討厭既廣播: 下一站設有分段收費

唔知有無其他版友出過, 不過真係頂佢唔順, 不吐不快...

車又上o左, 錢又俾埋...
大佬, 你仲洗唔洗同我講下一個站有分段收費呀...
最慘係果把聲又特別大特別響喎... 訓緊都俾佢嘈醒... :L:L:L
哩個廣播簡直係多此一舉...

因為呢個廣播係同車長講,不是同乘客講

原帖由 rickycheng 於 2008-6-27 10:23 發表
因為呢個廣播係同車長講,不是同乘客講

係既話唔該佢細聲d...

我覺得最令車長為意的聲是那「叮噹」, 後面那句基本上作用不大
(駕駛時怎留心下一站係xxx 同 下一站設有xxx ),
所以我覺得只係「叮噹」就夠, 又不用乘客們聽無關提示.

原帖由 ricky619 於 2008-6-27 11:27 AM 發表
我覺得最令車長為意的聲是那「叮噹」, 後面那句基本上作用不大
(駕駛時怎留心下一站係xxx 同 下一站設有xxx ),
所以我覺得只係「叮噹」就夠, 又不用乘客們聽無關提示. ...

咪係囉！
唔知係個「叮噹」令人在意定真係果句特別大聲，
我坐上層塞住耳仔聽住mp3基本上聽唔到報站，
但都肯定聽到呢段廣播......

原帖由 lf5499 於 2008-6-27 13:25 發表
如果真係訓著 就唔會比e句野嘈得醒啦
我搭咁耐又未試過呀

醒訓少少既都俾個叮噹嚇一嚇啦...
小弟無你咁好訓o麻...

呢段野我覺得會令多左乘客偷雞刻意比少錢...

原帖由 請勿下車 於 2008-6-27 14:17 發表
呢段野我覺得會令多左乘客偷雞刻意比少錢...

我覺得冇咩人理
次次搭98C都有人係寶達上車俾$8.6
之後"下一站設有分段收費"

其實最重要係車長知道下個站要轉分段0者
九巴或者可以考慮一下只係用「叮噹」聲而『回收』後面0個段話
有時講完都已經埋站...