西鐵月台顯示屏「東涌綫化」

原帖由 HX273 於 2008-5-4 20:48 發表


呢個好似係忽然個忽喎。

講真，「怱」日常生活已經好少用，連電腦都冇配詞，反而「匆」有「匆匆」。
港鐵又畫蛇添足

P.S.我星期六在欣澳站聽到「年紀細，學姿勢，小心梯邊夾腳仔」，但唔係其他站那把聲，
呢個錄音把聲好「頹」，好似「無聲抗議」個口號「太傻太天真」咁。

今日見到南昌站既好o左少少
出兩次中英標語, 就轉回班次顯示, 之後某個秒數後又轉番標語
一路重複

唔知有冇人覺得:
最近唔少車站既月台長消失了
莫非又係「東涌綫化」行動?

原帖由 OTIS401 於 2008-5-5 22:07 發表
唔知有冇人覺得:
最近唔少車站既月台長消失了
莫非又係「東涌綫化」行動?

前九鐵三線均有以上情況出現呢

真不明白為何要削減月台長
是否又是盲目港鐵化的行動之一呢

咁原有個d月台長去晒邊?

調左去其他崗位?

原帖由 AVW56 於 2008-5-7 08:36 AM 發表
咁原有個d月台長去晒邊?

調左去其他崗位?

段估唔會炒咗掛
可能去咗客務中心or車站控制室

原帖由 KZ9314@YCC 於 2008-5-6 22:50 發表

前九鐵三線均有以上情況出現呢

真不明白為何要削減月台長
是否又是盲目港鐵化的行動之一呢

如果真係「盲目前地鐵化」(似乎咁講比較正確)還好，須知前地鐵有好多野，係做得比前九鐵好

但好不幸，合併至今，接近半年，我完全唔見有一樣前地鐵做得較好既野，有帶入前九鐵。東鐵線、馬鞍山線不準確的月台顯示屏，依然不準確；東鐵線(尤其南行)不穩定的班次，仍然不穩定；東鐵線大部份站的種種簡陋設施，仍無絲毫改善，例如仍使用11年前的第一代八仔查閱器(前地鐵各站早已換成更清晰方便的彩芒版)、部份車站的出入口仍沒有ABC代號等(都已經唔要求改善遮D唔遮D既月台上蓋呢個咁「龐大」既工程了)

反而前地鐵D衰野，除左本topic中版友所講既西鐵線顯示屏外，重有原站出入收十蚊、冇真正客務中心(票務處做埋)，就全部帶入前九鐵，連沙田站個列車書室亦被取消(當然可有人會認為呢樣係極無聊既野，但我認為有好過冇)。前九鐵做得較好的，除左「有公廁」呢樣重暫時keep得著之外，其餘都冇幾多樣剩。

其實早在公佈合併後實施一鐵兩制，前九鐵路線仍不設學生優惠、以及原九鐵尖東站指示板被換成前地鐵的呆板格式時，我已經心知不妙，我亦極不希望但亦極相信不出數年，港鐵將會一鐵一制：學生優惠全線「前九鐵化」，車站公廁全線「前地鐵化」。

前九鐵車站原站出入收10元的措施生效後，昔日的前九鐵特色列車泊在特定月台，供乘客參觀的情況，已成絕響。
而一些原九鐵時代某些公開的資訊，到了港鐵就以「商業機密、版權保護」為由，拒絕透露。