 並向隧道公司職員表示, 隧道公司會稍後發信叫車主俾番而已. ...

我在獅隧試過，誤衝咗Autotoll，就停埋一邊，有職員收返我8蚊，冇事。

曾經試過兩三次前面部私家車誤入 Autotoll 仲要停低左，差Ｄ撞左埋去～
前日仲要係有部私家車誤入 Autotoll ，過左 Autotoll 之後先停低等隧道人員過黎收錢，
好心就停埋一邊先啦！