司機先生，你會唔會係好心做壞事呢？

原帖由 HY671 於 2008-6-2 09:39 發表
今朝八點三去到裕民坊排隊等17，前面有十五六人，估計龍頭既已經等
左五分鐘。

如是者一路等，等到八點八先見有部GN2729徐徐駛到，等左五個字，都
差唔多平左等17最耐紀錄...咦，部車做乜埋站前突然停晒咁滯打壞車燈？
笑笑口咁打 ...

咁架3D 係咪要CUT線爬架17頭,,  之後再CUT 線CUT 返 黎埋站呢???
如果係咁, 都好過份呢......
咁樣做直情係妨礙交通暢順,.......
停曬打壞車燈只為讓其他車過頭........

原帖由 天瑞總站 於 2008-6-4 01:15 發表
點解唔可以讓人行先? 司機係咪一定知道自己遲左好多開? 乜九巴唔係跟時間出架咩? 遲出係司機既問題?
巴士站係高速公路? 高速公路上面除左唔怕死既人渣車之外 會明明見到有車高速過緊黎都照踩出黎?
何況小路入大路 一 ...

你不如話我點解等左五個字都等得，就係佢特登讓部3D要我等多半分鐘都唔得啦。

個司機有心讓人行先可以係之前一段唔係巴士站既地方自行解決，無需要係成接
近一日名苦候17既乘客面前表演佢既愛心。

原帖由 天瑞總站 於 2008-6-4 01:20 發表
等左五個字都仲等? 係我等左三個字都無車我就識執生仆去搭的士....
*唔係話你繼續等車有錯

你識執生你叻囉，咁答你滿意未？

閣下係咪仲係每個星期伸手問屋企人攞錢過活既人？係的話希望你出
黎做野後會明白搵錢坐的士係幾咁「容易」。

原帖由 FN1967 於 2008-6-3 14:55 發表

當你做過巴士司機,就一定唔會這樣講......!
巴士公司只要求車長"安全駕駛"
無要求我咃去追時間.....!
如果因為你要追時間去開快車,發生交通意外,
公司和乘客唔會多謝你....! ...

如果你係呢種態度開車的話，
我寧願係向運輸署取消自己的駕駛執照，
你出現的問題唔係太禮讓，
而係你咁開車法，
真係教跟你後面果個無所適從。

原帖由 FN1967 於 2008-6-3 14:55 發表

當你做過巴士司機,就一定唔會這樣講......!
巴士公司只要求車長"安全駕駛"
無要求我咃去追時間.....!
如果因為你要追時間去開快車,發生交通意外,
公司和乘客唔會多謝你....! ...

你都識講，巴士公司係要度車長「安全駕駛」，唔係「龜速行駛」
你唔開快車，但你在吐露港開慢車，又或者見車就讓，會唔會更客易引致意外？？
我唔知你有冇driving licenese，但如果有既，你都係去補下鐘先啦，唔好渣架車出來阻塞路面。
你碌車令乘客同其他駕駛者遲到，全世界都唔會多謝你。

原帖由 天瑞總站 於 2008-6-4 13:03 發表
唔通佢唔讓半分鐘俾部 3D 埋站先你就唔會遲到三個字?
前一段又係讓, 後一段又係讓, 你見到又係 3D 埋站先你咪又係搵第樣野鬧..

而家唔係講緊讓左部3D令樓主遲三個字。而家係講緊「讓人地埋站」呢個做法有冇必要，我知3D唔多人，但17亦唔見得多人，點解要讓人上先？除非你條龍好似298E朝早條龍咁就話讓都好合理...

而家係講緊有冇必要咁樣做