東涌

原帖由 dcyw 於 2008-4-16 14:40 發表


若分開計算，座數暫時最多的是東頭(二)邨及白田邨，各有20幢樓宇。

當秀茂坪邨興建中樓宇落成後而歸入現有的秀茂坪邨管理，則秀茂坪邨會
以23幢躍升為最多樓宇的單一公共屋邨。 ...

據知秀茂坪分左一二三邨管理, 但房署網頁的資料卻沒顯示.

請問當時在東涌來回市區要怎樣辦?

原帖由 frankho0707 於 2008-4-17 11:04 發表

請問當時在東涌來回市區要怎樣辦?

最正路0既方法：去梅窩搭船出中環。

至於當年東涌舊碼頭有無船出市區就真係唔知。

原帖由 nwfb1601 於 2008-4-17 11:36 發表

最正路0既方法：去梅窩搭船出中環。

至於當年東涌舊碼頭有無船出市區就真係唔知。 ...

其實當年東涌有冇街渡去屯門呢?

以前舊東涌馬頭係有街渡去青山灣旁邊的加多利碼頭﹐
用船除了是一般舊式大眼雞街渡外﹐後期還有曾被新
渡輪租用的海達利。

原帖由 oxball 於 2008-4-18 00:11 發表
以前舊東涌馬頭係有街渡去青山灣旁邊的加多利碼頭﹐
用船除了是一般舊式大眼雞街渡外﹐後期還有曾被新
渡輪租用的海達利。

我就係見到油麻地/新渡輪的海達利有呢句字的痕跡, 才諗到當時係咪有街渡來往兩地.

以當年的情況來說, 東涌不被列入屯門區, 真的有點不可思議.

原帖由 df9321 於 2008-4-16 12:13 發表
其實天北都唔係個個都冇錢的,在天恆同天澤甚至天恩二期,公屋富戶大有人在,
因為好多都係想轉下新環境,來自本港其他地區的天北開荒牛...係天恩一期,天逸同俊宏軒差D囉...

P.S. 租金仲貴既天逸同俊宏軒,反而新移民比 ...

你講得岩

天北的公屋住戶, 如你所講, 其實唔係全部都係綜援戶
其實天北公屋戶中, 有唔少係90年代本身住係天南公屋的本地家庭
佢地有d係富戶, 有d就算唔係富戶, 都係生活無問題的家庭
基本上, 由天南搬上去的,公屋戶 家庭環境都好好
天南公屋戶, 除天恩外, 天北4村都可以搵到原天南公屋戶
不過, 新上樓入天北的新移民, 家境的而且確係差少少


因為, 90年代初期, 當時房署有個 "自願申請調遷計劃" 比天南公屋戶申請
目的係舒緩公屋戶過於擠迫的情況, 讓居民有更大生活空間, 當然, 要合資格先可申請啦
當時天南居民, 可被調遷的範圍, 包括新界西北(屯門, 元朗, 天水圍北) 及 擴展市區(東涌)
一經獲批, 房署會分發一個新單位. 每個家庭有3次機會選擇
如認為選址唔好, 可放棄機會, 房署遲d就會再發另一個單位, 睇你要唔要, 總之機會3次

我記得, 當時我家都有申請
第一次機會, 係派屯門蝴蝶村, 不過個村好舊, 最後無要
第二次機會, 係派天水圍天華村, 不過, 我老豆當時係天華村個政府車房返工
故此非常了解天華村有咩唔好, 而且天華又冇商場又冇街市, 最慘就係勁多南亞居民, 最後無要
第三次機會, 派到我住緊個條村的兇宅一個 (天南某屋村)
而最搞笑的是, 我屋企人係認識該單位的前業主
於是, 去房署交涉, 問房署點解派兇宅比我地
最後, 房署破例比第4次機會, 同村一個3房2衛大單位
我屋企得4個人, 梗係要啦

所以, 其實我差d就搬入去天華, 成為天北人的了......

原帖由 AVW56 於 2008-4-18 09:57 發表


你講得岩

天北的公屋住戶, 如你所講, 其實唔係全部都係綜援戶
其實天北公屋戶中, 有唔少係90年代本身住係天南公屋的本地家庭
佢地有d係富戶, 有d就算唔係富戶, 都係生活無問題的家庭
基本上, 由天南搬上去的,公 ...

天華原則上都仲係天水圍南
天華路位於其北面

試問聲南亞人士會令你點慘?

原帖由 ArnoldC 於 2008-4-19 17:32 發表
試問聲南亞人士會令你點慘?

第一, 佢地一般都有一股體味, 係同中國人不同的
第二, 佢地習慣係屋企點燃一些香燭, 又係一陣怪味
第三, 文化差異語言不通

雖然呢d都唔係d咩罪過, 但係, 既然有得選擇
我與家人都係唔多鐘意同南亞人做鄰居