柴XX議員狠批4X及30X重組安排

新巴M49變為4X及30X之時, 華富區區議員柴XX於區內廣貼邀功海報, 聲稱是項安排好處極多, 既可以"穩定班次", 又可以"縮減候車時間", 更加令數碼港乘客"可以享受更直接服務".

當日響本板討論既時候, 本人及眾多板友已經批評呢項重組有好多問題, 而且由於每個區既服務班次都比M49年代大減, 最終只會令數碼港及華富居民皆輸.

果然, 重組實行之後, 居民劣評如潮投訴不斷, 不論班次, 定線及服務時間都被批. 嘿嘿, 呢位當日有份支持重組既柴XX議員, 果然係年青有為識時務, 見形勢唔對之後馬上轉軚, 響區內報章"南區新聞"內大肆批評重組計劃好有問題, 更聲稱已向運輸署及新巴定下"死線", 限期要響3月27日前改善服務.

睇完佢篇文章, 真係大開眼界, 因為佢所批評既問題, 就係當日佢貼海報大力邀功既項目, 事隔唔夠一個月竟然180度改口, 真係令人大開眼界. 內容包括:

改動前柴議員聲稱4與4X每隔10分鐘相間開出, 可以縮減乘客侯車時間, 而且4X改由華富開出, 可以令穩定更班次.

改後柴議員批評4及4X每隔10分鐘開出既編排, 因誤點而"接近崩潰", 每班相隔可達30分鐘以上.

改動前柴議員聲稱30X開辦後, 數碼港居民終於可以享受到直接快捷既巴士服務.

改動後柴議員狠批30X未能覆蓋置富及薄扶林, 令清潔工人唔可以響薄扶林等地返回工作地點, 並話呢班人係被忽略既一群云云.

無錯, 佢地真係被忽略, 咪就係俾你老哥忽略囉. 因為你地呢班議員響表決通過重組時無認真用腦去諗下改線既結果, 而家佢地咪搞到無車坐囉!

當年46X改線搞到一塌糊塗, 今次改M49又搞到民怨沸騰. 拜託尊貴議員可唔可以認真做事, 表決前真係要為市民去想一想好壞, 而唔係有好野就去邀功, 搞出禍就賴人呢?

原帖由 PB602 於 2008-4-2 21:51 發表
新巴M49變為4X及30X之時, 華富區區議員柴XX於區內廣貼邀功海報, 聲稱是項安排好處極多, 既可以"穩定班次", 又可以"縮減候車時間", 更加令數碼港乘客"可以享受更直接服務".

當日響本板討論既時候, 本人及眾多板友已 ...

為左提供更穩定的班次,4X和46X應合併,M47和43X亦應合併,而4亦應改為雙向服務.好處如下:
1) 46X客量可以有所上升
2) 華富全日有快車去灣仔,華貴田灣全日有行山既快車出中環.
3) 派車數目增加,容易解決班次不穩的情況(而家3架車行4X,都估到遲早出事),4X和46X合併後全線派7架車.
4) 解決現時中環返華富誤點嚴重的問題(4在中環脫班都可以搵15/M590拉架車過去)
5) 至於M47和43X,旨在解決2線重疊和更加善用資源,亦可騰出QUOTA俾合併後的46X.M47和43X合併後叫47,
用車7架,比現時少5架車.將呢5架QUOTA,1架俾新46X,1架俾4,仲有3架QUOTA俾南區區內線,咪皆大歡喜囉.
6) 加強到巴士服務之餘又可以減少出中區既車數(但班次反而密左),運輸署舉腳贊成.

以上重組建議可解決現時"有人冇車搭+有車冇人搭"既情況,使巴士得用善用,而且居民可以更方便出中區,而唔係好
似而家咁,下下都廿幾三十分鐘先有架車仲要去瑪麗轉車.

希望有關議員慎重考慮以上建議.

原帖由 053h4 於 2008-4-2 21:56 發表
如果新巴開足班次準時開車 ,服務係有所改善的
而問題係, 班次更本唔準

而早上4X個別班次的客量
好似多左少少

服務有改善? 以華富計, 就算開足班次, 假日同早晚都係無車去中環碼頭, 而且假日班次又由以前既平均10分減為15分, 咁既服務如果係改善, 就唔會俾人狂投訴啦.

三四架車行一條來往中環既循環線, 係人都知班次唔慌會穩定, 想開足車都開唔到啦, 係呢位議員先至咁把閉, 一早預測改動可以令"班次更穩定". 數碼港去華富一段路根本唔會塞車, 將個站搬去華富對穩定班次有鬼用咩. 中環個站由總站變循環, 先至係影響班次既元兇. 民X黨成日話有研究中環既交通所以要改M590, 既然對中環既交通咁有研究, 唔係連咁簡單既道理都唔識掛?

另外, 4同4X朝早加埋既班次, 比以前4同M49加埋為少, 咁客客量又點可能唔會多左呢?

請問有無會議紀錄或抓圖等證明？

去中環咁易塞既地方,
仲要行循環兼少車,
點會唔脫班,
一係兩條線整翻個總站/班次調節點先.

所以漢奸李都話佢果黨前景暗淡......重話立會選舉開條隊比佢選.............

不如去佢辦事處抗議
甚至拉橫額話出賣居民利益

原帖由 n8p 於 2008-4-2 23:20 發表
不如去佢辦事處抗議
甚至拉橫額話出賣居民利益

老老實實,  做咩去佢辦事處抗議??? 係都搵運輸署啦下嘛???

原帖由 ngkongwai 於 2008-4-2 23:05 發表
所以漢奸李都話佢果黨前景暗淡......重話立會選舉開條隊比佢選.............

又關"漢奸李"事??????? 哈哈~