討厭的「日文」貨車倒後聲

自從有唔少客貨車同五噸半貨車都安裝左講日文的貨車倒後提示 (唔知係原廠跟定坊間自行安裝?) 後, 我成日響屋企(離地面有超過20 層) 都聽到好大聲的提示" 叮噹..... (日文).....叮叮叮.... 叮噹....(日文)...", 相比起普通的"必必" 聲, 呢種倒後提示真係好具滋擾性...

而且我有時落街, 間中都聽到" 叮噹..... (日文).....叮叮叮.... 叮噹....(日文)...", 但由街頭看到街尾我都見唔到倒後緊ge 車, 真討厭....無錯, 倒後提示的原意係好. 但根本唔需要大聲到隔幾條街都聽到. 咁反而影響到其他無關ge 道路使用者...

或者還原基本步, 呢d日文的倒後提示, 對普遍唔識日文的香港人來講, 警告的效用會唔會比"必必"聲 差呢?? 其實政府係咪需要提出"倒後提示"的準則, 例如分貝, 以至音效的限制呢?

呢隻聲我樓下有部貨車都用的, 以前唔知咩事, 落望街原來係佢倒車
其他倒車音樂仲有傻豹果首歌, 有次有部貨車倒車係叮噹主題曲, 唔知
點解我又唔介意個叮噹主題曲做後波安
不過呢d咁既歌人地未必知你係倒車聲, 危險性都幾高

其實記得警訊 講過, 呢d 人聲 警告, 本身係犯法....因為可以為架車加裝呢d發聲裝置
不過執法情況就唔知

年多前, 我都試過俾呢d聲影響, 零晨仲要用呢d聲係樓下泊車, 仲泊好耐
不過近排無左了

以前我聽過貨車國語的「倒車，請勿近」的倒車警告聲，不知現在還有沒有貨車仍使用上述的警告聲呢？

第一次聽真係嚇親的，不過我第二次聽就覺好搞笑．
不過都係，唔0係人地訓教時嘈醒人都無0甘反感．我
都聽過傻豹果首歌倒車警告聲，真係好搞笑．不過就
只係得搞笑感覺，一0的警告feel都無．真係播出黎
無人會覺你倒緊車，真係一0的叫人注意佢倒緊車0既
感覺都無．撞親人被撞個人撞到先會知你架車係倒緊
車．．．

因為我家樓下有油站,
初時不以為意,間唔中就聽到,
成日以為是油站播音樂=0=........

後來在街上見到有車倒車先知咩事
其實我好討厭呢0的聲.....
覺得好煩...好嘈....一0的都唔型喎!

最近幾個月冇乜點聽了~

我以前都講過, 呢種聲非常煩厭,
但近排好似聽少左
或者係因為以前黎開屋企樓下部"暴走van"而家無再黎掛
其實用呢種引人注意既獨特聲響好不智,
因為一聽就聽足幾分鐘, 即係話佢手勢唔好, 搞幾分鐘都未倒到部車

[ 本帖最後由 cktse 於 2008-4-21 07:32 編輯 ]