八號波後的681有佢!!

原帖由 epsilon 於 2008-7-4 23:49 發表
回文#43已表明我點解對城巴既安排未盡滿意，我已經講左好多次我欣賞有加班車，
但唔可以因為有加班車，就完全抵過應變計劃唔周詳既錯。
前面我已經講得好清楚，抽車加強服務唔係到當日先黎安排既工作。

總站上車有得揀車黎 ...

應變計劃叫得應變計劃...係真係用戈陣就要"應變"...
我相信戈日有好多車踢左去唔同既站...
另外...應變計劃幾時開始使用?落波之後一個鐘?兩個鐘?定係三個鐘?
唔同既時間路面會有唔同既狀況...戈日天氣唔係咁好大家都知
抽車加強服務唔係到當日先黎安排既工作既狀況...我唔係好BUY你呢點...
因為車唔行=冇錢...
681咁...我當你知道今日掛...聽日十一點落咁...
你冇咩理由比晒六十幾架車佢咖...
佢戈陣有冇真係咁多人搭先...
就算真係既話, 有冇諗過, 有冇地方呢?
佢地都係當日上午開始做緊野啦...
我相信同一個時間個個人都想有車番工咖啦, 有邊個唔想呢?
應變計劃出左啦...會唔會SET死晒D人, 令到車輛調派冇咁靈活呢?
應變計劃周唔周詳個個人唔同睇法...係我既立場係周詳...個個站都比架車佢...好難先清得晒D人...
好啦...清總站D人...頂晒閘...可以有番個TIMING比佢地...唔夠時間既?搭其他野囉...唔一定要搭681既...
仲有全個香港唔係邊到都會有車比到你...公司唔係唔想比車你...TD肯唔肯先係野...

另外#43入面...我睇唔出你欣賞有加班車...
你只係話...乘客角度同巴士迷角度去睇, 咁你有冇從公司既立場去睇?
城巴接近馬鞍山既廠得火炭同啟東, 唔知你有冇睇電視...D油貴...
佢肯私幾十架車比馬鞍山咪拍案叫絕囉...佢可以話油貴唔私車入咖...
佢都可以放呢D資源既路線到, 好似啟東有619啦, 火炭有170, 307...
我相信307要車既程度比起681有過之以無不及...
307同時好搵過681...

普通乘客同時都唔會留意架車有冇載少左人...
係正常既普通乘客...有好多都係會覺得長D就大D咁...
巴士迷去睇咁...我都唔同意...打風並唔係五十年一遇既天災...但係打風吹過既地方會有其他問題出現, 山洪暴發?
路陷?次次既清況唔同...呢間公司合併緊...好似MANCHESTER UNITED當時格拉沙入主咁樣...有好多行政既問題都要SOLVE左佢...
緊急調配? SET死左更加唔靈活...

原帖由 epsilon 於 2008-7-4 23:49 發表
回文#43已表明我點解對城巴既安排未盡滿意，我已經講左好多次我欣賞有加班車，
但唔可以因為有加班車，就完全抵過應變計劃唔周詳既錯。
前面我已經講得好清楚，抽車加強服務唔係到當日先黎安排既工作。

應變計劃? 唔好忘記大把隧道線都係聯營線, 681都係
咁係咪要幾間公司一齊聯合set好晒幾點幾分落波安排係點, 五分鐘後落波又點安排?
跟住到落波時又要搵返d file照住up?
邊條路幾點有交通意外又要預先諗定set好晒點樣調車, 以備不時之需?
如果車務真係咁簡單睇黎好快可以完全電腦化
唔見得今次搵部雙層flyer黎做加班車會係應變計劃o既錯... 佢見得部flyer用得而唔調黎681會係更錯o既決定
就算係2XX黎行681都係因為赤柱線未開得晒, 用得flyer 絕對有佢o既理由, 部車載得越少人程車賺得越少, 城巴唔通得登倒自己米?
即使佢出部單層flyer我都唔覺得會係應變計劃o既錯, 但唔滿意o既可以等下班或轉乘其他交通工具

原帖由 530 於 2008-7-5 17:42 發表
即使佢出部單層flyer我都唔覺得會係應變計劃o既錯, 但唔滿意o既可以等下班或轉乘其他交通工具

我回覆咁多篇文去話城巴做得唔夠好，就係唔想一間有條件做得好好既公司用咁既心態去服務市民。

前面幾個回應我既板友，都話應變計劃唔可以訂得太死，冇錯，我認同。
但我建議既只係盡量安排適合既車種去行適當既路線，我唔認為咁係苛刻要求。
今次八號風球，似乎就冇咩大事故發生，令城巴唔可以執行一個預先計劃好既應變安排。
如果真係有既，我願意就今次收回有關建議，但仍然希望城巴日後詳細考慮呢個做法。

仲有，我既立場從來唔係只針對681一條線，而係適用於所有路程長而缺乏相近選擇既路線，
即係上面有人提到既307之類一樣合用。希望板友回覆時唔好將我既立場規限到681一條線之上。
其實兩架大富豪已經差唔多等如三架Cityflyer既載客量，長途線用大富豪加班，
市區平行路線用Cityflyer去行，我相信會係一個更好既善用資源方法。

empty

[ 本帖最後由 arhang2001 於 2008-7-6 00:13 編輯 ]

原帖由 epsilon 於 2008-7-4 23:49 發表
回文#43已表明我點解對城巴既安排未盡滿意，我已經講左好多次我欣賞有加班車，
但唔可以因為有加班車，就完全抵過應變計劃唔周詳既錯。
前面我已經講得好清楚，抽車加強服務唔係到當日先黎安排既工作。

總站上車有得揀車黎 ...

一句未盡滿意，你大可以打28730818 去投訴，我好有興趣知道城巴會點答你。

一句未盡滿意，我諗你真係冇諗過背後要做多幾多野，先能夠達到你滿意既水準。

一句未盡滿意，證明劉德華當日個廣告，教壞晒d不能正常獨立思考既香港人。

原帖由 epsilon 於 2008-7-5 23:57 發表


我相信會係一個更好既善用資源方法

表面上係更好既善用資源方法，但背後你同我都睇唔到既野，你同我都唔知城巴做左幾多。

做人睇野，要睇得深入d。

原帖由 epsilon 於 2008-7-5 23:57 發表


我回覆咁多篇文去話城巴做得唔夠好，就係唔想一間有條件做得好好既公司用咁既心態去服務市民。

前面幾個回應我既板友，都話應變計劃唔可以訂得太死，冇錯，我認同。
但我建議既只係盡量安排適合既車種去行適當既路線，我唔 ...

咁你都要搵一D接近站既車先得咖...
城巴接近馬鞍山既廠得火炭同啟東, 佢地唔係得681一條路線, 仲有 170, 182, 307, 619, E22, E23, A22
戈兩間廠有幾多架大富豪? 佢比到一定比, 平路同長途有咩唔同?
170, 182, 307, 619等既路線都要大富豪...
計埋其他路線...
有5,5B,10,40,40M,70,72,72A,75,77,90,90B,92,96,97,98,99,592,780,789,102,107,118,170,171,182,307,619,671,681,690,930,962,962B,962X,967,969
37條路線係要用到大富豪...
309架...做超過30條班次五分鐘既路線...平比就有10.3架一條線...
戈37條線入面, 有20條係要用廿架車以上...有大約5條係要用車要三十架以上...
咁比都比唔晒309架...
有部份車仲有可能唔出得...
公司既立場當然想比架大車你, 但係另外兩間廠各自都有大量路線多人搭
出車比起佢地戈區仲快...
咁岩大嶼山要番工既番晒...D車又可以放到出...佢就可以比到...
307既車冇FLYER...係因為佢地一早比晒車佢...
681有FLYER...係因為FLYER做晒大嶼山班人...可以做其他路線...
307,681既地區該公司都係得一條路線SERVE佢地...比得車既都比啦...
得兩三架FLYER如果都唔可以既話...我諗唔到有其他辦法...

原帖由 epsilon 於 2008-7-5 23:57 發表
仲有，我既立場從來唔係只針對681一條線，而係適用於所有路程長而缺乏相近選擇既路線，; I( Q: p8 L$ ~8 G/ B: h
即係上面有人提到既307之類一樣合用。希望板友回覆時唔好將我既立場規限到681一條線之上。

無人局限到淨係講681, 唔可以淨係理長同無替代o既路線, 多人搭o既就要理
我只係唔認同特殊情況中有Flyer行加班車就係做得唔好

而且聯營線多的是, 唔可以將聯營線o既缺點揮之不理
唔同時間, 聯營線o既負責公司都有所不同, 跟本要訂定所喟o既"應變計劃"係好難o既事
以今次為例, 十一點幾落坡, 個段時間淨係沙田, 170,182,681都有相當時段負責港島方向
落坡後直到每條線時段完結要用幾多部車, 相信係當日由派更計算同安排出黎
如果落坡時間係早三個字或者遲三個字, 要調動o既車輛數目已經好唔同
而且車隊就係得咁多, 係需要同其他區路線配合, 大西北路線都需要好多車, 唔係話681要5頭豪就比到你
要應付呢d情況, 絕對係需要派更人員o既經驗黎因應情況黎即時調配, 唔相信睇經書至會搵到更好o既解決方法

原帖由 epsilon 於 2008-7-5 23:57 發表


我回覆咁多篇文去話城巴做得唔夠好，就係唔想一間有條件做得好好既公司用咁既心態去服務市民。

前面幾個回應我既板友，都話應變計劃唔可以訂得太死，冇錯，我認同。
但我建議既只係盡量安排適合既車種去行適當既路線，我唔 ...

我唔係好明, 市區線同長途線有幾大分別呢.
長短途都好多人等車, 短途你俾部flyer或者2xx佢都可能唔夠坐,
咪一樣有人受到影響.

我覺得巴士公司最大責任係短時間提供加班服務,
唔洗乘客苦候就得.
講真當日都有派2xx細車行681,
我諗無乘客覺得會有問題. 始終係特別班次.

個人認為閣下只想力求完美,
但有時順得哥情失嫂意,
你將部車行去第二條線, 又係唔係好呢?係唔係就係完美的安排呢?
或者閣下能將呢個完美的心態,
用係個人做人處事方面, 提醒自己

你話長途線用大富豪,市區線用Cityflyer
如果真係咁起市區調d水塘豪入黎
實又會有人嘈"比廿蚊仲要罰企
幾蚊就有cityflyer坐
但d cityflyer又chok,關門又慢,完全唔適合行市區線"

我係城巴夠想拎架大車黎搵多d喇
但車又係得咁多架
邊有可能一下子變d車出黎滿足晒個個需求?