aTV仲有冇生存空間

aTV自從搬廠、換董事及提供數碼廣播後，節目內容比以前進步左好多。 但d人對於aTV既節目完全唔理，咩大陸劇、韓劇、日劇完全係浸過水，有d人值情屋企係唔會較aTV頻道，只會有TVB。至於港人受歡迎既節目，如六點鐘新聞、六合彩、賽馬節目，收視先有雙位數字。

政府規定八月前數碼廣播必須要有75%覆蓋率，而aTV自資興建既九龍坑山、南Y島發射站，工程進度緩慢，經常比人話佢資金不足，係不思進取既電視台，又會佢係大陸台。

假如政府要將aTV牌照、頻道收番，再公開招標，你地會有咩睇法? 而aTV長遠仲有冇生存空間? 有冇方法可改善慣性收視呢種風氣?

比起未換管理層之前，aTV的確係差好多，好多人都唔會睇
自從換左管理層，節目內容好左，亦有年輕化，好多新節目都貼近年輕人口味，只係年輕人睇唔睇…
好多改革後節目或自製劇集，雖然收視唔高，但係亦擭各界好評，睇得出aTV係有心去做返好！

其實我覺得aTV長遠係有生存空間既，例如aTV強項一向都係資訊節目，收視亦唔錯。
TVB好難做到咁有質素既資訊節目，所以aTV係有生存空間。

改善慣性收視呢種風氣，唔係一兩年就可以改善到，要慢慢黎，
家陣星期六日都有30%收視，只要全個星期有40-50%已經算好啦…

d人話係不思進取既電視台，我覺得唔係囉，aTV一向以創意領先，
只係冇人見到，而TVB就真係不思進取啦…以為有慣性收視，就做咩都得
自製劇集除左三角戀，都冇咩好講，亦有經常抄襲既情況。

其實好多人對住無線係一路鬧一路睇...
我覺得咁樣倒不如乜都唔睇。

與其話亞視唔好，倒不如話香港人劣化同埋
傳播媒介增加導致市場佔有率下降。

原帖由 CPY 於 2008-6-24 15:58 發表
年輕人已經不看電視，他們主要倚賴短片網站、互聯網上非法
上/下載侵權電視劇、電影和音樂，就連他們網上非法上/下載的侵權物品
都以無線的電視劇為主。令亞視一些年輕化的節目不受重視。

再加上大部分知名藝人和歌手只 ...

不過atv依家為左生意
主攻師奶
開始連自家特色都無埋
做爛自己
可惜可惜!!

自從林伯賣左亞視俾紅色資本家,
黃金時段長期被大陸劇攻佔,
時事新聞的編採立場又嚴重向大陸傾斜,
短短幾年間的大陸化已經嚇怕左唔少支持者.

舊年亞視換左董事, 轉左台徽,
大陸味明顯少左,
節目亦年青化左,
不過睇左近一年,
越來越覺得亞視班高層好想將個台塑造成九十年代的無線.
大家睇佢簽幾多無線舊人(包括幕後)返來就知,
仲有果個經常播的魅力天使宣傳片十足當年無線捧五美咁款.

而一年來的變革當中最令我有印象的,
就係亞視節目經常毫不忌諱地指名道姓講無線前無線後.
呢個情況由麗的時代到2007年之前都幾乎未見過.

原帖由 CPY 於 2008-6-24 15:58 發表
再加上收費電視的月費已經低至大部分普羅大眾都接受的水平，
不少追求節目質素的香港人已經表明放棄無線和亞視，
改看有線、NOW及其他外地電視台節目，此趨勢正逐步增長。

講真要我睇套港版 三套CSI大雜繪再加埋Nube3 的所謂的查案劇集
我都係去番AXN睇CSi 好過.人地新一輯都播完(Csi sesson 8)/播緊(Csi Ny sesson 4)/就播(Csi Miami sesson 6)
CSi 三套都係有不同的風格,例如原祖就係集中係講鑑證同劇情方面,NY 的解剖場面較多較血腥,Miami 就重動作多D.
三套跟本就唔同風格,合埋晒得個怪字.
睇見個歐陽瑞修.泰勒就覺得依套野抄到好難睇.

另外有睇開英文台的朋友,就會覺得明珠台買片個度真係比國際台差成十幾條街

原帖由 頭文字TRIDENT 於 24/6/2008 19:28 發表

另外有睇開英文台的朋友,就會覺得明珠台買片個度真係比國際台差成十幾條街

唔否認，不過明珠台買嘅 Shark 同 Monk 我都鍾意睇，
如果好似你咁講，係咪代表我品味唔係好高？