應否設置更多港鐵站？

原帖由 mckhgc 於 2008-6-11 22:53 發表

上面有人話逸東站不會為港鐵帶來額外客量，又話日出康城站/將南站有工業村,清水灣半島既客源，但照呢個理論，工業村,清水灣半島都唔算額外客源喎，因為就算冇日出康城站/將南站，佢地一樣會自己駁車(公司車/廠車/住客專車/專利巴/小巴乜都好)去港鐵將線某站

而更重要既係：如果將南塊地唔係畀左港鐵起日出康城，而係好似而家既東涌西咁用黎起左公屋(規模同日出康城相若)，即使帶來既客量比日出康城更多(至少公屋唔會出現要黎炒唔要黎住既情況)，你估港鐵重會唔會起呢個站？呢個係一個大家都心照不宣，但冇人願意正面面對既問題

問題是，有不少公司駁車會以日出康城站為終點站，而非坑口／將軍澳站，
至少日出康城站至將軍澳站的乘客可以轉用港鐵。

而且，由此至終，日出康城站的總流量包括：
1. 日出康城（5萬人）
2. 將軍澳工業邨
3. 百勝角中低密度發展項目（5000人）
4. 將軍澳南85區和鑄造廠住宅用地
就算港鐵不建，原則上政府規劃一個超過5萬人的新社區，
根本無可能不建／預留鐵路車站（違反《香港規劃標準與準則》）。

東涌西發展頂目一日未上馬，人口一直保持在約3~4萬人，
一切要視乎大嶼山發展計劃如何處理東涌灣填海區而再作處理。

而說回事實，閣下認為東涌西一定要設站，
試問有沒有無須填海情況下的車站選址？
我也真的不太明白的現有可行定線，
如何在東面為綠化帶，南面為己建區，西面為未填海的東涌灣，北面不會填海的東涌灣情況下，
興建一個半海底的東涌西站。