輕鐵615及615P

原帖由 wilsonli321 於 2008-5-14 22:09 發表


當年調查?? 而家屯門乘客體驗左呢3-4年咁班次混亂既折磨,你試下再查過,恐怕大把人轉軑......
何妨,政黨既調查,有幾大公認性?? 受訪對象有沒有了解過551+552+553先??

之前睇過相,唔記得係italk定其他鐵路討論區了, ...

咁你又有幾肯定大把人轉軚，請你講呢樣野時拎埋數據出來。不要順口雌黃。
兩大政黨調查點解無公認性，輕鐵公司捧個計劃上議會傾，議員唔係抱審慎態度，
為甚麼要成個計劃編成問卷去問人。我當年都有份填保皇黨份問卷，
我的答覆係：當年良田居民好辛苦先爭到條615，唔可以忽然間無左。

仲有，有預備到燈箱膠牌又可以代表Ｄ乜？咁就係代表實行梗嗎？
就係因為過唔到614及615取消，地區人士全面反對重組，
輕鐵先用拆衷方法分一半班次行614及615，餘下行614P及615P來解決。
呢堆車肯定左，輕鐵方面講到明話係俾天水圍用。

再者，751至西鐵通車之前的短時間，751都唔係全部係拖卡，拖卡比例係9拖3單，
（我都有當時個班次表，唔計751P字軌185-188，仲有185-188做完751P都唔係行返751）
西鐵通車後不久已降至6列拖卡。沒有發生過全拖卡的情況。

就算係551, 552, 553可以做到4分鐘一班，班次密左，
但我完全唔認為１. 夾硬將615系爭取左咁耐直達蝴蝶，良田區市民同議員會唔反對。
２. 屯門東南要到屯門站花畤間上上落落過月台轉車去新界東北市民同議員會唔反對。
尤其是友愛安定人口老化急劇。
３. 青山公路走廊去新界西北同東北都唔少人。全部趕哂佢地轉車。
況且青山公路走廊以現時班次，班次都好勉強下，取消埋614同615，
逼佢地轉車，只會先做死610，後做死751，610班次都頂唔順無左614同615元朗南下的輕鐵客。
攪唔掂呢堆班次，唔相信全體議員唔反對。

重組後，一日只有好少乘客由兩程車變為一程車，（西南至東北及豐景園屯門泳池往建生及青松）
但係好多人由一程車改為兩程車，叫人地轉車，（西北至西南，東北至東南，青山公路走廊至西北同東北）
就算係班次密左一倍，對沿線乘客咪又係用返呢堆時間等車咪又係一樣，甚至更差。

我完全睇唔到取消614/614P，615/615P對整個輕鐵系統有乜受惠。
就算現在，天水圍係好多人轉西鐵線。但元朗好多人都依然係用輕鐵去景峰以北及良景田景建生。
614同615取消反對聲音一定好大，取消唔到呢兩條線，551, 552, 553重組計劃就無可能有4分鐘呢個班次。
614, 615最高峰時期係用16卡車，剩返24部車，都可以重組到７分鐘一班。
實際上551係507縮短板，553係505延長板，多都只不過係條552。如果咁樣重組，對班次無幫助。
正如其他班友講，不如等22部車卡運到先再講。

我計完條數，我完全認同其他板友講：重組只係將小小優點放到大一大，以現有資源而言，根本完全漠視大大的缺點。

原帖由 wilsonli321 於 2008-5-15 21:51 發表
從略

再講，班次混亂係用班次調整的方法解決，
唔係用重組路線去解決，根本問題係615P如果每班遲5分鐘就可以解決到的問題，
根本唔需要牽一髮動全身。761事件議員係反對，但基於乜野原因過？
有無諗過點解仲要保留天榮特別班次？天榮到濕地公園有邊個站係令到條761係多過20人坐？
因為輕鐵答應將761縮短的資源投放705/706，仲有開特別班，議員先肯妥協。
如果唔係，705/706今時今日仲係6/7分鐘一班。但係都係嫌唔夠。
（你要明白，現在的路線重整同埋班次調節，都要經過地區討論，最後才可決定實施。
唔記得上年定前年區議會，唔記得輕鐵擅自改動過乜野服務，屯門區議會足足鬧左輕鐵代表成35-40分鐘。
今年元朗區議會，話港鐵同地區議會疏離，又鬧左20分鐘。）

仲有，決而不行的意思係單方面的，唔好再用呢個詞語，只係會教錯哂求學時期的板友。

另一方面，現在就係因為有一條密而家少少既610，加埋半條人命既614+615，先攪得掂青山公路，
我絕對唔同意你講的：「最後又搞到上到車就逼爆，點知落車之後，
望下下一班，卻是有位未滿,激到你紮紮跳」
根本我搭親輕鐵由元朗落屯門，都唔覺有呢種情況。
就算我幾次在康樂路，610接615接614再接610，班班都要企。

仲有成個屯門元朗幾多長者，你叫人地轉車，你呢個551+552+553，你完全唔考慮呢個大缺憾，
如果仲要叫人地原先614/614P咁大量的客，在屯門站上上落落咁轉車，就算4分鐘一班又點，
分分鐘咪又係慢過一條線過？仲有，輕鐵月台好擠逼，唔係個個月台好似屯門站及天水圍站咁寬敞。
一大班人轉車，咪更加危險。

就算你唔認同區議員做的民意，都要再睇下
1. 優點多定缺點多．
2. 針對清楚問題重點，
3. 居民的乘搭模式，
4. 現場客觀情況。

仲有我完全唔覺得你呢種一意孤行有Point，只係斟酌住班次密，
班次密係好，如果班次密但係同乘客乘車模式背道而馳，
加到幾密都係死。

原帖由 ChickenTong 於 2008-5-16 19:38 發表

不知所謂,天水圍重組點同屯門比?
天水圍一來細二來網絡簡單(得個"日"字)
屯門區網絡又大又複雜,即使重組都唔幫得幾多,
而客流模式重組後切合?笑大人個口~
講到尾,你都係想輕鐵食返506批客,同埋有直車由東北去西南姐 ...

講到更尾，就係506>輕鐵，同埋552 553 e個 plan岩洗他，先同大部份屯門人作對 。根本506改善脫班問題就不好入tmwr，正情係番碼頭方向個站對面add個站算。仲要cancel循環線行法，用市中心作總站(61x分站)，61x就同263出番去。而552 553我覺得不work la，行614P 615P好過，cut埋614 615，開651，盡量係青公做00 >610 05 > 651 10>610 610。