東南西北中九龍 ?

其實有無一個較清楚既道路 / 地標去分東南西北中九龍呢 ?

e.g. 之前聽過北九龍係指界限街以北既九龍區

咁東九龍又點同北九龍分既呢 ?

原帖由 kokchun 於 2008-5-19 11:48 發表
其實有無一個較清楚既道路 / 地標去分東南西北中九龍呢 ?

立法會選區,油尖旺/九龍城/深水步為九龍西,黃大仙/觀塘為九龍東.

其實如果以地政上, 界限街以南係九龍, 而界限街以北係新九龍,
呢個可以係地段nunber 睇到....涉及歷史問題....

至於東南西北中九龍點分, 我相信並無實際/肯定分法,
選區, 警區, 地政處分區等都應該唔同

[ 本帖最後由 3ASV196 於 2008-5-19 19:06 編輯 ]

好像許多機構和市民大眾也把火車路當作東西九龍的分界線，但九龍北、九龍南、九龍中等則沒有「主流民意」。

記得小學時學校年年都派隊參加《九北XX運動會》，不知道「九北」是......

原帖由 3ASV196 於 2008-5-19 19:04 發表
其實如果以地政上, 界限街以南係九龍, 而界限街以北係新九龍,
呢個可以係地段nunber 睇到....涉及歷史問題....

至於東南西北中九龍點分, 我相信並無實際/肯定分法,
選區, 警區, 地政處分區等都應該唔同 ...

醫管局診所九龍西聯網包埋葵涌、荃灣及黃大仙，無油尖旺．．．


一般指西九龍同東九龍會以立法會選區計，深水埗、油尖旺為西九龍，觀塘、黃大仙為東九龍，

九龍城區比較尷尬，應屬中九龍，黃大仙也可勉強算作中九龍，

九龍南、北是歷史問題，英國先取得九龍後租借新界，當年"新界"包括今日界限街以南的"九龍"地區，

因此九龍北部應為界限街以南而未到新界的地區，

而天文台的雨量計算會包括這些地區的山頭，因此會出現九龍北部的稱呼，

沒有九龍南部是因為其實九龍南部範圍並不大，已由京士柏及維港沿岸代表九龍南部計算其雨量及風力等

原帖由 石頭 於 2008-5-24 03:08 發表

九龍南、北是歷史問題，英國先取得九龍後租借新界，當年"新界"包括今日界限街以南的"九龍"地區，

因此九龍北部應為界限街以南而未到新界的地區

你想講係 "當年"新界"包括今日界限街以北的"九龍"地區，
因此九龍北部應為界限街以北而未到新界的地區"?

其實呢個除左歷史, 而且涉及軍事的問題, 英國開頭的確先取得九龍後租借新界,
而租借新界其中一個原因係作為一個緩衝區, 而從軍事睇, 如果將來"新界"歸還,
要好防守, 就要 要埋獅子山, 可以從高而下監察"新界", 相反, 如果不這樣做,
新界歸還後, 內地就可以從獅子山高而下監察整過九龍區, 對英國地區極為不利..

所以, 英國政府好早期就將 界限街以北而獅子山以南的地區, 由新界"正名"為新九龍,
藉此表達左, 其實英國政府無意歸還有關地區....

而從地政, 法治上, 早期港英政府對 "九龍/新九龍"地區 和 "新界"地區 都好唔同...
如新界好多村落, 仲行緊 "清例", d丁屋ar, 農地 都盡量減少影響亦唔點理....而主要
的發展都集中係九龍/新九龍/港島區....直到人口增長, 新市鎮等計畫....

所以點解界限街以北, 會有d地區, 係由"新界"變成"新九龍", 有這樣的原因

但都係那句, 應該並無正式的 東南西北中 等分區,

[ 本帖最後由 3ASV196 於 2008-5-24 08:39 編輯 ]

那麼中部又指甚麼 ?
土瓜灣 個邊 ?

PS.
土瓜灣 係屬 九龍城區 (以上面講, 應屬九龍西)  ~

一係跟95年立法局選舉咁分：
(大約係咁)

九龍西：美孚/深水
九龍西南：油尖旺
九龍中：樂富/橫頭磡/九龍城
九龍南：土瓜灣/紅磡/何文田
九龍東：九龍灣/牛頭角/觀塘
九龍東北：黃大仙/慈雲山
九龍東南：四順/秀茂坪/藍田/油塘

有錯請指教