司機先生，你會唔會係好心做壞事呢？

原帖由 天瑞總站 於 2008-6-3 00:17 發表
我淨係想問..司機有乜錯?

係17先行到站，而且17又唔見會比3D上客上耐好多，點解要停定讓3D行先？

情況好似...你行緊高速公路，前面有條小路有車等緊出，你會唔會突然急剎讓小路車輛先行(我見過九巴好多次都係咁)？

原帖由 FN1967 於 2008-6-2 20:33 發表

讓3D行先,自己咪全程唔駛俾人話明碌車囉....!
做巴士司機,個個都要識計呢D數呀........! ...

係你自己幻想出來，定係佢真係咁諗？

佢唔碌車，返到另一邊總站如果追倒時間，咁咪唔駛被踢車囉

故意碌車博踢車，極度影響服務班次，如果真係既話，呢d人唔好再渣巴士，連最基本道路常識「保持合理車速」都唔識...

樓主既 case, 個司傅確實唔岩

明知班車遲左咁多, 仲要"故意"讓人地

另問: 17 後車有無追到 ?

p.s. 98D 好多時都會讓少d人上既 26 行先
作為乘客, 當然唔多想 ... 不過都合理既

del

原帖由 4056 於 2008-6-3 00:59 發表


係你自己幻想出來，定係佢真係咁諗？

佢唔碌車，返到另一邊總站如果追倒時間，咁咪唔駛被踢車囉

故意碌車博踢車，極度影響服務班次，如果真係既話，呢d人唔好再渣巴士，連最基本道路常識「保持合理車速」都唔識... ...

當你做過巴士司機,就一定唔會這樣講......!
巴士公司只要求車長"安全駕駛"
無要求我咃去追時間.....!
如果因為你要追時間去開快車,發生交通意外,
公司和乘客唔會多謝你....!

原帖由 petcity 於 2008-6-3 00:20 發表


如果返工時趕時間，架車遲左，仲見個司機咁禮讓
有D乘客會無名火起

可能佢冇做錯，但因為咁，成就左一件壞事，令到班客遲上加遲
D客係呢個情況唔會體諒你對其他道路使用者既禮讓 ...

趕時間就搭的士啦....!
唔想返工遲到就再預早少少出門.....!

原帖由 alex93 於 2008-6-3 02:13 發表
樓主既 case, 個司傅確實唔岩

明知班車遲左咁多, 仲要"故意"讓人地

另問: 17 後車有無追到 ?

...

架車未上晒裕民坊既客後車JE1812已到。停創紀之城站又見到
GP7100私牌，後來去到徳福冇晒客，部GP7100應該由果度起
載。

原帖由 FN1967 於 2008-6-3 15:05 發表

趕時間就搭的士啦....!
唔想返工遲到就再預早少少出門.....!

有冇睇淸楚原文？一條該段時間約八分鐘有車既線等左五個字。
結果我返到工遲左三個字。

早知佢咁遲，我晨早去搭的士，洗你教？

分就扣硬你，唔洗多謝。

原帖由 HY671 於 2008-6-3 17:03 發表


有冇睇淸楚原文？一條該段時間約八分鐘有車既線等左五個字。
結果我返到工遲左三個字。

早知佢咁遲，我晨早去搭的士，洗你教？

分就扣硬你，唔洗多謝。 ...

我有朝返學都係啦, 明明比平時預早左出門
點知等左好耐都冇車, 結果都遲左, 好彩出席率冇受影響ja

不過同你唔同的情況係, 即使我明知佢會遲, 我寧願走果堂都唔會搭的士

原帖由 FN1967 於 2008-6-3 14:55 發表

當你做過巴士司機,就一定唔會這樣講......!
巴士公司只要求車長"安全駕駛"
無要求我咃去追時間.....!
如果因為你要追時間去開快車,發生交通意外,
公司和乘客唔會多謝你....! ...

無人要你開快車去追時間, 乘客同公司淨係想要正常車程而唔玩埋d"技倆"搏做少d, 令對服務o既影響少d
如果唔順燈o既, 追唔到, 無問題, 但返工時間過鐘仲死讓爛讓, 真係接受唔到
d客都係搭巴士返工者, 唔駛買大細嘛, 見你碌神咁款, 上你又唔係, 唔上又唔係, 淨間炒大鑊無後車返就大鑊
你估城巴司機唔識呢d技倆? 佢地仲精添啦, 但人地都知返工時間唔好玩野啦...
安全駕駛同正常駕駛係兩樣野, 如果速度正常少少都驚有意外, 都唔岩做職業司機...