令我振奮既Nissan cedric TAXI

嘩嘩嘩...見到個陣不知幾開心，原裝車頂標語，日式軨蓋+Nissan牛油盅!!! 有牛油盅先興奮‧‧‧‧真係好少見到有牛油盅ge Cedric TAXI

我都好喜歡搭到日產的士, 一來覺得日產的士比皇冠舒服
二來覺得多d品種無咁悶

跟~

唉, 可惜真係越來越少, 聽講以前周街都係日產的士, right??

原帖由 葵盛東居民AMN36 於 2008-4-20 20:34 發表
我都好喜歡搭到日產的士, 一來覺得日產的士比皇冠舒服
二來覺得多d品種無咁悶

機械性能同應用科技仲好過金豐好多 tim.
就係係個控油個度已經係好豐田幾十皮

係呢個島,T同N既比例應該會平均d..

真係Cedric Taxi好過金豐唔少，闊落D‧‧尤其後座扶手金豐真係好樣衰個個扶住車頂扶手，勁樣衰，玩過山車咁
但Cedric闊落，度門個扶手岩唒手型，坐係度岩岩好，但Cedric個頭枕太硬了‧唔洗金豐咁個個拎到隻手鬼咁高，好似好唔穩陣咁
金豐油門，Brake太敏感同埋架車太細身型高大ge passenger實在很辛苦，金豐比Cedric唯一可取既係原裝座椅，強調而家好多唔係原裝，換上去既新座椅皮個個硬到傻，Cedric油門，Brake雖然敏感，但係比坐金豐至少唔 chok 同 避震靚 lo
同埋Cedric個標版function齊同整齊好多lo‧‧‧個人buy Cedric多過Comfort lo‧‧

ps:話時話當年一手LPG Comfort / LPG Cedric 價錢爭幾多呢?，同埋當年點解唔大量買Cedric而買Comfort呢?

原帖由 aa2_dart 於 2008-4-28 00:25 發表
ps:話時話當年一手LPG Comfort / LPG Cedric 價錢爭幾多呢?，同埋當年點解唔大量買Cedric而買Comfort呢?.

2001年個時,實力一部上會價為16萬,而金豐一部為19萬.
至於點解無咁多人出的原因,一來係雜廠野少,行貨件又來得貴,二來係起步力水問題.....三來皇冠以大量的優惠來食車行客,用實力柴油車換新車有優惠,車行有大量回佣等

原帖由 aa2_dart 於 2008-4-20 20:07 發表
嘩嘩嘩...見到個陣不知幾開心，原裝車頂標語，日式軨蓋+Nissan牛油盅!!! 有牛油盅先興奮‧‧‧‧真係好少見到有牛油盅ge Cedric TAXI
...

如果想搵部靚仔o既，港島區有部KH9728換埋3.0 V6版o既大泵把重有型，該車車主還悉心打理，成架新車一樣。

原帖由 nuaama 於 2008-4-27 15:58 發表
唉, 可惜真係越來越少, 聽講以前周街都係日產的士, right??

70年代初還有少量平治W115 200D的士，69年實力的士開始引進130 220C，直至230、330及430大量充斥巿面，79年豐田開始引進80系皇冠，80年代豐田、日產數目大致相若，至90年代開始豐田的士數目開始佔優勢，到柴油的士末期，豐田已佔香港的士數量逾七成以上。