962C, 969C 於5月13日開辦，服務詳情於189#

原帖由 天瑞總站 於 2008-5-8 15:17 發表
咁呢d係你既事啦
無理由為左你d私人理由
要一d非法村巴變成"合法"架喎
你講到咁趕...不如搭的士啦

第一：我邊個字講過話要佢變合法？
第二：我發表私人理由有問題嗎？
第三：人地現在係講緊開車時間好多人都趕唔切。
第四：你鍾意慢慢坐返屋企遊車河咁返屋企，我唔干涉你，
如果唔係因為白牌村巴快，就唔使尖沙咀，觀塘，中環，灣仔，太古坊，
周圍都係白牌村巴返新界西。
第五：仲有唔止我自己，我絕對相信同我一樣背景的人，
都唔會同你一樣心態慢慢坐返屋企咁好閒情逸致。
第六：恕我直言，你講最尾的一句，我都好想回應：
太古坊返屯門市中心的村巴速度，同坐的士無乜分別。

[ 本帖最後由 KC3555 於 2008-5-8 16:22 編輯 ]

原帖由 68A 於 8/5/2008 17:28 發表


白牌就係有呢個優勢，
所以960A點都做唔大...

如果真係咁快，咁不如專利巴摺埋算數，
反正點鬥都唔贏

原帖由 KC3555 於 2008-5-8 01:21 發表

可能真係要開到咁：服務時間同白牌追貼（5:40pm - 9:00pm）
但960B同962C梅花間竹每15-20分鐘開一班，969C每20分鐘一班。
咁先抆到村巴皮毛生意吧。
就算係俾人看到962C全程行車時間做到90分鐘，
我住龍門居，坐村巴45分鐘返到 ...

新界去太古返工真係幾係野,
我有個朋友大圍返太古都打算揾過份九龍工做,
太古好多人都收夜,
一班半班巴士真係要放工前日日計住時間先搭到,
要做得起要慢慢加班先得.
不過而家既環境有村巴先會有專利巴,
而唔係有需求就開線,
認真無計....

原帖由 68A 於 2008-5-8 17:36 發表


快就一定係快，
不過專利巴摺埋與否就好似冇乜關係 bor..

聲明: 我冇鼓勵白牌

你已經用行動去鼓勵白牌啦, 仲話冇鼓勵白牌?

原帖由 kiwai 於 2008-5-8 20:55 發表


你已經用行動去鼓勵白牌啦, 仲話冇鼓勵白牌?

你唔鼓勵白牌車，點樣令到當局留意到呢個問題
從而改善合法既交通服務？
合法服務正常情況唔係用咁既方法去改善，但偏偏香港交通一d都唔正常

[ 本帖最後由 ~誰@359~ 於 2008-5-8 21:17 編輯 ]

原帖由 天瑞總站 於 2008-5-8 20:00 發表
我無話你咩喎
我只係個人覺得你認為搭村巴係好應該 巴士無得鬥咋喎
我有話你 d 咩? 我發表私人感想有問題嗎?
你趕時間唔代表你可以合法地搭呢類村巴

最後講多幾句...你搭咩,邊個得閒理你
我只係想講非法村巴快,非法 ...

首先，站在市民的立場，我都係一個小市民，坐非法村巴只係當發生意外市民無保障，
但刑責不在市民，市民係無一個條例話唔俾人地上呢種旅遊巴。
警方只會向該旅遊巴司機提出票控，呢樣野首先你要搞清楚。

第二，如果你話呢句：「咁呢d係你既事啦，無理由為左你d私人理由，
要一d非法村巴變成"合法"架喎，你講到咁趕...不如搭的士啦」唔係話緊我，我打死都唔信。
你發表私人感想係無問題，但我無燒著你，你用「你既事啦」表達你個人感想分明係影響緊人。

仲有，我由始至終都係話巴士吸引力好缺乏，呢個係我中心意思，
就算我可以唔坐，唔通你可以話呢條線影響到各市民唔坐村巴先得。
我係講緊一個事實，捉非法村巴，唔係捉非法村巴的乘客，
乘客在「非法」的字面上係不受影響，咪一樣繼續搭村巴。
如果香港政府真係咁積極去打擊非法村巴，成班人咪用第二種交通公具囉。
總之，我同香港市民心聲都係一樣，只求邊個快返到屋企。
你針對的，應該係村巴，唔係坐村巴的人。

重申一點我的立場，我係支持打擊非法村巴，但我更加渴望放工早點回家。
而且你問好多香港市民都係一樣咁諗法。
況且，我坐鐵路去荔枝角或荃灣坐59X或59M，仲快過我坐962C返屋企。
呢個的確係我既事，你無需要針對呢點回應。

我亦見過人一落車就打去唔知邊度叫捉非法村巴，
成個禮拜，村巴都係運作得咁順暢，差佬都唔見一個來捉，
你可以話乘客助長佢，但政府一樣都係無做野。

[ 本帖最後由 KC3555 於 2008-5-8 23:57 編輯 ]