粉嵿南巴士服務問題

前幾天坐278x，因為改道關係，去上水方向直入華明巴總而不經一鳴路，我直覺呢條路線非常好，其實去一鳴路d客全部在欣盛苑落車行番入去都唔係好遠姐，我都唔明點解經親粉嶺南
(270a去上水方向例外)都要w形咁行，真係好浪費時間。

此外，277x其實可唔可以唔入華明﹖70x係慢過277x，但係277x入左去又係慢左好多，如果
話要對華明客公平，咁277x不如入埋大窩西支路啦..........

其實你知唔知277x係粉嶺南有幾多人上車落車.......@@
如果有機會...你可以係平日早上繁時/黃昏,晚上繁時
係華明巴士總站觀察下277x有幾多人上車落車.......
仲有非繁時都係.....尤其係晚上非繁時往聯和墟,
係華明巴士總站係可以落左半車人

如果唔經粉嶺南
咁呢 d 區外線就一定唔會好似而家咁好客

原帖由 china 於 2008-3-27 23:23 發表
我都唔明點解經親粉嶺南(270a去上水方向例外)都要w形咁行，真係好浪費時間。
...

因為粉嶺南果一部份的道路設計/地區規劃有問題囉.
如果雷鳴路夠闊, 好似一鳴路咁可以做雙程路.
就唔駛攪到今日如此田地.
仲有就係呢類「日」字形土地規劃好不利現今的巴士路線規劃.
以前仲話可以只行中間大路, 去其他地區唔該落車步行.
而家區議會主導, 個個區都要樓下有站, 兜少一條都唔得,
有乜辦法唔死.
粉嶺南係咁 (一鳴路/百和路/雷鳴路),
將軍澳南係咁 (寶邑路/唐德街/唐明街),
天水圍北係咁 (濕地公園路/天秀路/天華路).

原帖由 china 於 2008-3-27 11:23 PM 發表
前幾天坐278x，因為改道關係，去上水方向直入華明巴總而不經一鳴路，我直覺呢條路線非常好，其實去一鳴路d客全部在欣盛苑落車行番入去都唔係好遠姐，我都唔明點解經親粉嶺南
(270a去上水方向例外)都要w形咁行，真係好浪費時間。
...

我認為278x的定線同歷史有關。
因為在未有278x之前，
全北區最好客的南下跨區線都是經粉南的70x及73a
不依靠粉南的都敗下陣來，
70x都是靠粉南復甦。
你做九巴，有無膽唔靠粉南?
270a已經係看到278x在上水的需求之後的改進

而如果277x唔經粉南，
那它一定不會行大老山隧道。
因為作為商業機構，
一般都會以回車快的路線服務較多乘客的地區。
正如為何九巴選74a行大埔公路，
唔係74x

[ 本帖最後由 GM 於 2008-3-28 13:55 編輯 ]

原帖由 GM 於 2008-3-28 13:51 發表

我認為278x的定線同歷史有關。
因為在未有278x之前，
全北區最好客的南下跨區線都是經粉南的70x及73a
不依靠粉南的都敗下陣來，
70x都是靠粉南復甦。
你做九巴，有無膽唔靠粉南?
270a已經係看到278x在上水的需求之後的 ...

278X,279X,47X,48X,49X
係要靠來往 荃葵青 及 大陸 的跨境客
該等路線是全日都有同時雙向客量

不如咁啦，在現時花都廣場／和興體育館之間的停車場空地，起一個「粉嶺南汽車站」，
並雙向接通百和路。
這個汽車站取代華明、欣盛、景盛、華心、牽晴、正覺蓮社、和興村、百福田心球場及華明邨後面2個巴士站
所有經過以上巴士站的巴士路線，一律只停「粉嶺南汽車站」，不停以上巴士站。
*273, 273A, 70K 除外

原帖由 barking 於 2008-3-29 20:51 發表
不如咁啦，在現時花都廣場／和興體育館之間的停車場空地，起一個「粉嶺南汽車站」，
並雙向接通百和路。
這個汽車站取代華明、欣盛、景盛、華心、牽晴、正覺蓮社、和興村、百福田心球場及華明邨後面2個巴士站
所有經過以上巴 ...

雖然你個構思過份理想化，但正正反映粉嶺南規劃失當。
花都廣場位於粉嶺南中心點，屬私人樓宇，建有平台，本來係十分適合
於平台底下開設公共交通總站，再利用行人天橋網絡連接區內各個屋苑，
咁已經算係好理想既交通環境，馬鞍山市中心一帶既社區就係一個好好例子。