亂 咁 鎖 人 ?

原帖由 EL6774 於 2008-3-27 21:10 發表

話說今日小弟同幾位友人係呢個位影呢部鎖扣龍 ...
好平常企定定 ... 毫無阻礙任何身型o既路人行過
當車到之前，有位呈啤梨身型o既「鳥龜」 ...

相信該警察誤以為你地影相係開閃燈
如果開閃燈ge....的確會影響駕車人士...包括學神

叫佢係我地影相既時候望住部相機就知我地有冇用閃燈, 加上應該係個別警察玩野,我今日係上水同粉嶺影相,大把警察行過,冇人話我

我係街度影相也試下俾警察問，不過佢地最多也是要求睇一睇我影左咩相，我通常息事寧人也俾佢睇睇，之後通常就叫我慢慢影，有些警察仲走埋來知我影巴士相仲同我傾兩句

我覺得唔關乜野差人針對, 或者法律唔比人在街上影車等問題.
差人針對可能係有, 見到你地唔知做乜咁企晒響度, 要搵人查牌問話既, 當然係會spot 到你地先啦,
但你地影開巴士, 都應該知道所謂既 "差人針對", 其實係好正常.......
就算自己未試過, 聽其他巴士迷/板友既經驗都知道, 好多都比差人逗過啦.......anyway, 且勿論這一點住.
反而, 我覺得今次既導火線係你友人只顧看sms 而敷衍個差人.
如果你肯認真誠懇咁說幾聲不好意思, 甚至再合作d 行遠少少既話, 正常差人都唔會難為你.
你如果咁堅持個企位, 咪等佢走遠少少, 先至企返去原本個位.
以我經驗, 如果你唔同佢合作, 你都唔會有咩著數.

再者, 如果個差人真係查牌累你影唔到, 你都係等多一轉而已..........
就算擇日再影都唔會花你太多時間, 你話部車行埋個轉就退役, 仲話會勞氣d jei,
而家架車又唔係聽日退, 37m 一轉又唔係耐, 影唔到咁等多陣lor.

當然, 一開始如果可以處理好差人這個問題, 就唔駛而家咁成肚氣.
好多時如果差人好落台, 大家都會好做d. 你可能會質疑為何我要俾面佢應酬佢.......
其實你係可以唔俾面佢, 唔同佢合作gar, 咪當場同佢嘈lor, 但唔著數既一定係自己.
反過來說, 你係差人, 你告誡完個靚仔但佢唔理你, 你都會咁鬧啦.........
一個奉公守法既青年人都唔聽你講, 仲點去查其他人既身分證呀? 係咪咁講先?

個人意見, 不喜勿回.

--------

至於話影響學神, 諗深一層, 其實可能怕你地影影下車突然走出馬路中心.
差人既告誡不無道理, 因此你可以保証到唔影響他人,
或者等多一陣, 影完就會馬上離開, 都可以係一個好既處理手法.
當然法律上係咪如差人口中所說則可以相榷, 但已經離題太遠了, 而且無助於解決此問題上, 不敘.

[ 本帖最後由 av220 於 2008-3-29 11:53 編輯 ]