山頂纜車成立120周年活動

原帖由 butterfly 於 2008-5-30 22:51 發表


15C停駛咩，我今早10:10am左右見到DA66係花園道纜車站外出現，之後10:30am左右有部dart仔打住15C係外面出現，當時無記錯好似有1個乘客出中環，今日15C改左係外面避車處上落客，個乳豬盤個面好似仲貼左張15C的紙 ...

15C站牌寫有限度服務,問個司機先知"有限度服務"係有落冇上=.=

原帖由 butterfly 於 2008-5-30 22:51 發表


15C停駛咩，我今早10:10am左右見到DA66係花園道纜車站外出現，之後10:30am左右有部dart仔打住15C係外面出現，當時無記錯好似有1個乘客出中環，今日15C改左係外面避車處上落客，個乳豬盤個面好似仲貼左張15C的紙 ...

咁我就講下我既經歷喇…

09:55 左右落船出碼頭，離遠見到 DA66 民光街右轉民耀街，諗住佢會 10:00 返來啦
行到去 15c 站，站牌笠左袋，豬盤就貼左 15c 有限度服務，果陣有架新巴 Hiace 泊左係度，
但係冇通知乘客冇車搭。

10:00 過左，冇車黎，開始有乘客睇豬盤，問點解寫住 10:00 頭班車，仲未有車黎。
而架 Hiace 就走左，亦都冇通知乘客冇車搭。

10:07 左右，有個住白恤衫、打黑呔、拎住塊膠板既男人走埋條人龍度，
同班人講 15c 已經停駛，叫班人唔好再等，仲指住個笠住左既站牌，
聽到有幾個香港人話行過去，亦都有幾個講普通話既遊客問過個西裝人應該點去纜車站，
而我就即刻走左過隔離既的士站等的士。

行左過的士站，就有架 15 埋站，原先諗住行去纜車站果幾個香港人都走番轉頭，
連埋班遊客一齊上晒架 15，係得我一個上左的士，直去花園道。

原帖由 chickenbus 於 2008-5-30 22:47 發表

又唔係喎…
小弟 10:00 搭天星去到 15c 總站，去到至知停駛，之後有架 15 埋站，除左我之外個個上晒車。
（小弟就好蠢咁坐的士過花園道，結果一聽到要等五個鐘就即刻走頭…） ...

你比人昆左啦，纜車公司同埋運吉係作大個數黎嚇人走
AD18 回文 #27 所講果位人兄就係我

我 1 點 9 去到，佢竟然話要等 8 個鐘
但係到左 2 點半，我行到去某個地方，佢話要等 2 個鐘
到左 4 點我已經迫到入站
4 點半我已經係山頂

全程我諗我等左大約 2 hr 20 min，比佢所講的 8 個鐘少好多好多

[ 本帖最後由 GA5505．六小孩 於 2008-5-30 23:38 編輯 ]

今晚7:45左右係山上等纜車, 約45分鐘後就上到車.

我仲係玻璃窗外望裡面已經覺得怪, 因為上山班車居然坐唔滿. 落到山下仲奇, 冇人等上車, 兜出正門至知原來截左龍. 我懷疑會否係因為特製車票派完至截龍呢?

原帖由 亞空 於 2008-5-30 21:04 發表

晏晝已經開始截,最後同班fd搭15上山頂,起山頂玩到5點幾由山頂搭纜車落番泥,快好多,大約等左4班車

晏晝可能截過一陣，但係之後都仲有比人排
我諗 6 點半真係真真正正截晒

我係 9 點 3 上車落山，來左一架空車
相信上山尾班車已經係 9 點開出，而由 9 點至 12 點只維持下山服務

邊有 8 個鐘咁誇張？6 點半截龍到 9 點，只不過係 2 個半鐘

上山尾車應該係8:30左右, 我入左閘等落山時, 上來那一架車仲有人坐, 不過落到山就冇人排隊上車. 唯一唔肯定就係中途對面那一班有冇人

今日小弟都去左搭纜車, 影左少少相,
因為天氣惡劣,加上用閃光燈會對在場既人造成不適, 所以部份相片較矇.

今朝我10am到左花園道總站, 站外對出既纜車徑車路被封並劃為行人專用區,
當時人龍已經去到15C落客站位置.

當時不斷落大雨, 開左遮都淋到個身濕晒, 相中可見半山已被雲霧包圍:


今日有3至4個等候區, 分別係天橋底泊車位, 美利大廈外小公園, 天橋底近壁球中心, 以及天橋底近WWF辦公室.
美利大廈外小公園:


"3小時"告示牌, 雖然排隊前警察話要4至4.5小時先上到車, 但我去到呢個牌時只需要15分鐘:


天橋底近壁球中心, 雖然有瓦遮頭, 但係好焗:



售票詳情:


最後一個等候區既末段, 到呢度大概等左2小時, 比警方預計快一半時間:


售票處前既職員派緊報紙同其他宣傳品:


終於買到票!



正如上面板友所講, 纜車公司改變左安排, 乘客買完票後要由原出站口入站,
穿古裝既模特兒同查票職員則於原入口處俾傳媒(定攝影發燒友?)影相,
我地等左咁耐就無得合照, 車票又冇得打孔... :


最後上到車, 先發現原來今日不設企位, 當然你可以選擇企起身,
所以就算今日班次開到最密, 載客能力都冇平時咁多, 搞到要大排長龍.

如果唔理惡劣天氣同長時間既等候, 3毫子坐來回纜車, 仲有車票送, 兼包你有位坐,
的確係超值之旅 !
不過天氣持續惡劣, 山頂總站外既等候區又冇遮蔽地方, 所以我最後都係坐15號巴士返中環.

5點幾-6 點由山頂落泥只係等左20min-25mins

原帖由 Seiko 於 2008-5-31 00:09 發表
今日小弟都去左搭纜車, 影左少少相,
因為天氣惡劣,加上用閃光燈會對在場既人造成不適, 所以部份相片較矇.

今朝我10am到左花園道總站, 站外對出既纜車徑車路被封並劃為行人專用區,
當時人龍已經去到15C落客站位置.

...

我個班有企位

[ 本帖最後由 亞空 於 2008-5-31 00:25 編輯 ]

原帖由 GA5505．六小孩 於 2008-5-30 23:44 發表


晏晝可能截過一陣，但係之後都仲有比人排
我諗 6 點半真係真真正正截晒

我係 9 點 3 上車落山，來左一架空車
相信上山尾班車已經係 9 點開出，而由 9 點至 12 點只維持下山服務

邊有 8 個鐘咁誇張？6 點半截龍到 9 點，只 ...

我今日去到排，佢真係話排八個鐘
其實排起上黎，淨排得個兩個鐘
今日張飛冧把幾靚，16863

原帖由 亞空 於 2008-5-31 00:23 發表
5點幾-6 點由山頂落泥只係等左20min-25mins

我個班有企位

我o個班都有好多人企
大家都好辛苦先逼到上車
上到去又o岩o岩冇晒位/讓位予老人
又冇可能落返車(走廊前後企晒人)
十幾個人(包括我)唯有照企上山
佢條走廊呈弧形
扶手又唔太夠
都幾難企

起初諗過如果山上有太多人輪候纜車落山就轉搭15號
不過落山就遠較上山鬆動好多
終於可以搵到一個位坐