背光拍攝疑問

前幾天影了下面一張相, 當時並非完全晴天, 略有雲及煙霞,
太陽在相片右上方滲進時形成白茫茫一片, 主體就變得不夠光,
我是用canon ixus 850is, auto mode但關了閃光燈,
其實上述情況可以如何拍攝呢?
多謝指教.


[ 本帖最後由 JZ3968 於 2008-5-18 17:53 編輯 ]

包圍曝光 + 後製啦...

photoshop

image --> adjustment --> shadow / highlight

不好意思, 我打得唔好, 其實我係想問即場如何拍攝,
不是影了之後點樣補救

加一兩級曝光補償如何?

如果主體小同近, 如影人, 可以落閃光燈

不過如果好似上面咁大, 就其實睇你想要乜.....
相機始終都係物理原則....快門, 光圈去控制, 實物本身光暗差太大,
無乜辦法, 只可以搵一個point
如果要主體夠光, 就一定個天 over 左....
但如果要有藍天咁, 就主體會唔夠光.....(除非影d剪影)

其實都可以嘗試搵一個中間點, 不過似乎效果就一般
我自己習慣, 都係要後期了, 但over 左好難救返,
所以我會就返主體會影暗d.....之後救返....

記得以前我都問過人呢個問題, 轉頭答覆都係後期 ahah
其實我都想知仲有無方法....

原帖由 JZ3968 於 2008-5-18 17:52 發表
不好意思, 我打得唔好, 其實我係想問即場如何拍攝,
不是影了之後點樣補救

有得即場solve都教左你啦...
(1) 現場光差大, 先天性已經係死症, 只可以不斷以
唔同曝光值影多幾張再揀張好的...又或者索性
同一個位玩包圍曝光連影3張, 再響Photoshop CS3玩HDR..

(2) under再落閃補船光就更冇可能, 隻船咁大, 根本就閃唔到,
你仲要ja機仔..

(3) 唔好影, 你要即場solve到的...
除左搵個順光位都冇可能做到....
如果你當時要順光影的, 應該要租船出海囉..

(4) 換機....
係, 真係叫你換機, 換部可以影之前已經可以
提高拍攝時動態範圍的DC....咁都符合你的要求..
可以"即場拍攝"

推介機種:
FUJIFILM FinePix F100fd (可提升4倍動態範圍)

或者可以改買響拍攝時已可改善背光問題的DC...
e.g. Panasonic新一批Lumix機仔的"智能對比技術";
Olympus機仔的SAT (Shadow Adjustment Technology)技術..
SONY Cyber-shot的DR (D-Range Optimizer)技術....

再唔係的...Nikon Coolpix機仔都有"事後"D-Lighting
你玩, 不過係"事後"囉...

Canon機仔嘛, 正, 就係乜都冇, 始終如一