[討論]中環新海濱支線

早幾日政府推出中環新海濱規劃第二階段公開諮詢,
當中亦提及新海濱既交通配套(第14-16版), 但建議中主要係用汽車同行人道構成交通網,
此外, 政府亦建議引入"無軌電車"等"環保公交", 加強海濱東西方既連接,
但係對興建電車支線卻隻字不提.

唔知大家認為再爭取興建中環新海濱電車支線既機會大唔大?
如果爭取興建的話, 形式同定線又應該係點? (e.g.區內循環線/與主線接通)

搵單層電車做好似可睇D bor.... (即係San Fran. 嗰D)

原帖由 油記長存！ 於 2008-4-13 16:27 發表
如果電車公司詐形，或者得既

易先生今次對建新支線的態度似乎頗積極，經常在公開場合
提及這件事；
不過政府的態度一直不太支持，經常說電車軌橫跨干諾道中
會嚴重影響交通。

當然我也希望電車新支線成事，但就不抱樂觀態度。

以下係我既構思:


計劃有兩條支線, 分別係東西方向同南北方向,
天星碼頭(8號碼頭)對出會有一個大型總站.

東西方向:
連接上環西港城至灣仔會展(或再伸展至銅鑼灣/天后),
於信德中心, 2/4/6/8號碼頭, 海旁長堤, 會展等地點設站, 雙軌雙向行駛.

南北方向:
連接8號碼頭(天星總站)至畢打街/德輔道中交界與現有電車軌相接,
於國金二期, 香港站/郵政總局設站, 按到時既道路安排 鋪設單軌單向或雙軌雙向.

以上兩線應該提供普通及遊覽服務, 收費及用車可以多樣化,
旨在為渡輪乘客, 公園遊人得到"貼身"交通接駁, 遊客亦可坐在電車上層沿海旁路段觀光,
如果上環至銅鑼灣/天后舊路段受阻, 亦可用新支線維持有限度服務.

歡迎各位提出更可行既建議.

呢幅係咪舊圖? 印象中填海範圍冇咁出

回覆5#

我幾年前都有類似構思（因為政府幾年前都有講過）～

請問灣仔那頭會否與現有網絡接駁？
我建議可以經會議道、菲林明道連接莊士敦道。

畢打街係單程北行，而且相當繁忙，相信只能做單程。
如此一來，行畢打街的路線要係循環線。
或者，南行用康樂廣場，起天橋跨干諾道中、遮打道，
在太子大廈旁落地設站，接現有路線。（會唔會太斜？）

西端如何與現有路線接軌？
民光街西端係單程東行，應該可以利用草地，但天橋底一段唔知得唔得～

灣仔果邊我有三個想法,
第一個係會展loop, 穿過會展新翼底部, 並接達灣仔會展碼頭;
第二個同你一樣, 經會議道,菲林明道, 接莊士敦道,
或者經鴻興道,馬師道天橋, 接軒尼詩道(近天樂里波口位);
第三個就沿鴻興道, 經過貨物裝飾區同飛越紅隧口, 沿維園道(避風塘邊)接英皇道.
不過因為超出今次諮詢既範圍, 所以上篇回文只係略略提及.

至於中環西端, 西行線都係沿民光街行草地, 一係由林士街南行入返主線,
一係沿干諾道中內街至急庇利街/摩利臣街既一段殘餘路軌接駁主線.
東行線就要在干諾道中天橋底越過西行線沿橋墩行.

最難實行應該係南北路段, 因為果段路無論係人流定車流都十分多...
如果可以將來回各一條行車線變成電車專線, 再將車輛分流到其他地方進入新海濱,
南北路段先會發揮到疏導人流既功效.

原帖由 煙神 於 2008-4-15 15:42 發表

呢幅係咪舊圖? 印象中填海範圍冇咁出

新圖0黎，係之前林鄭公佈0既「A / B 計
劃」入面其中一張設計圖。

老實講，中環南北向道路網已經做壞個勢，
南北電車線只會令擠塞更加嚴重。

另外東面出口我傾向馬師道，
因為該路的行車天橋似乎斜度及流量皆比菲林明道低，
又可以避開紅隧、減少填海，
且可與跑馬地支線連接，一舉四得。