加入港鐵, 是否等於沒前途?

講講我的經歷你聽:

我由細個開始已好喜歡各種交通工具, 由其係巴士及火車,
時時希望大個可以揸巴士.

中五畢業後, 讀了半年TI(VTC), 又無心機讀落去.
車牌又未夠歲數考, 點去揸巴士?

有一日, 睇報紙見九鐵請學徒, 就寫信去試試, 點知又請我.
入到去一邊讀書一邊學整車, 學完後又覺得無乜前途,
於是又申請去其他部門, 如是者我兩間鐵路公司都做過,
每個部門最長唔超過4年, 到而家做了18年做到中層員工,

咁你認為入呢間公司係唔係冇前途呢?

原帖由 cl1403 於 2008-4-24 22:22 發表
講講我的經歷你聽:

我由細個開始已好喜歡各種交通工具, 由其係巴士及火車,
時時希望大個可以揸巴士.

中五畢業後, 讀了半年TI(VTC), 又無心機讀落去.
車牌又未夠歲數考, 點去揸巴士?

有一日, 睇報紙見九鐵請學徒,  ...

今時唔同往日喇,老兄
以前無$$,肯捱,去三角碼頭都可以做苦力
而家
三角碼頭係邊?

聽聞好多MTR (ex-KCR) o既高層,經理
舊日都係由站務員開始做起
而家除非你入來係Graduate Trainee (GT)
否則你入來做係一個車頭佬,站務員
絕大機會將來都係只係一個車頭佬,站務員
想做經理?
我覺得係妙想天開

再講
之前有樓主都有講
做車頭佬
除左只有機會升TCI之外
其他o既
sorry 行人止步

申請GT/MT post, 學歷要求係大學學位
雖然所有學科o既同學都可以申請(工程職位例外),
不過基本上gpa 唔3 , 連interview機會都冇

加上競爭非常之大....

好簡單的一句：你都算好彩，08年做到你想做既野！
衰D講句，Train完唔再想做，今年轉過頭搵過份工，都容易過前幾年好多，
當然，如果你想繼續做落去，咪繼續lor！你條命係你自己既，其他人講咩都無用…

樓主我同你講，4樓位人兄最尾講個d真係好有用，就算係一個鐵路迷你一做落就會知起兩條平行線上生活一D都唔易，鐵路迷都未必頂得住，你真係要有心理準備！不過你真係鍾意再難捱你都會做。


一個做緊鐵路行業的鐵路迷上

我都好同意lightrail兄的講法，亦都係我在鐵路做的朋友曾經同我講的一個翻板，
不過調返轉頭諗，難捱捱得到，好多野好似人生經驗，點買都買唔到，
況且天無絕人之路，係你把唔把握得到，人生經驗比一切都更寶貴。

我個人就好現實的
你女朋友同你媽子既然都反對你咁做
我諗, 係呢d情況下, 就算係咩宏大理想都要放埋一邊囉

你自己都識講, 你已經27
合約期滿, 港鐵如果唔要你, 或者, 你自己嫌辛苦唔做
出黎已經30, 如你所講, 閣下有的特長不是太多
30先出黎搵返野做, 其實已經好遲
如果我係你, 我會唔入港鐵, 爭取係呢18個月入面
正正經經搵返份時間正常一d的工作
抽多d時間陪女朋友同家企人

仲有, 你呢個女朋友, 應該都係結婚對象黎架喇
有咩理由你同佢唱反調呢, 你想博分手咩......
如果我係你, 我會聽女朋友話囉

但作為一個車迷對駕駛鐵路車輛真係有種不能抗拒的力量，正如我之前所講，你真係鍾意再難捱你都會做，因為你去做緊個工作係你個興趣，你放工係會望返工，返左工又唔想放工！你返緊工又唔會唸自己點解今小人工，因為鍾意係無得解！

原帖由 kkt 於 2008-4-24 23:00 發表


今時唔同往日喇,老兄
以前無$$,肯捱,去三角碼頭都可以做苦力
而家
三角碼頭係邊?

聽聞好多MTR (ex-KCR) o既高層,經理
舊日都係由站務員開始做起
而家除非你入來係Graduate Trainee (GT)
否則你入來做係一個車頭 ...

再講, TCI的空缺根本唔多,
做Train Crew的確係好難有得再升上去.

原帖由 cl1403 於 2008-4-24 22:22 發表
有一日, 睇報紙見九鐵請學徒, 就寫信去試試, 點知又請我.
入到去一邊讀書一邊學整車, 學完後又覺得無乜前途,
於是又申請去其他部門, 如是者我兩間鐵路公司都做過,
每個部門最長唔超過4年, 到而家做了18年做到中層員工,

咁你認為入呢間公司係唔係冇前途呢?

呢個真係要睇機遇

當輕鐵於88年開辦時
九鐵請左一大班前九巴既車長、站長
做輕鐵既車長或車務督察(學歷中六以上)

好啦…輕鐵開左近20年啦
當然有極少數…懂得討好上面既
可以扶搖直上…就黎退休先比佢做到個車務主任

但更多更多既
做到退休都係車長

因為佢地發現
在九鐵做中層
係最辛苦0個位
上面成日話你唔達標 (行車方面)
下面D士氣又低到乜…無心戀戰