酷愛張敬軒演唱會(第二場)，多圖+簡評

樂壇新晉唱得之人首次大型個唱當然要支持下。

總括全晚都相當精彩，軒仔賣力show唱功sell舞姿不在話下，
就連多位嘉賓亦落力地為佢唱歌伴舞搞爛gag助慶一番。

最高興莫過於能夠現場聽佢演譯如"Blessing"、"笑忘書"、
"My way"等我甚為喜歡0既作品，而與謝安琪即興合唱"鍾無艷"
及陳奕迅0既突然彈出就令觀眾情緒推向高峰。


跟廢相多張(部份經過裁剪 )


得嘗所願，用膠袋留住這一刻


"追風箏的孩子"





共患難好友抱恙演出----王菀之






張敬軒"朋友二號"----鄧健泓


舅母即興上台支持，......
軒：尋日唱"鍾無艷"時幾多蝦碌0野！
Kay：0下？有冇茄醬？
軒：............



另一樂壇"前輩"彈出支持


當0左自己開show？




encore位唱"我的天"


輕快版"My way"


"Bye bye多謝晒！"


~多謝觀賞 ~

我睇第一場，d 人情緒雖然高漲，但略嫌張敬軒真係講得太多......
唱三四首歌就多謝一次...... 爛gag 非常多，聽完都唔識笑......

樓主你就好啦，又有得聽Kay 同 Eason，又有鄧健泓......
好羨慕呀...... 如果出live DVD 係你呢場就好嚕......

昨晚睇左尾場, 嘉賓係關生(當然唔係斌斌)同校長兩仔爺, ivana就必然有啦.

簡單講就係:
讚:
1.無可否認唱得幾好
彈:
1.始終唔夠hit歌,早段唱多首國語歌時個個放蚊, 同班朋友互問"呢首咩名"(當然亦係我地自身問題)
2.講野/跳舞帶唔起氣氛, 連爛gag都唔多,一味"多謝"/"努力",真係張勁謙,但唔係我想聽既野. 同埋鞠躬無限次,
睇左三個字我就已經衰衰地講"係咁鞠躬, 家屬都謝埋禮喇喎"
極彈:
1.支咪收音奇差. 我坐山頂(35行),大部份時間都聽唔清楚講話,尤其軒仔同ivana, 即使校長講得咁豪都聽唔清,
成晚拿住個望遠鏡讀唇先聽到佢地一半說話.

原帖由 ChickenTong 於 2008-4-9 19:28 發表
呢點應該係紅館問題,唔少個唱都係咁,
今年大裝修後應該會好d~

可惜係今次特別差, 近幾個月來都睇左千嬅,基仔,醫神,克勤,全部山頂位,通通都無事
(唔靚聲可能有,聽唔到講野就只得今次)