阿婆豆腐花 " 又 " 結業消息

" 阿婆豆腐花 " 似乎較少人認識 , 網上背景資料亦不多 , 讓我簡單介紹一下吧

談 " 阿婆豆腐花 " 必定與 " 菓香林 " 扯上關係
" 菓香林 " 原是涼茶店 , 位於大埔墟廣福里
後來涼茶店結業 , 下一手承接賣豆製品
豆腐花店沒有為店鋪重新命名 , 沿用 " 菓香林 " , 這就是大家熟悉的名字
亦是九十年代最受歡迎及最聞名的豆品店之一
直至二零零七年中旬 , 店主妒忌 " 菓香林 " 生意太好 , 便把 " 菓香林 " 經營者趕走 , 收回店鋪並繼續以 " 菓香林 " 名字營業 , 希望發財
起初生意很好 , 因為街坊們毫不知情
豈料原 " 菓香林 " 經營者很快便在大榮里一間名為 " 天外天餐廳小廚 " 的一角重新開業 , 並命名為 " 阿婆豆腐花 "
新店正正為於 " 菓香林 " 斜對面
而 " 阿婆 " 又再次站在鋪前以招牌笑容迎賓
自此 " 菓香林 " 生意一落千丈 , 而 " 阿婆豆腐花 " 又再出現昔日 " 菓香林 " 長長人龍及大批進食豆腐花的群眾

最近 " 阿婆豆腐花 " 又再遭業主加租 , 終於宣佈結業
通告表示結業日期為 6 月 10 日
有興趣的板友要快快行動了 !

睇見佢又再結業，真係好可惜！
" 阿婆豆腐花 "o的豆腐花真係又香又滑，好好味。

據聞仲未搵到新舖位，希望阿婆快o的搵到啦~

住得耐係大埔既居民都知，呀婆豆腐花係菓香林再之前只係一檔小販車仔檔，之後變到係菓香林，再賣到最受歡迎，就連部份遊客都會去試，不過又結業真係可惜，希望快D找到新鋪。

最新消息
啱啱番屋企路過  " 阿婆豆腐花 "
發現招牌已經被黑色紙遮住
本身長掛鋪外嘅紅色底   " 阿婆豆腐花 " 膠布已經唔見咗
價錢牌冇晒
結業通告都冇埋

唔通已經執完包袱走人 ?

6月1日下午去已經執左了，
只好幫襯返菓香林，
菓香林生意多左好多，
真係風水輪流轉

有冇重開的風聲？始終呢D家庭式經營既小店，風味點都比連鎖店等好

原帖由 ASV100 於 2008-6-2 19:20 發表
6月1日下午去已經執左了，
只好幫襯返菓香林，
菓香林生意多左好多，
真係風水輪流轉

又話10號既？咁快執？

菓香林好生意我覺得只係暫時性，"阿婆"他日東山再起，菓香林一定回復原狀

兩間啲豆腐花都食過 , 個人覺得 "  阿婆豆腐花 " 好食得多
希望 " 阿婆豆腐花 " 可以快啲搵到新舖重開啦 !!